خـواطـر

إزاي اقنـع اهلي بالِخمـار ..!؟

-طب أنا دلوقتي اقتنعت بفرضيـة الخِمـار وحباه بس أهلي مش موافقين أعمل أي ..!؟

=السؤال ده دايمًا بيقابل بنات كتـير أوي، نفسهم يلبسوه بس أهلهم مش موافقين، بـداية كدا لازم نـعرف حاجـة مهـمة أوي أن مهمـا كان الأهل أي هما عايزين بنتـهم تكون أفضل وأحسن واحدة، والأهل بيرفضوا الخِمار لإنهم شايفين أن هو هيكبرك، أو إنتِ لسه صغيرة عليه لما تتجوزي يبقا ألبسيه، دا هيقلل فرص الزواج ليكِ أو غيره دي معتقداتهم وأفكارهم بس دي غلط
طبعاً الخِمار جميل، لو هما شايفين إنه بيكبر ممكن تعملي لفة بحيث إنها تكون طويلة وساترة في نفس الوقت تكون جميلة وطبعاً اللفات ظاهرة كـتير أوي، شايفين إنك صغيرة لا طبعاً، إذا بلغتـي الحيض فأي حاجة هتعمليها هتتكـتب وهتتحاسبي عليها، شايفين إن فرص الزواج هتقل ..الزواج رزق، ورزقك هيجيلك لحد عندك، وبعدين دا اللبس الواسع بيجيب راجل وواحد عارف ربنا أصل الولد أو الزوج الصالح مش هيروح لواحدة لابسه قصير أوي غيره لا طبعاً هيدور علي بنـت أولاً من سمعتها وثانياً من شكلها هل هي بتتقي ربنا في نفسها وفي لبسها فـهدومك الواسعة هتجيبلك راجل

طب أزاي اقنعهم
أولاً كدا عليكِ بالدعاء، وياسلام بقا لو في قيام الليل والأفضل صلاة التهجد يااه، ورب محمد الدعوة فيه مستجابة وعن تجربة شخصية، دا ربنا بيقول هل من داعِ فأستجيب،دا ربنا الي بيقول أي حد عايز يدعي استجيبه، يعني مش هتخسري حاجة لو صليتي ركعتين قبل الفجر حتي ودعيتي إن ربنا يرزقك بالخِمـار، ويا سلام بقا لو خليتي قيام الليل فرض سادس دانتِ هتشوفي أيام عسل، فالمهم الدعاء ..تدعي ربنا إنه يرزقك بالخِمار والأفضل الدعاء في صلاة التهجد عشان استجابة الدعاء فيها أسرع

ثانياً :جيبي فيديوهات للدكتـورة هالة سمير بتتكلم عن اللبس الواسع في فيديو ليها اسمه ''قواعد الحجاب الأربعين"
حاولي تسمعي مامتـك الفيديو أو حتي اقعدي جمبها وعلّي صوت الفون وقوليلها بصي يا ماما الدكتورة بتقول أي ..شوفي ،أو جيبي أي فيديو بيتكلم عن فرضية الحجاب وفهميهم إن ده فرض، أو أنا كتبت بوست عن ده حاولي تخليهم يقروه ..أي طريقة تعرفيهم إنه فرض وستر للبنت
بلاش تعاندي معاهم، لإن لو هتعاندي هما كمان هيعاندوا ..كلميهم براحة وفهميهم انه فرض ذيه ذي الصلاة وإنه من الحجاب الشرعي

ثالثاً: حاولي تجيبي خِمار تلبسيه في البيت وتلفيه بطريقة بحيث إنها تخليكِ أجمل ومش كبيرة ذي ما هما شايفين ...ولو رفضوا لإما تقوليلهم هلبسه في البيت بس ومش هطلع بيه، أو هـطولي طرحتك كأنها خِمار وتوريهم قد أي شكلها جميل

ثالثاً: حاولي تزني عليهم ..طول ما إنتِ في البيت قولي مثلا وصوتك عالي وكأنك بتكلمي نفسك ..''طب هعمل أي لما اقف قدام ربنا ويقولي معملتيش الفرض لي، هتعاقب لي، بابا ماما إنتوا عايزني اتعاقب صح عايزين ربنا يزعل مني، طب مش عايزين بنتكوا تبقي عسل كدا وساترة نفسها، طب مش الستر حلو أحسن من البنات اللي بيلبسوا بناطيل ويحطوا ميكاب يعني أعمل ذيهم ولا أي، دا الستر حلو وربنا هيرضي عننا "واتكلمي كدا معاهم وزني أكتر عليهم بس براحة بلاش عصبية وعناد حاولي تسايسيهم وكله هيبقي تمام