خـواطـر

الخِمـار 💜

-من فترة شوفت بنوتة منزلة بوست وكان عبارة عن ''الخِمار فرض إي ده اتصدمتي ..! "
ولما شوفت الكومنتات لقيت بنات كتير داخلين يسبوها واللي تقول
''إنتِ بتهبدي وبتفتي في الدين "
"إنتِ بتقولي إي مش فرض ربنا يكملك بعقلك"
،"الخِمار مش فرض والنقاب مش فرض "
"إتقِ الله وبطلي فتي "
"وعلي كدا معظم البنات اللي مش لابسين الخمار هيدخلوا النار ولا أي هههه"

طب كلامكوا ده عليه دليل، إنـك تقولي الحاجة دي مش فرض عنـدك دليل علي كلامك ..طب لي بتجادلي ما تروحي تتأكدي كدا أذا هي صح أو لأ ..!؟

طب أقولك هي صح والخِمار من الحجاب الشرعي وفرض علي المسلمة

-إنتِ بتقولي أي بطلي فتي، الحجاب هو اللي فرض وغير كدا لا ..!
=طيب ما تيجي نجيب دليل من القرآن كدا أنه فرض ..!
لو روحنا لسورة النور هتلاقي في الآيه ٣١ ربنـا بيقول في بعض منها ''وليضربن بخمرُهن علي جيوبهن"
تيجي نفسر كدا ..!؟
لو روحنا لتفسير أبن كثير هتلاقي تفسير للآيه كالتالي:
وليضربن: يشددن ويحكمن واللام لام امر وألزام
خمر :هي جمع خِمار وهو الذي يُختمر به وتغطي به المرأة رأسها
جيوبهن: هو الجيب وقال أبن كثير وابن عثيمين  ان الضرب علي الجيوب هو ستر المرأة للنحر والصدر
وفي تفسير القرطبي قال ان علي جيوبهن أي علي صدورهن
وفي البغوي علي جيوبهن هو الصدر لسترن بذلك شعورهن وصدورهن واعناقهن واقراطهن

-يعني أي كل ده ..!؟
=يعني غطاء رأسك يجب أن يغطي منطقة الصدر وده اللي بيعمله الخمار ولو بصينا في أول السورة هنلاقي ''سورة أنزلناها وفرضانها " يعني كل اللي فيها فرض يعني خمارك فرض ذيه ذي الصلاة تقدري تفرطي في صلاتك ..! يبقا متفرطيش في خمارك

-طب هو ينفع ألبس طرح طويلة وتغطي الجيب ..!؟
=ينفع بس الأفضل هو الخِمار لأن بتعرفي تعملي أي لفه تعجبك وتغيري براحتك علي عكس الطرح الطويلة ..ولإن إنتِ كبنوتة هتكوني حابه تغيري لفات فمش هتعرفي الا في الخمار .. غير إن الخمار بيكون أطول من الطرح الطويلة من ورا فالأفضل الخمار

-طب علي فكرة إنك تحطي دبابيس في خمارك ده حرام ..!؟
=أي ده مين قال كدا مفيش دليل علي ده، دا ربنا بيقول ''وليضربن "..يعني يثبتن يعني يحكم يعني توضع بقوة، وبعدين بالعقل كدا لو مش حطينا دبابيس الخمار هيطير صح ولأ أي ..!

-طب للعلم الحجاب الشرعي لا يصف ولا يشف وعادي لو لبست أدناء وطرح قصيرة والحجاب ملوش شكل محدد ..!
=الشيخ محمد متولي الشعراوي رحمه الله قال: إن جسد المرأة كأنه مقسم لقسمين جزء أعلي وجزء أدني
أما الاعلي فده غطاء الرأس وربنا قال: ''وليضربن بخمرهن علي جيوبهن " ..والأدني قال: "يدنين عليهن من جلابيبهن"
وإنك تقولي لا يصف ولا يشف دا بينطبق علي الجزء الأدني مش غطاء الرأس ..يعني لازم غطاء رأسك يغطي منطقة الجيب وهي منطقة الصدر