خـواطـر

هـو ولا ربنـا ..!؟

-بنـت منزلة صور ليـها علي الفيسبوك ولما نـشوف الكومنتـات نلاقي عنـدها شباب كتير ونازلين غزل كالتـالي ''إنـتِ قمـر، أيه الجمـال ده، خـدي قلبي ..إلـخ "

-بنـت منزلة صورة لحبيبـها وكـاتبة عليـه كلام مـن النوع الرومانـسي اللي المخطـوبين مينفعـش يقولوه وتلاقي حبيبهـا بيتغزل فيها

-بنـت منزلة مناسـبة شخصية ألا وهـي ''مرتـبطة" وتلاقـوا حبيبهـا كـاتب ليهـا كومنـت ألا وهو "حبيبتـي يديـمك ليا"

جمـاعة كـل اللي عـدي ده حـرام ..حرام إن بنـت تكلم ولد من غيـر الحاجـة والضرورة، حرام بنـت ترتبط مع ولد ..لأ أصل هو هيتجوزني ..لأ أصل بابي ومامي عارفيـن بده ..حرام كل ده حرام برضو

الدكتـورة هـالة سمـير بتـقول ''بتنشري صـورك لي، استـري نفسك عشان ربنـا يستـرك، متقلديش وخلاص ملكيش دعوة بحـد ..الفيس والإنستـا والمواقع دي دول شارع مفتـوح "

الدكتـور أمير منير قال ''إن علاقة الحب المسموح بيها هي علاقة ما بعـد الزواج غير كدا حرام ..إنـتِ مش حقـل تجارب"

الدكتـور حازم شومان قال ''يوم القيامة البنـت بيتحقق معـاها ويتقالها دا إنـتِ كنتِ ماشية مع شخـص ومرتبطة بيه روحي هاتيه ..البنت تقول: دا هو اللي ضحك عليا يا رب
تروح البنت تدور علي الولد في أرض المحشر عشان تتهمها فيه وهو يتهرب منـها وفجأة يتقبض علي الولـد ويتقاله: أنـت مستدعي .. يقول :لي عشان صفحتـي ..يتقاله :لا أمر تـاني
الولد بيروح عشان يعرف لي وطول الوقت عمّال يفكر عمل أي ..!
وأول ما يشوف البنـت يقول :"هو إنـتِ يادي اليوم، يا رب هي اللي ضحكـت عليا"
والبنت تقول ''يا رب هو اللي ضحك عليا "
ويبدأ الأشتباك بالأيدي بعد الحـب اللي كان في الدنيـا ..لغاية ما الملائكة تقول: ''مكانكم"
ويبدأ التلاعين والسباب بينكوا ..لغاية ما يشوفوا العذاب فكل واحد يبدأ في البكاء علي نفسـه ويتحسر عللي ضيعه بتحبها ..!
بتحبيه ..!
اه
بس ده حب حــرام ..حرام تكلمها "

خافي من ربنـا ..توبي قبل ما الأوان يفوت ..بتحبي ربنا صح ..!؟
اه ..! ، لا إنـتِ كذابة لإن لو بتحبيه مش هتزعليه ..مش هتخليه يغضب عليـكِ ..تخيلي كـدا إنـك تموتـي فجأة وهتقفي قدام ربنـا هتقوليله أي طيب كنـت بعصيك

-منا عارفة إن ده حرام وأقولك البنطلون حرام والطرح العادية مش حجاب والخِمار فرض .. إلـخ بس كلنـا بنغلط ،وكل بني ادم خطاء ..!
=لي لمـا تقابلي ربنا ويقولك كنـتِ بتعملي حرام لي هتقوليله أصل كلنـا بنغلط ..هتقوليله كل بني أدم خطاء ..لا هتتعاقبي علي معصيتـك ..!

