المرأة الحديدية ❤️

البارت السابع

بعد عزيمة فاطمه لبكر صرنا كروب
انضم النه صديق بكر اسمه هشام واني وفاطمة وحوراء و شخص لاخ اسمه مهيمن بدأت العزايم وبدأ الكلام انو احنه مكبلات وياهم جنت ما اهتم رغم أمي تحذرني بس اكلها اني ما مسويه شي
غلط وهي هيج حياة الجامعة والولد اخواني
اعتبرهم، بدت علاقتنا تقوه نشاقه نضحك نصور وحتى من نرجع من الدوام عدنا كروب على طول نحجي بي ونحشش، بهالفترة زينه ما جنت اشوفها هواي بحكم هي قسم واني قسم الجامعنه الخط ومرات اروح لقسمها حتى ناكل سوه
زهراء جانت قريبة وبعيده بنفس الوكت
يعني إذا عندي شي كبل ما اتردد احجيلها وهي نفس الشي بالمقابل اثنينه ملتهيات اني بكروبي وهي بقت تروح وتجي لقسمها علمود زيدو والي ماكدرت تغير شي ببعدها عنه،
كل هذا وجان اكو احساس غريب احسه
يمكن بديت احب انعجب ممكن اي وحده
مكاني نفس الشي

بـكر : اكول مو لبسج ضيك؟
مـريـم : ها مانتبهت
بـكر : لازم تنتبهين بعد هنا مو اعدادية وبس بنات
مـريـم : تمام
صدك سويت بحث
بـكر : سويت مشترك
ويه فاطمه هي اشتغلته
مـريـم : ها حلو

جان حديثي ويه بـكر بكل مره بسيط
وماعدنه شي نحجي مرات جان يطلع
مواضيع حتى ابقه واني نفس الشيء
جنت أشوف بي الشخص الي يكون حلم
كل بنيه وجنت اغار عليه من البنات لان حلو
وهو رغم كلشي جان ثكيل و رسمي نوعا ما
وياهن بنفس الوكت بكر انسان وحيد خسر
اهله بحادث من بين عائلة كاملة ضل بس هو
واخته علا الي ازوجت بعد هالحادث بسنتين اما
هو بقه ببيت عمه جنت احس نفسي اكدر احتوي اسعده اكون إله عوض وبالفترة الي جنه مجموعه
جان مندمج ويانه كلش قريب من فاطمه
اما اني جان اكو بينه حاجز جنت استحي منه
وكلماتي محدودة رغم الميانه، اما حوراء
اكتشفنه عدها علاقة بجيران فاطمه وهالشيء خلاها هي وفاطمه يتخاربن بعدها اخذنه نظره
عليها بسبب كلام فاطمه عنها وشافت وجودها
غير مرحب بي  فـ انسحبت حوراء من المجموعه
وبهالاحداث جنت ملاحظة إعجاب مهيمن
بـ فاطمه وهالشي جان كفيل انو يبتعد عن بكر
ويعتبره منافس إله، اما نوره جان اكو تواصل بينه
بس بنسبة 50٪ لان تبدل ارقامها بكل مده وعرفت
منها لسه بعدها ويه أمير.
زيـنه
جانت حياتي هادئة بالقسم ومكتفيه بفروحه بس لحد ماصار كروب القسم وكل الطلاب دخلت بي واني وياهم اكو طالب من طلابنه جان خابص روحه من البدايه بتعليقات ومنشورات ويحب يحجي وي البنات اسمه علاء جنه عادي انعلق إله ونشارك حتى نصير كروب ويروح الخجل من الطلاب صار
اكو فد تعليق وطلب من عندي عزيمه وطبعاً
علاء اول يوم دوام صارح وحده ويانه وصارت
علاقه بالبدايه صداقه، المهم اجه اليوم الي عزمت بي علاء طبعا عزمت صديقته حلا وياه رغم ما عندي علاقه بيها ومن ذاك اليوم جانت علاقتي طيبه بي وماشفت منه شي موزين
اما نوره ماعرف اخبارها إلا من مـريـم
وحسب ماعرفت رغم اهلها رافضين مرتضى بس لسه اكو تواصل بينهم وعلاقتهم ما بين مد وجزر
و مروش جانت ملتهيه بالكروب وقسمها صعب هم واحسها مايله لبكر بس لسه ماكو شي بينهم يعني كلهم فد مجموعه وعلاقتهم طبيعيه

مـريـم : زهراء شوفي حنفوت من يمه انتبهي لنظراته
زهـراء : لج مبين يحبج
مـريـم : مو هنا تحجين لا يسمعج
زهـراء :
بعد ما انضمت مـريـم للكروب ضلينه نتراسل كلش قليل حتى بالدوام أكثر وقتها وياهم لو ويه زيـنه وحتى فترات طويلة اشوفها بعيده عن زينه بس جنه على تواصل وعرفت انو معجبة ببكر
وكلش فرحت من شفت نظراته الها وانو يبادلها نفس المشاعر بس بالوكت نفسه جنت احس اكو بداخلها قلق على غيرة على خوف، اتعرفت على صديقات مـريـم
حوراء و فاطمه وطلعت فاطمه داهيه
بالصدفه عرفت احب زيدو وطلع جيرانها
يصير صديقه وخفت لا تحجي شي

مـريـم انتي متأكده فاطمه ما حتحجي شي لجيرانهم
مـريـم : انتي أساساً شكو حجيتي كدامها اني شكد وياها ولسه ماتعرف بموضوع بكر رغم جانت حوراء اتلمح الي
زهـراء : شدراني تعرفه فدوه حاجيها بلكت تنسه شي اروح بيها لو عرف
مـريـم : لاتفكرين زايد اني ححاول اوضحلها ماتجيب طاري وبعد مو الرايحه والجايه تحجين كدامها احب هذا لان من وحده لوحده الموضوع يطش
زهـراء : تمام بعد ماجيب طاري
بس خلي تسكت فاطمه

اكول مروش شدعوه عود ماتحجيلها على بكر؟

مـريـم : غير تشهرني وشي لاخ علاقتها قويه بي
كلش واخاف تحجيله واني لسه ما متأكده من مشاعره تجاهي

زهـراء : لعد النظرات شنو فلمها
مـريـم : ماعرف تدرين كلشي بي اتمناه
احسه طموح ويفكر للبعيد حريص عليه
احب خوفه واهتمامه حتى باليوم الي ما اداوم بي يضوج ويخلص اليوم بس يدزلي مسجات
زهـراء : فدوه ان شاء الله يكون من نصيبج
مـريـم : آمين...