Daluyong ng Karimlan || tula

1: Karagatan ng Kasinungalingan

»»-----　Karagatan ng Kasinungalingan -----««

Sa bawat salitang binitawan

Na hindi na dapat pinakinggan,

Sa bawat salitang tumatak sa isipan

Na nararapat nang kalimutan,

Mga salitang puro kasinungalingan

Na nagdulot ng sandaling kasiyahan,

Mga salitang bumihag sa puso't isipan

Na hindi na kailanman malilimutan;

Kung hindi lang sana pinakinggan,

Tiyak wala nang masasaktan

Kung hindi rin naman paninindigan,

Bakit kailangan pang sabihan?

Nalunod tuloy sa karagatan

Karagatan ng kasinungalingan

Inanod ang nagbulagbulagan

Walang bangkay sa kailaliman

---

Tula sa taong 2018