المرأة الحديدية ❤️

البارت الثالث

- أمم عندي فضول اتعرف على عائلتج
تره مايصير اعرف بيت خالتج كلهم
و اهلج لسه ما عرفهم 😂
مـريـم : صار جايتج بالحجي غير تنطيني مجال 😂

مـريـم
علاقتي ب اهلي حلوة حيل بـابـا سبورت
بس عنده خطوط حمر يعني  ماعندي شجاعة احجيله كل اخطائي لأن ح اتحاسب، ماما صديقتي يعني تخيلي اني اختارلها ملابسها وهي بكلشي تستشيرني وماعرف اضم شي عنها، اخواني اثنين
اخويه الجبير علاقتي بي سطحية عادي يعني من جنت صغيرة جانت علاقتنا حلوة بس من كبرنا
حيل صرنا سطحيين، لسه اتذكر من خطبني محمد ردة فعل عمر، طبعا عمر هنا جان عمره 24 سنه بهالحدود، جنت كاعده ارتب غرفتي وشفت امي دخلت لغرفة عمر بس الباب جان مفتوح فسمعت الحجي الدار بينهم
ماما : عمر
عمر : ها يمه
ماما : محمد ابن خالتك يريد يخطب مـريـم
عمر : حمودي !

من ردة فعله حسيته نصدم
بحكم همه أصدقاء وسكت بعدها

ماما : شكلت يمه
عمر : بعيد شلون ننطيها لهناك
بنتج وين تكدر تعيش محافظات
ماما : ليش شبيها كركوك مو اني من كركوك
وأجيت عشت هنا وعفت اهلي و كاعده مستقره
عمر : إذا هي قابله بكيفها
اجاني احساس غريب بوكتها رغم عمر علاقتي بي سطحيه بس افعاله تثبت محبته شكد اتمنى
يكون صديقي ومفتقدة هالجانب حيل بس ع العموم هو هيج نظامه حتى ويه مرته قليل كلام بس افعاله وحنيته تسوه الدنيه بذيج اللحظة حسيت عدي سند لذلك من رفضت محمد
جنت اعرف انو اكو من يوكف بظهري، حسن
اخويه الأصغر مني اني وياه علاقتنا تجنن عرك
شقه ضحك و اسماء اختي علاقتي بيها مثل
كل البنات مكافش مابينا تفاهم و احسها
عكسي بكل شيء
اول يوم من رحت للتسجيل بالكلية بابا جان ويايه
بابا : مـريـم معليج بأي شخص الولد يخوفون
بـابـا ما الهم امان تواضعي مو تبقين مغرورة
اني : اهوووو بابا شجاك قابل شعليه بالناس
اني طفلة وتحجيلي هالكلام
بابا : ضحك وكلي ميخالف بابا الناس متتأمن

مـريـم
لسه اتذكر طلعت من الاعداديه
بـ اثنين صديقات نوره و زينه

- منو زينه لسه ما حجيتي شي عليها
و نـوره حجيتي بس كم شغله عنها

مـريـم
زينه من السادس احنه سوه جنت بالاعدادية
ما احبها وهي متحبني تشوفني وحدة مغرورة انجمعنا بدرس خصوصي جانت خالتها مدرسه كيمياء معروفه على مستوى طبعا هالشي
عرفته بعدين وضلت تاخذنه محاظرات إضافي
بأيام الامتحانات وهناك بدت علاقتنا زينه اول ماعرفتها فطيرة وتستغرب من كل شيء بس
جنت احسها محتاجة تكون علاقات مجنت اتوقع بيوم علاقتنا تستمر لان ماكو شي مشترك بينه،
زينه مرت بمراحل سببت الها اذية وفشلت بناحية العاطفة اني و زينه قليل نزعل واذا زعلنا أسباب تافهه وكل مرة نزعل نرجع اقوى من قبل
اما نوره مضامنة وجودها بحياتي لذلك ما طرقت
الها نـوره حساسه وما تقتنع بالنصيحة بفترة المتوسطة والاعدادية جانت صديقة من صدك
اول معرفتها بالمتوسطه جانت بنية عادية
ماعندي علاقة بيها سطحية من رسبت
تعرفت عليها بس من صرنا رابع علمي صارت مقربة الي جان حبها او اعجابها الاول شخص
صاحب محل موبايلات بوكته العده هالمحل
معناه طاگ وبنفس الوقت يصير صديق اخوها جانت طايرة بي بس ماعدها جراءة تحاجي واكثر
من مرة تطلب اسويلها حساب وهمي حتى تراسله منه ولان اختي عدها خبره بالسوالف طلبت مني
بس بسبب المشاكل الي بيني وبين أسماء مجنت اتجرأ اطلب منها شي وبنفس الوكت خفت لا اسوي الها وتصيرلها مشاكل فكلت ابعد نفسي احسن جنت أشوف نوره مراهقة بس حبابه ماشفت منها تصرف سلبي ابد جنه صدك صديقات نوره متحب الدراسة بصورة عامة ودائما خاملة بالدروس بعدها انتهى اعجابها ب مهند وماكدرت تعترف إله
انقطع بينه التواصل لأن جان ماعندي موبايل
ذيج الفترة اتعمدت اترك كلشي حتى أحقق حلمي واطلع صيدله ماردت التهي بشي ومن جان عندي شي ضروري استخدم موبايل امي لو اختي
المهم بعد ذيج الفترة صارت عطله رمضان كلت اشوف أخبارها لان بالي يمها

مـريـم : هلاو حبيبي شلونج
نـوره : زين من اتذكرتي دكتوره بعدج ما صرتي
وهيج اختفيتي هو سادس شبيكم خابصين
نفسكم إذا انتي إذا زينه
مـريـم : شكد تحجين انطيني مجال
أخذ نفس أشتاقيتلج تره شنو الأخبار
نـوره : اني الاشوق بالي يمج بس
اهم شي تحققين حلمج 

جانت نـوره تحجي واحس اكو شي ضامته
لان صديقتي وحافظتها اتوقعت هالشي يخص مهند كلت اسألها عليه

مـريـم : أكول شخبار مهند صار شي جديد شبيج مو على بعضج