-لا أصل انا نيتـي سليمة وعـادي
=حبيبتي الدكتـور محمد جوده قال ''الحرام مفهوش وجهـات نظر ولا نوايا ..رحم الله من عرف الحرام بلا مماطله ولا مجادلة فإمـا يهجره وإمـا يجاهد حتي يتوب عنـه "

-طب اهلي عارفين ،ومعنـدهمش مشكلة ..!؟
=حتـي لو الدنيا كلها عارفة ربنا نهي عن الحاجة دي ..الإرتـباط الغـير شرعـي حرام ذيـه ذي الزنـا ذي شرب الخمـر حرام برضو

-بس هو هيتجوزني ومش كل الناس ذي بعضها
=إنـتِ متخيلة إن ولد عمل حرام وسحبك للحرام هيتجوزك ..!
مفيش ولد بيتجوز بنـت كلمها قبل الزواج، ولو حبـك كان اتقدملك كان امتنع عنك ويحاول تكوني ليه، حتي لو صغار بيمتنع عنك ويدعي ربنا بيكِ مش يروح يكلمك غير كدا الدكتور محمد عطية قال: ''لعب عيال"

-بس أنا بشوف ناس بيتكلموا قبل الزواج ويحبوا بعض ويتجوزوا ..!
=طب كملوا مع بعض لحد الآن ..هل ارتاحوا بعد جوازاهم ..هل لسه بينهم الحب ولا كرهوا بعض ..هل لسه مع بعض ولا اطلقوا ..!
إنـتِ متخيلة إن ربنا بيبارك في حرام ..ربنا مبيحبش حرام متخيله دي ..الطيبون للطيبات ،والطيبات للطيبون

-بس أنا بكلمه بحدود ..!؟
=حتي لو بتكلميه في الدين والقرآن ..حدودك دي هتذوب يوم بعد يوم ..إنـتِ متخيلة إنـك فتنة للولد ..النساء فتنة ..إزاي الحدود دي مش هتتشال بقا

-بس أنا بكلمه شات عادي مش فون ولا بقابله ولا بلمسه ولا بياخد صوروي ..!
=طب تعرفي إن كلامك في الشات هو نفسه كلامك في الفون
كلامك في الشات ده خلوة ..''وما خلي رجل بإمرأه إلا وكـان الشيطان ثالثهما "

-إيه التعقيد ده اقتـل نفسي يعني ..!
=تعقيد إي بس ..إنـتِ نسيتي إننا في دنيا وإن العيش عيش الآخرة ..إنتِ نسيتي اننا هنا في اختبار ودي دنيا ..نسيتي إنك في يوم هتموتي .. عايزه دنيتك ولا آخرتك عايزه تخسريها عشان ساعة شهوة وكلام مع ولد

-أنا اقتنعت بس بحبه ومش قادرة ..!
=حبه ولا حـب ربنا ..هو ولا ربنا ..!!
اختـاري إنـتِ بس خليكِ فاكرة " إن من ترك شيئاً لله عوضه الله خيراً منها "
وإن كل كلمه بتقوليهاله بتتكتب في كتابك في إيدك القرار هو ولا ربنا ..توبي قبل ما يدرككي هادم اللذات ..قبل ما تموتي وإنتِ ذنب ..قبل ما تقابلي ربنا

اوعي تغلطي غلط ناس كانت بتكلم زمان وعملت ارتباطات غير شرعية ولما عرفت إن ده حرام ابتعدت عنه ..ولسه لحد دلوقتي بيندموا ويبكوا بكاء شديد عللي عملوه زمان ..ناس بتتمني ترجع بالزمن للماضي وتمحي الذكري دي ..ناس قبل ما تنام تفتكر انهم عملوا الذنب ده ويبكون بشدة ويفضلوا يقولوا ''يارب سامحني والله ما هعملها تاني ارضي عني بس" ..ناس بتتمني ترجع للزمن عشان متعملش الحاجة دي ..ناس بيندموا عللي عملوه لحد الآن وكل مرة بيفتكروا ده يبكوا ويتمنوا رضا ربنا يتمنوا ان ربنا يسامحهم علي الذنب ده دايما يقولوا ''يارب إنت هتسامحني صح، طب سامحني المرة دي ومش هعمل كدا تاني"
خليكِ أحسن منهم ..خليك أحسن منهم
القرار في ايدك

إما هو أو ربنا ..!
إما الدنيا أو الآخرة ..!

#أميرة_السيد💚
#خليكِ_أقوي💙
#توبي_لربك 💜
#خليكِ_أحسن ❤️