المرأة الحديدية ❤️

البارت السادس

زينـه
اليوم جان اول يوم الي بالجامعه بس مو دوام
مجرد رحت اكمل إجراءات التسجيل طبعا مجنت حابه اروح علوم بس رغبة بابا جان عاجبني قانون بس مصارت،جنت كلش فرحانه لان هاليوم منتظرته من زمان من بعد تعب و دور ثاني بسبب الأحياء جان يوم حلو وبي حماس وبنفس الوقت مكان جديد
اول مره اشوف جامعه و استكشف الناس الي بيها رحت لقسمي اني و مـريـم وسألنه عن الاجراءات الباقيه رغم جان يوم حلو بس متعب بنفس الوقت
لأن خلصناها بس نفتر قسمي جان بعيد عن
قسم مـريـم وما متعودين على مسافه الطريق، جنت ما اعرف احد غير مـريـم وبالصدفة اتعرفت على زهراء جانت بنيه بسيطه صار بينه سوالف وضحك وكملنه استكشاف الجامعه سوا

بابا : ها كملتي الإجراءات

زينـه : ما اريد علوم احس
صعب وماكدر اتاقلم

بابا : بكيفج

زينـه
بعد ما بابا عجز عن اقناعي انطاني حرية الاختيار بقيت حايره وماعرف مصيري لحد ما عمي حجه وياي طلع عنده معارف بالقسم و كلي بي مستقبل و سهل و كدر يقنعني

مـريـم
ضليت اداوم فتره بدون زينـه
لان اجراءات التسجيل ما جانت كامله
ومن القسم ما اعرف احد لسه عدا زهراء
الي اطورت علاقتي وياها و جنت اثق بيها بكلشي
اما سرى جانت مجرد زميلة دراسة هيچ شي بوكته و باقي وقتي اكضي ويه حوراء و فاطمه، اختارينه ممثل شعبه و سوينه كروب جنت ماعرف احد
بس اشوف الصور واتذكر شايفتهم بالدوام وبيوم
اكو واحد صار بينه وبين فاطمه ردود بالتعليقات
و عزمته على صاج، شفت تعليقاتهم بس غلست

فاطمـه : هلاو بنات
حوراء : دام كتبتي هلاو وراج سالفه
مـريـم : هي ما يجي منها بس الكوارث
فاطمـه : تصدكون سهلتوها عليه
عزمت بكر على صاج الأحد
و ماروح وحدي استحي وحده
بيكم لازم تجي وياي
مـريـم : وهذا من شوكت عرفتي وصرتي تعزمي بعد
حوراء : لا تصيرين نفسيه مـريـم تره كلش طبيعي
فاطمـه : عادي خليها تحجي بعدها مرحله أولى ماتعرف هالشي عادي
مـريـم : تره مو لهدرجه سويتوني متخلفه
و نفسيه انتي وياها بس جاي أكول عالأقل
لو تعرفه بالدوام وتعزمه عادي مو واحد ما
شايفته ومن تعليقات تعزمه
حوراء : قابل ح ياكلها
فاطمـه : بعدين اني ما حروح وحدي
و بلغتكم حتى وحده بيكم تجي وياي
حوراء : ماكدر اجي اني
مـريـم : منو صارلها ساعه تنطي دروس
عن التحظر والثقافة شو اول وحده انسحبتي
حوراء : مو هيج السالفه تره لسه ماتغير شي
بس باجر اروح غير قسم اريد اشوف صديقتي
من الاعداديه صار كومه ما شايفتها
فاطمـه : يعني مـريـم حتجي وياي
مـريـم : ما اكدر اجي
حوراء : شوكت العزيمه
فاطمـه : نهايه الدوام
حوراء : لعد اني اجي الحك

مـريـم
داومت يوم عادي جان و زينـه هم داومت وياي
لان بلشوا دوام وبنهايه الدوام تقريباً وقت العزيمة
وحوراء لسه ما راجعه للقسم وبعد الحاح
فاطمـه رحت وياها
جنت ما مرتاحة متوترة وخجلانة حتى
هو لاحظ هالشي و كلامي جان كلش قليل
جانوا بكر و فاطمه يحجون عاد استئذنت
منهم بحجة الخط اجه
وكدرت انسحب، اتصلت بالخط وبعدها بزينه