المرأة الحديدية ❤️

البارت الخامس

قبل الدوام بشهرين جان طالع قبولي رغم
مو مثل ماردت بس الحمدلله على كل حال
جنت ضايجه شويه
ماما : مـريـم حروح للصالون تعالي وياي
مـريـم : ماشي بس ابدل
طبعا امي جانت حاسه عليه ضايجه رادت اغير جو

رحنه اني وماما للصالون
جان اشوف وحده خابصه روحها وافتهمت عدها امتحانات ودور ثاني صار حجي بينه سطحي بس الصدفه طلعت وياي بنفس الكليه بس غير قسم اني هندسه ميكانيك وهي اتصالات اسمها زهراء وحتى اعرف معلومات عن الكليه والترتيبات أخذت رقمها بس شنو من بنيه راسمتلي وشم على ايدها و شعرها دانتيل جان مودته و حاجبها خفيف ومن ردت رقمها انطته بدون تردد مارتاحيت الها بس مجنت اعرف احد بالجامعه كلت مجرد اعرف
النظام وخلص قابل حخطبها

اما عن نـوره بعد الأحداث الحجتها زينه وبعد ما رجعنه عرفت انو هي و أمير بعدهم على تواصل ولسه يكلها قنعي اهلج نزوج وخلي ابوج يكتب قطعه بـ اسمج  وقنعها كل هذا و نـوره ماتسمع
من اي بشر والي يساندها عماتها بعدين اكشفنا
كل اهلها وحتى مرة اخوها عدهن هالسوالف
عادي نـوره جانت الوحيده الي من أهلها واصله بالدراسه وكعت ضحية البيئة الي هي بيها
هالشي هو الوصلها لهالمرحله

جنت كلش فرحانه على الكلية شيء جديد
عالم حلو يختلف عن الي جنت بي كلي حماس ولهفة رغم مو القسم الاحلم بي بس مجرد كلمه كليه كافيه تخليني احس بكل هالاشياء جان عدي فضول حتى اكتشف هالعالم شنو بي وشنو ضاملي

مـريـم : ماما شوكت نروح للمول
ورايه كومه شغلات اشتريها للدوام
ماما : بالأول احجي ويه البنيه الشفناها
بالصالون حتى تعرفين المسموح شنو
خو مو تشترين ألوان ومايقبلوها

مـريـم : يي زين ذكرتيني

بالأول جنت متردده بعدين
كلت عادي مجرد اسألها وخلاص

مـريـم : هلاو حبيبي
زهراء : هلاو عمري
مـريـم : اني مـريـم الي أخذت رقمج بالصالون
زهراء : اهلا وسهلا حبيبي ما عرفتج
صدك حدزلج قوائم الطلاب نشروهم
شنو اسمج
مـريـم : مـريـم علاء
بعد ما دزتلي القوائم كعدت تحجيلي
عن حياتها كأنما تعرفني صار سنين

أكول شنو تلبسون بالدوام
زهراء : ابيض و رصاصي ونيلي هذني
مسموحات ومو دايما يحاسبون حسب القسم
مـريـم : ها حلو
ثاني يوم رحت اجهز للدوام ومن رجعت راسلت زينه
هلاو حبيبي
زينه : هلوات شلونج
مـريـم : تمام شبيج مو على بعضج
زينه : تعرفين بيه دور ثاني وحايره
بالنتيجة والتقديم وكلشي ملتم عليه
مـريـم : الله يسهلج لا تشيلين ابالج
جنت خايفه على زينه رغم هيج زينه
مو ذيج البنيه العدها طموح عدها
قناعه هالشي خلاني اكون مطمئنه انو
مهما كانت النتيجة حتكون مرتاحه

جنت كاعده وايدي على گلبي اليوم نتائج
زينه يارب تنجح ماريد ادخل جامعه وحدي
لا نـوره ولا زينه يعني صح اني من نوع اكون
صداقات بسهولة بس مو مثل ما شخص
اعرفه واعرف كلشي عليه مرت لحظات
وجان يدك الموبايل واسمع زينه تكول
نجحتتتتتت ومعدلي ٨١

مـريـم : الف مبروك حبيبي بعد ما باركت الها افتهمت منها حتروح علوم احلا شي من قدمت نفس جامعتي والحمد لله مادخلت للجامعه
وحدي احلا فقره هاي لأن احب يشاركوني بكل
لحظه وبالذات زينه كلش متعلقه بيها ومن نوع تسمع الكلام

اليوم اول يوم الي دوام اني وزينه جنه سوا
حتى اجتي وياي لقسمي ورحت وياها لقسمها
وصدفة شفت زهراء
زهراء : هلاو حليانه عالدوام
مـريـم : انتي الاحلا حبيبي
زهراء : منو هاي الي وياج
مـريـم : هاي صديقتي زينه
بعدها اتعارفوا زينه و زهراء
وحسيت زهراء انطلقت عفويه كلش بتصرفاتها
رغم مبينه اجتماعيه وتتصرف براحتها بس لازمه
حدودها لأول مرة ممكن احس حكمت على شخص
غلط من اول نظره
بعد زهراء اتعرفت على سرى وجانت شاطرة
لذلك جنت ما اطلع الا وياهه اول ايام كـ بداية
ما اعرف احد بس متونسة بعدها تعرفت على
حوراء ومنا تبدي قصة المرحلة الاولى من
تعرفت ع حوراء فصلونه كل وحده شعبه
حاولنا نرجع بفد شعبه ولكينه بديل وحده تريد
تجي بمكاني اسمها فاطمه ورحنه للعمادة
حوراء : كلشي حينحل بابا دكتور بالجامعه
وحخلي يبقينه فد شعبه
فاطمه : اني هم ابن خالتي ممثل المرحلة الرابعه
واكيد حيسوي المستحيل علمودي
مـريـم
ماعرف حسيتهم يتباهون الاثنين رحنه على ابن خالة فاطمه و اثناء الحجي عرفت مايقرب الها لأن اخته جانت وياه بس غير مرحله ومن شافت فاطمه
جانت مستغربه وسالتها شنو طلع قبولج و مبينه ماتعرف عنها هلكد يعني ما مبينات بنات خاله ومن خلال الحجي افتهمت جيران همه لان وصته على خط وكاللها اعرف كومه وخليها ورايه اما على سالفه
النقل من شعبه لشعبه فتشديدات من العمادة ماكدر يسوي شي بوكته
بعدها لاحظت حوراء و ابن خاله فاطمه
بينهم نظرات وابتسامات وضلت تتملق
إله لحد مصاروا اصدقاء وبينهم علاقة طبعا
هي محجت النه بعدها بس جنت احس