بنت في سـن المراهقة منزلة صورة لحبيبـها وكاتـبة كلام رومانـسي عليه ، فلمـا نصحتـها وإن الارتباط حرام بل الإختلاط حرام إلا للحاجة والضرورة كان ردهـا صادم
وهو: "أنا عارفة إن الإرتباط من ورا الأهالي غلط، وإن لبسي للبنطلون ..الخ غلط بس برضو كلنـا بنغلط ،وأنا مش هبطل اكلمه وكلامنا في حدود، وهو هيتجوزني ومش كل الناس ذي بعضها، واحنا مبنشوفش بعض ولا بلمس ايده ولا بقابله ولا بياخد صوروي و ..."
عيـب أوي إنتِ كـبنت تكوني عارفة إن الحاجة دي حرام شرعاً، ومتفق عليها إنهـا حرام وتروحي تعمليها تحت مسمي كلنا بنغلط وكل بني أدم خطاء
عيب أوي تكوني عارفة إنها حرام وتقولي أنا مش هبطل اكمله وأحنا بنتكلم بحدود، وأنا نيتي سليمة
-أنا عارفة إن الإرتباط من ورا الأهالي حرام ..!
=طب وربنا، ربنا فين ..مش خايفة منه وخايفة من أهلك، مش عاملة حساب لربك اللي شايفك بتعملي حرام، مش مكسوفة من ربنا وإنتِ بتعملي الحاجة الحرام دي وإن كل كلمة بتقوليهاله بتتكتب، طيب هتقوليله أي لما تقفي قدامك ويسألك لي كلمتي ..هتردي وتقولي أي ..خايفة من أهلك وربنا لا ..الدكتور محمد الغليظ بيقول: "هو أنهو أعظم الذنب ذات نفسه ولا إنك مش مكسوفة ومش خايفة من ربنا ومكسوفة وخايفة من اهلك "
فرحانة إنك مرتبطة واهلك مش عارفين وبتحمدي ربنا علي ده
الدكتور محمد الغليظ بيقول: ''عارفة يمكن لو كان قدرلـك إنك تتقفشي وتتفضحي كان هيبقي أحسنلك بس لإنه غضبان عليكِ سابك تكملي في الذنب ،هانوا علي الله فعصوه ولو عزوا عليه لعصمهم''
-كلنا بنغلط ..!
=لي يعني نروح نعمل المحرمات ونبقا عارفين انها حرام ونقول كلنا بنغلط، نروح نزني ونشرب الخمر ونقول كلنا بنغلـط وكل بني ادم خطاء، نروح نقتل ونسفك الدماء ونعمل كل حاجة ربنا محرمها ونقول كلنا بنغلط
الإرتباط ذي الزنا الاتنين حرام ،ممكن أرتباطك ده ينتهي بزنا والعياذ بالله، ااه متستغربيش كدا ،بتحصل كتير أوي وتنتهي بنهاية مش كويسة، إنتِ متخيلة إن الحاجة اللي بدأت بـ ''إزيك وأخبارك" تنتهي بـ ''زنـا"
كلنا نغلط دي لما الغلط ميكونش مقصود، نغلط اه بس نتوب ونجاهد نفسنا علي عدم فعله مش نكمل ونقول كلنا بنغلط، لا دينا مقالش كدا ابداً ، هتقولي لربنا لما تقابليه كلنا بنغلط ..!
-مش هبطل اكلمه وكلامنا في حدود ..!؟
=مفيش حاجة اسمها كلامنا في حدود، الدكتور حازم شومان بيقول : "الـحب ذي الزوحليقة ده بداية الزوحليقة اللي بيركبها بيبقا لسه متحكم في نفسه أول ما يفقد سيطرته في التلت التاني من الزوحليقة واللي هو عايز اشوف صورتك تبعتله صورتها ما أنا لسه في علاقة راقية بيني وبينك ويبدأ يتغزل في كل ملمح من ملامحها يبدأ بعد كدا رقم التليفون بعد كدا المكالمات ،إزاي الشباب اصلا عارفين إن ربنا بيسمعهم وبعد كدا يبدأ السقوط في الوحل"
حدودك دي اللي فرحانة بيها هتذوب يوم بعد يوم، مفيش حاجة اسمها أنـا مرتبطة بولد وبكلمه في حدود، انتِ فتنة للولد ده إزاي كلامكوا بعد كدا هيكون في حدود
-احنا مبنشوفش بعض ومش بياخد صوري ولا بلمس ايده ولا ...!
