المرأة الحديدية ❤️

البارت الرابع

نـوره : بصراحه مـريـم اني ارتبطت
بواحد ثاني اسمه أمير

مـريـم : يا أمير بس لا صديق اخوج
نـوره : يي ليش شبي أمير حلو و متمكن
و يهتم بيه وحبيته

مـريـم
بالبداية ماصدكت ابالي تشاقه بس
طلع هالشيء صح المشكله أمير اعرفه
جان اسقط خلق الله ما اعرف شلون حبته
سكير وابن فكر وينصب ع البنات وخاصة
الايتام وعدهن فلوس بحجة يساعدوه بالمهر والسكن وهالسوالف اكثر من مرة نبهت نـوره
بس مجانت تسمع مني وحتى تطلع وياه وصلت مرحلة اتعارك وياهه تكلي اني متأكدة منه صديق اخويه ميأذيني ومن نطلع بس نفرفر بالسيارة لو نروح مطعم الشلة مالتنا كلها تدري بنـوره وكلنا ننصحها بس ميفيد لحد ما خلص تركناها براحتها

اجتي الامتحانات النهائية و اليوم آخر يوم
نمتحن فيزياء جنه نراجع باقين كم وحده
ودنحجي طبعا نـوره من جانت تحجي عن
أمير مسويته هو و بس واحلام ورديه وتعرفين
بنات فضوليات مايصدكن يسمعن سالفه

رسل : أكلج نوره ماعدج صورته لأميرج
مو صار عدي فضول اشوفه كد ماتحجين عنه

مـريـم : لا حول لله شوف هاي الثانيه
محسسيني برادبيت

نـوره : موبايلي يم الحارس من نطلع و نكمل
امتحان اشوفه الكم

مـريـم : اتوقع جنت هالبنيه شلون تشوفه الهن

رسل : ييي عفيه كون حلو مثلج

علا : اني هم ارد اشوفه وياكم

مـريـم : لاحظت على علا علامات غريبه
حسيتها متوتره ماعرف

أكلج زينه
زينه : ها مروش
مـريـم : انتبهتي لعلا شلون مرتبكه
زينه : لا عاديه اشوف شكو ليش
مـريـم : لا ولا شي لا تشغلين بالج

من بين شلة صديقاتي اني اكثر وحده اعرف
احلل واقرا العيون واعرف بلغة الجسد هيج
شي عدي حدس مثل ما يكولون

دخلت مسطوره للامتحان بيومها لان تفكيري
جان بين علا و أمير و نـوره

خلصت الامتحان الحمدلله
جاوبت جانت سهله الاسئله

شلون مجاوبات
زينه : ماعرف مو هلكد
رسل: اجلتها على الدور الثاني اريد معدل

انتبهت على علا شارده

مـريـم : ما كلتي علا شلون جاوبتي
علا : الحمدلله وين نـوره صدك
مـريـم : عفيه لا تكلولي بعدها بالامتحان
هاي اول وحده تطلع اثناء مداحجي
جان شفت نـوره اجتي وبيدها الموبايل

مـريـم : بس لا مصدكه برادبيت
وجايه تشوفه النه

زينه : لاتسمعج وتزعل
رسل : عفيه مريم مو انتي شايفته
وتردينه ما نشوفه

علا : ها نـوره

مـريـم جانت نظراتي ما تفارق علا
الي حسيت مثل ساعه الصفر عدها