المرأة الحديدية ❤️

البارت الثاني

مـريـم
رحت اول متوسط وهنا رسبت بسبب
مادة وحدة وهي الرياضيات رغم من طلعت
اكمال دخلت خصوصي وقريت وتعبت لذلك
صارت عندي عقدة منه، رسبت كل شيء تغير
بيه صرت شاطرة واطلع اعفاء تعرفت على نور
بس جانت علاقتي سطيحة لحد ماصرت رابع اعدادي قوت علاقتي بنور وصارت عندي شلة صديقات لحد هاليوم

-تدرين مـريـم لو ناجحه بوكته مجان
هيج صرتي قويه بالرياضيات و حتى
الهندسة جان مسحوله بيها رب ضارة نافعة

مـريـم : يي والله الحمد لله أكبر عقدة
تغلبت عليها و رجعت مـريـم تكملي الأحداث

شوفي بعدها بيت خالتي صاروا يترددون
علينه كل فترة، علاقة خالتي وامي حلوه
بس همه محافظة واحنه محافظة، المهم
خالتي عدها 3ولد الجبير حسام بكد اختي
24سنه والثاني محمد بكد عمر اخويه يعني
21سنه والصغير مصطفى اكبر مني
ب3سنوات عمره 19 سنه، المهم الصغير
اني وياه مد وجزر عناد وعركات واذا هو بمكان
اني ما افوت وبالعكس بحيث الكل يكلي انتي
تحبي عشت او وهمت نفسي بهالمشاعر
ما اعرف بس عشت حب من طرف واحد رغم
جنت اكول او احس هو يحبني عركاته ويايه
وكلامه وعنادنا وكومه اشياء رغم ماكو تواصل
بس من يجون كم يوم بس جنت أطير وافرح
جنت انتظره يعترف او يحجي بس ماكو لحد ماعرفت هو مرتبط بوحدة كرايبنا الموضوع
انسد من ناحيتي كمت افكر بي كـ ابن خالة
بس جنت متأكدة يحبني ما اعرف الصار رغم هالعلاقة عابرة وانتهت والبنية الحبته ما احسه
يحبها ما اذكر بالضبط بس انقهرت فترة مو لأن مرتبط لا لأن بديت افقد الأمل بعدها بديت اكبر وصرت سادس، طبعا فترة السادس تجنن خالية
من اي احداث هااا ع فكرة بالفترة الي مفروض اعيش بيها مراهقتي جنت كلش واعية وحذرة
وكل هالاشياء جانت من طرفي بس يعني ما
اتجرأ اسوي علاقة السادس مقتصر ع الدراسة وصديقاتي وذكريات حلوة كلش الشيء الوحيد
الي كسرني المعدل رغم دور اول بس الكل جان متوقعلي معدل عالي هاااا اكو شغلة بالسادس
محمد رادني ابن خالتي
- يعني اخو مصطفى
مـريـم : يي رادني زواج وصراحة لأن ابن خالتي   واعرفه مؤدب قبلت بي بعد ما تأكدت انو
مشاعري تجاه اخو صفر وانتهت مجان بالي افوت للكلية وتصير ويايه احداث لبالي الكلية
شيء عادي وكل بنية ح تزوج وخالتي جانت
تحبني بس طلبت فترة اتعرف عليه اكثر وبدينا نحجي بعلم اهلنا بس مكدرت أتأقلم وياه رغم مثقف واعي وعقله جبير مجان يفهمني واني
مجنت احسه مناسب الي احس استعجلت 
ولان أمه وامي علاقتهم حلوه ماردت اخربها و
اتركه وتصير مشاكل وخاصة الكل عرف يريدني
بيت جدي وأغلب الكرايب عشت فترة تناقض  مابين اتركه واشتري راحة بالي ما بين انطي
فرصة بلكي يتغير رغم الولد حبني ويشوفني
مثالية واعية مقصر بشيء بس مجنت احس
بالراحة ابد، اخذت قرار ورحت حجيت وياه وكتله الف وحدة تتمناك وانت مقاصر بس ما اكدر اكمل
طلب يعرف السبب كتله مابيك شيء الخلل بيه رغم بهالفترة الي احنه بيها علاقة سألني اذا جنت احب اخو او معجبة بي لان اكيد سامع من الأقارب
بس فعلا بوكته مصطفى مجان إله مكان لا بگلبي
ولا بعقلي و مو هو سبب قراري اني صح انطيته
فرصه بس شفته مو مثل الشخص الي احلم بي
يعني ابسط شي مجنت احس عنده شخصية
ماعنده طموح للبعيد كلها مجرد أحلام ويفضل عائلته حتى عليه رغم واثقه يحبني بس اي بنيه
بمكاني ماتتقبل هيج شي خصوصاً احنه بمرحلة
تعارف صح ابن خالتي واعرفه من قبل بس وحد
من تصير جد ونحجي و الولد بهيج عمر يشتغل يجمع يتعرف ع ناس هو جان كل همه البيت والكعدة وحلال مشاكل واصدقاء

- بصراحة محمد مجان قاصر ومو هو الماعنده شخصية بس انتي كـ شخصية أقوى منه
فـ مرهمتوا شكد جانت مدة تواصلكم يعني
معقوله ما تعلقتي بي كل هالمدة؟

مـريـم : شهر او شهرين ماحسيت نفسي
متعلقة بي ابد بس تأذيت بسبب كلام امه
من عرفت حتى مسجاتنا قرتهن وكالت لأمي
بنتج عدها شيء لو عدها خلي تكول وهالشي
سوا توتر بعلاقتي ويه ماما وبهالفترة أمي انقهرت مني وتأذت وبچت اما محمد فجنت أحلم بي على طول ودائما يعاتبني وبفترة انفصالنا جان مرحلة ثالثة ورسب ومرة ما اعرف صار بينا تواصل لأن
جان عنده بيج وينشر  احس الكلام موجه الي ما اعرف ليش فتت وحجيت وياه حسيته كارهني
حتى دزلي صورة ايده مجرحها كلي عشت فترة صعبة بسببج مع هذا الله يوفقج ويسعدج رغم
هو نفس برجي بس احسه عكسي بكل شيء

- انقهرت عليه هالـ محمد
وين صفه بي الدهر هسه؟

مـريـم : اني هم مقهورة لا تشوفيني باردة والله
بس مو بيدي لو مستمرة جان تنازلت عن هواي اشياء اني تسرعت وقبلت المفروض ارفض من البداية ولو قابلة جان تشوفيني حالي حال اي
وحدة ماعدها طموح كل همها أطفالها ورجلها وعيالها لا هسه هو اتخرج هم من 3 سنين
واتوقع يطول بسالفة الزواج...

- رغم تعاطفت ويه محمد واحس يحبها لمـريـم
صدك ولسه بس حسيتها اتخذت القرار المناسب
لأن الزواج عمر كامل مو يوم لو اثنين و هالبارت
رسالة للبنات إذا شخص مامقتنعه بي من الاول
لا تنطي فرصة لا تأملي احسن ما تحجين وياه
وتعلقي بيج وبالنهاية ترحين، أسباب مـريـم رغم
انو مقنعه بس سببت جرح إله...
يتبع ⬅️