خـواطـر

قصـة باطـلة

-هو صح اللي سمعته ده ..!؟
=سمعتـي أي ..!؟
-بيقولوا إن الـقصة اللي بتقول إن الرسول كان ليه جار يهودي يؤذيه ويُلقي القاذورات عند بيته قصة باطلة ..بس إزاي ده وأحنا سمعناها كتير أوي واحنا صغار ..!؟
=طيب هقولك أنا ايه الصح ومش شرط الحاجة منتشرة تبقا صح
أولاً كدا حكاية إن الرسول كان ليه جار يهودي يؤذيه ويرمي عند بيته القمامة دي قصة باطلة ولا أصل لها في كتب السنة ،ولم يرويها أحد من المحدثين أبداً
لي بقا ..!
أولاً لإن الرسول لم يخالط اليهود إلا فين في المــدينة
وفي المـدينة قامت الدولة الاسلامية والرسول كان قائد المسلمين
واليهود كانوا يكيدوا للاسلام خفية في ذل وصغار ومفيش حد منهم يجرؤ علي أذيه الرسول بالطريقة دي
وبعدين الاسلام كان في قوته في المـدينة وبالعقل كدا الرسول أصلاً كان محاط بمجموعـة من الصحـابة أسود كما يقال منهم أبو بكر وعمر وعلي وطلحة وغـيرهم كتـير أوي
مين بقا اللي يقدر يرمي زبالة عند بيت النبي ويؤذيه والصحابة دول موجودين ،دا كفـاية سيدنا عمر بس
دا مكنش حد يقدر يبص للرسول بس إزاي يؤذوه بالطريقة دي

وبعدين يعني القصة دي فيها إهانـة للرسول وتقليل منه ودا مش تسامح ده كـدا ضعف والرسول كان عزيز أوي وده مش تـسامح خالص ،وبعدين الواحد لو عايز يُستدل علي سماحة الرسول أو الاسلام في مواقف تانية بيكون يقدر فيها الرسول ياخد بحقه بس بيسامح ويعفو
مش قصة ذي دي بتوضحلنا ضعف الرسول لا طبعـا الرسول كان عزيز أوي وإن حد يرمي زبالة قدام بيته ويؤديه دي فيها إهــانة
فـالقصـة دي باطلـة ،ولا أصل لها ابـــداً ،والرسول مكنش ليه جار يهودي يؤذيه ويرمي قدام بيتـه زبالة ده كلـه كذب عن الرسول وفيها إهـانة
فبـلاش تقول قصص ذي دي باطلـة ونشيرها واحنـا مش عارفين هل ده صح علي الرسول أو لا ..!

القصة الأصلية هي إن الرسول كان عنده غـــلام يهودي بيخدمه فلما مرض الغـلام عـاده الرسول وعـرض عليه الإسلام فقال له :اسلم
فنظر الغلام لابيـه وهو عند رأسه فقال له :أطع أبا القاسم
فاسلم فـخرج النبي وهو يقول :الحمد لله الذي أنقذه من النار
دي حقيقة وصحيحة
أما حكاية إن الرسول كان عنده جار يهودي يؤذيه قصة باطــلة ولا أصل لها
والمفروض نعـرف هل الكلام اللي هنـقول ده صحّ عن الرسول أو لا ومنشيرش أي حاجة وخـلاص

#أميرة_السيد💙
#قصة_باطلة💚