EL CUERPO DEL PLACER SERIES: HANDS TO MYSELF

Kabanata 6

Kabanata 6

"Zy, sure na ba talaga na wala tayong ambagan?" ani Apple habang naghuhugas ng pinggan.

"Ayaw ni Kathleen eh," sagot niya at kinuha pa ang isa niyang laptop sa sala.

"Really? Magkano ba ibinigay niya?"

"One hundred fifty thousand," kaswal lang niyang sagot habang may kinakalikot sa kanyang laptop.

"Ano!?"

Natawa siya.

"Why? Alahera ang sponsor natin. Magtataka ka pa ba?"

Apple make face at her.

"Hindi na masama! Zy, mag-hire ka ng stripper ha!" anito at napahagikhik. Maging siya ay nahawa din.

"As you wish. Kaso wala akong kakilala. I'll contact Erizza."

"Good! Bili tayo ng best swimsuit ha!"

"No problem!" nakangiti niyang sagot.

Napailing siya. Panigurado, babaha na naman ng kalokohan ang reunion nila nito.

NASA kuwarto na silang dalawa ni Apple at katatapos lang nitong maligo.

"Zy, may moisturizer ka?" ani Apple habang nagpupunas ng basang buhok.

"Nasa drawer," sagot niya at hinubad ang kanyang damit at kinumutan ang sarili.

"You still sleep naked?"

"Not totally naked, I still have my panty," sagot niya. Tinawanan naman siya ni Apple.

"Huwag mo gagawin iyan sa resort kapag nandoon na tayo."

"Hmm? Sure," mahinang sagot niya dahil nakaramdam na siya ng antok.

Nang maipikit niya ang kanyang mga mata ay naramdaman naman niyang tumabi na si Apple sa kanya.

"Zy? Still awake?"

"Hmm?" tanging tugon niya.

"Do you think I can find a better man?"

Napadilat siya at bumaling kay Apple.

"Iniisip mo bang walang magkakagusto sa iyo?"

Alanganin naman itong tumango.

"Twenty-nine na ako best friend, wala pa ding nagkakamali. Hindi naman ako choosy ah!"

"Twenty-nine din naman ako ah, wala pa ding nagkakamali."

"May admirer ka kaya, ako nganga!"

She laugh a bit.

"Huwag mo kasing hanapin. Hintayin mo lang."

"Baka forever na talaga akong tigang," nakasimangot nitong ani at tinakpan ng unan ang mukha.

She tap Apple's shoulder.

"Darating din 'yon, baka nadapa lang! Haha!"

Narinig naman niyang inis na umungol si Apple. Tinawanan niya lamang ito at bumalik na sa kanyang naputol na pagtulog kanina.

KINAUMAGAHAN ay unang nagising si Apple sa kanya. Kuwarto pa lang ay amoy na amoy niya na ang niluluto ni Apple sa kusina. Bumaba siya sa kama at nag-ayos ng kanyang sarili dahil papasok na naman siya sa trabaho. Pagkatapos ay bumaba na siya.

"Zy, may nag-iwan pala sa 'yo nito," ani Apple at ininguso sa kanya ang isang box. Kumunot naman ang kanyang noo at kinuha ang maliit na box na nakapatong sa center table. Dinala niya ito sa kusina at binuksan ito. Ganoon na lang ang gulat niya nang makita kung ano ang laman nito.