خـواطـر

البنطلون 💚

-هو صح اللي سمعته ..!؟
=سمعتـي إي ..!
-بيقولوا إن البنطلون حرام وتشبه بالرجال، طب إزاي حرام يعني مينفعش نلبسه خالص يعني في البيت أو تحت الهدوم ..!

=لا في حالات البنطلون بيكون فيها جائز وحالات البنطلون فيها مُحرّم

هنروح أول حاجة للحالات اللي فيها البنطلون مُحرم
إذا خرجت المرأة بالبنطلون فـده حرام لما فيه من الزينة والتبرج ولأنه لا يستر عوراتها ومفاتنها وطبقاً لحديث الرسول: ''لعن الله المتشبهات من النساء بالرجال "
والتشبه هنا في اللباس والزينة والمشي والكلام كما قال الطبري

والشيخ ابن عثيمين _رحمه الله_ قال أن البنطلون يصف حجم رجل المرأة، وكذلك بطنها وخصرها فلابسته تدخل تحت الحديث الصحيح: ''صنفان من اهل النار لم أرهما: قوم معهم سياط كأذناب البقر يضربون بها الناس، ونساء كاسيات عاريات مائلات مميلات رؤسهن كأسنمة البخت المائلة لا يدخلن الجنة ولا يجدن ريحها وإن ريحها ليوجد من مسيرة كذا وكذا"
ومهما كان البنطلون واسع فضفاض فإن لا يخلو من تفصيل وتحجيم لأعضاء المرأة حيث قال: "حتي وإن كان واسعاً فضفاضاً، لأن تميز رِجل عن رِجل يكون فيه شيء من عدم الستر"

أما الحالات الجائزة لو هتلبسيه تحت جلباب أو دريس أو كدا بحيث ميظهرش فـده من أكمل الستر وجائز
حيث قال الشيخ عبد الرزاق عفيفي: ''إذا لبست المرأة البنطلون وفوقه ملابس سائغة، فلا تشبه فيه بالرجال ما دامت تلبسه أسفل ملابسها "

-استني بس أنا مفهمتش حاجة ..!
=لبس البنطلون والخروج به قدام الأجانب حرام حتي لو واسع وعليه فيست أو بلوزة او أيان كان مينفعش تخرجي بيه كدا، أما لو هتلبسيه تحت الهدوم فده من أكمل الستر للمرأة، ولو هتلبسيه أمام المحارم أو للزوج فده جائز

-بس أنا سمعت إن البنطلون الواسع اللي عليه فيست طويل عند الركبة أو تحته عادي ..!
=هو في الآخر أي ..بنطلون ويميز رجل عن رجل ومش ستر للبنت

-طب أنا بلبسه ونيتي سليمة ومش قصدي أعمل الحرام ..!
=مفيش حاجة اسمها نية سليمة، الحرام هيفضل حرام ،متطلعيش ببنطلون ومبينة مفاتنك وتقولي أصل أنا نيتي سليمة، لي هو إنتِ لما تقابلي ربنا هتقوليله أصل أنا نيتي سليمة ،استري نفسك عشان ربنا يسترك

-ما البنطلون الواسع بيكون ساتر وواسع وحلو وكمان هنلبس عليه فيست عند الركبة وفي شيوخ قالت كدا وانا مش هتنازل وهو أحلي من الضيق ..!
=طيب سيبك من كل الكلام اللي في الدين ده، تيجي نتكلم بالعقل والمنطق شوية ..لو إنت ترضي ببنطلونك ده سواء واسع أو ضيق تقفي بيه قدام ربنا وتصلي بيه يبقا عادي بقا ..هل إنتِ تقدري تصلي ببنطلون سواء واسع وعليه فيست عند الركبة أو تحت شوية أو أيان كان أو حتي ضيق ..!؟
وغير إنك هتلبسي بنطلون واسع يوم بعد يوم هترجعي للضيق وهتلبسي ضيق لي ..!
أصل ربنا مقالش خطوة الشيطان دا قال خطوات الشيطان أصل الشيطان مش هيجي يقولك يلا هيله هوب البسي ضيق لا دا واحدة واحدة ومن غير ما تاخدي بالك هتلبسي ضيق وعادي عندك ،ومتقوليش مش هيقدر لا طبعا يقدر ..فإنتِ بلاش تحطي نفسك في مواقف ذي دي ..وبعدين مالها الجيب الدكتورة هالة سمير :"مينفعش حجاب علي بنطـلون الجيبة حلوة عـلفكرة يعني في جيبات بتبقي شكلها حلو البسـي واسـع ومـتخافيش عـشان ده من ستر ربنا عليـكِ حِـبي حـجابك يا بـنتي خليـكِ قوية كـدا وقـاومـي الناس "

وغير ان لا يجوز للمرأة أن تلبس البنطلون إلا بشروط:
أولا: أن يكون ملبوساً تحت الملابس الساترة الفضفاضة.
ثانياً: أن لا يكون فيه تشبه ببنطلون الرجال.
ثالثاً: أن لا يكون القصد منه التشبه بما تلبسه الكافرات

وحتي البنطلون -أياًّ كان واسع أو ضيق- إذا لم يكن فوقه ثوب فضفاض ساتر يغطيه كاملاً ، فلن يتحقق معه ذلك الستر المطلوب من المرأة ، لأنه لا يستر حجم الأعضاء ، ومقاطع البدن ومفاتنه ،فعشان كدا مينفعش تلبسي بنطلون وتطلعي بيه قدام الأجانب
فهمتي كدا ..!؟

=ااه يعني لو لبست البنطلون سواء واسع أو ضيق وخرجتي بيه قدام الأجانب فده حرام حتي لو البنطلون واسع وعليه بلوزة لحد الركبة أو تحته فده حرام ويميز رجل عن رجل
اما لو لبسته تحت الهدوم أو للزوج
أو حتي قدام المحارم فده جائز

-ايووه عليكِ نور ..يلا نلبس واسع ونبعد عن مفسدات الحجاب، عشان الجنة تستاهل ،وعشانك إنتِ ،عشان الستـر حلو وده مـن ستر وكرم ربنـا علينـا

#أميرة_السيد💚
#خليكِ_أقوي💜
#الجنة_تستاهل💛
#خليكِ_أحسن❤️