=كلامك معاه في شات كأنك قابلتيه، كلامك في الشات ذي كلامك معاه في الفون ما دي خلوة ''وما خلي رجل بامراة الا وكان الشيطان ثالثهما"
-هيتجوزني ومش كل الناس ذي بعضها ..!
=مفيش ولد بيتجوز بنت كان بيكلمها قبل الزواج ..صعب
الدكتور حازم شومان بيقول ''الحب الحرام صعب ربنا يبارك فيه "
بيقول لأحد الشباب: "مش كل حاجة نفسي فيها أقدر اقرب منها، خد بالك إن الزواج لا يجب ما قبله، في شباب كتيــر بيقولوا هتجوزها ولو اتجوزتها علاقتك الحرام بيها قبل الزواج ممكن تدخل النار بسببها لأن مش معني اني اتجوزتها إن كل نظرة وكل كلمة وكل مكالمة ربنا غفرهالك ما كل دي ذنوب وعايزه توبة اللي الله"
متفرحيش انه خلاص اتزوجك ما هو لإنتِ تتوبي لإمـا الزواج ده مستحيل ربنا يبارك فيه ونهايته هتكون مش كويسة
وحتي لو اهلك موافقين علي ارتباطك الدكـتور محمد الغليظ بيقول: "هو مين اللي حرّم ربنا، بابا يسمح بتاع اي ،ماما تسمح بتاع أي إذا كان اللي حرم ربنا ..انت عبد عند ربنا مش عبد عند بابا وماما ..بابا وماما رافضين ده عرفاً، ربنا نهي عنه شرعاً جنة ونار
بابا وماما يزعلوا ميزعلوش، إنما ربنا يعاندك ويدخلك النار أو يحبك ويدخلك الجنة فالموضوع جنة ونار، انت عبد اوعي تنسي
حتي لما نزلت الايه ''اتخذوا أحبارهم ورهبانهم أربابا من دون الله "
أحد الصحابة راح للنبي صلي الله وعليه وسلم وبيقوله: ''أحنا مكناش بنتخذهم أربابا ،أحنا مكناش نعبدهم من دون الله بالعكس، الرسول قال: ألم يكونوا يحللون لكم الحرام ويحرمون عليكم الحلال قال:نعم
قـال: فتلك عبادكم أياكم
انتوا كنتوا بتعبدوهم لأنهم بيشرعولكم طب ما هو بابا وماما بيشرعوا، بيوافقوا علي ارتباطكوا اللي ربنا محرمه معني كدا انهم بيشرعوا وده ميرضيش حد، وميرضيش ربنا انت عبد عند ربنا سيب الحاجة دي واصبر ومن ترك شيء لله عوضه الله خيراً منها"
لسه مصممة علي الإرتباط ده، لسه مصممة علي الحرام، تعرفي لو ربنا بيحبك هيبعدك عن الحرام ده هيبينلك أن ده حرام وغلط أما لو لسه هتكملي فيه معني كدا أنه غضبان عليكِ ،فسـابك تكملي في الذنـب
فوقي لنفسك، بلاش خيانة كفاية إنـك خونتي نفسك وربك واهلك
''استحوذ عليهم الشيطان فأنسهاهم ذكر الله"
خلي اللي بيحبك بيدخلك البيت من بابه ، غلي نفسك مش أي حد يرتبط بيكِ كدا ،خليكِ فاكرة إنك أغلي مخلوقات ربنا، بلاش ترخصي نفسك كدا وتخلي أي حد يرتبط بيكِ ،فوقي لنفسك قبل ما تقابلي ربك وإنتِ لسه بتعملي الذنب ده، لسه بتعملي الحرام ..فوقي قبل ما يفوت الآوان
#أميرة_السيد💚💥
#خليكِ_أقوي💜
#الجنة_تستاهل💙
#خليكِ_أحسن❤️
أنت تقرأ
خـواطـر
Romanceهنـا اكتـب خواطـري، اكـتب كـل ما في قلـبي، سأظل اكتـب حتـي يجـف حبـر قلمـي، حتـي ينقطع نفسـي، حتـي تمتـنع دموعـي، حتـي لا اجـد ما اجـد ما أكونـه من ثمانـية وعشـرين حرفاً #أميرة_السيد 💙
