.............🌺🌹💐
برق:طيب نستأذن احنا
رحمه:ليه خليكوا شويه لسه بدري
سلوى:معلش خليها مره ثانيه
رحمه:تمام ...نورتونا يا جماعه
عهود:دا نور حضرتك
قيصر:نتقابل عن قريب يا صاحبي
برق :انشاء الله
سلوى: فرصة سعيده مدام زينب
زينب:انا اسعد
ملك:نتقابل مره تانيه انسه ايلا
ايلا:انشاء الله
ملك:كنت حابه اطلب منك طلب لو مش تضايقي؟
ايلا:اتفضلي
ملك:كنت حابه اخد رقمك انا حابه نكون اصحاب
ايلا بهدوء:مفيش مانع ...وقامت بإعطائها الرقم
..نظرت ملك الى برق نظره سريعه فوجدته ينظر لها ..فأشاحت وجهها بسرعه في خجل
...غادر الجميع الى منزله ..وجاء محمد ليأخذ زينب وقام بتقديم المباركه لخطوبة ملك
................🌻☘🥀
في منزل "قيصر"
روح:شفتي يا ماما النهارده خطوبتهم
الأم سعديه:وماله
روح:وماله ايه يا ماما؟بقلك زمانه خطبها ولبسوا الدبل ...انا عاوزه برق يتراجع عن الفكره دي
سعديه بتوبيخ:اووعي يا هبله ...هو مش قلك انو اذا متجوزهاش جده مش هيخليه يورث حاجه
روح:ايوه
سعديه:يعني عوزاه على الحديده ..هلبه من يومك...طيب وايه يعني لما يتجوز و يطلقها بعد ما كده يديه ورثه وكده يكون ضمن الأملاك
روح:انا بحبه ومش ضروري الفلوس
سعديه بغضب:اخرسي امال انا وافقت تجوزيه من ورى ابوك ليه ...ها مش عشان فلوسه ويعيشك مرتاحه ...وكمان ليه لحد دلوقتي مخلفتيش
روح بملل:برق رافض
سعديه:مش بقلك هبله ....انت لازم تحملي وتربطيه بالطفل عشان ميبعدش عنك لأي سبب
تعلم أن والدتها لن تسكت لذلك قالت لها:حاضر انشاء الله
سعديه:انا ماشيه دلوقتي
روح:مع السلامه
.......... ....... .......🌺🌸⚘
انتهى اليوم ليغط ابطالنا في النوم ..منتظرين شمس فجر يوم جديد ..بأحداث جديده ....و في الايام القادمه
لم يحدث اي جديد غير ان ملك تتقرب من ايلا ..وذهبت مع برق لإحضار الشبكة الذي لم تشعر البته بأي سعاده وهي تحضرها على الرغم انه اختار له طقم ألماسي باهر ..لكن لم تكن سعيده كأي فتاه في هذا اليوم ...ولم تخرج بعدها معه ..تذهب كل يوم للعمل لترجع الى البيت وتذهب مع والدتها الى التبضع لأجل الزفاف ...كذلك تخرح احيانا مع زينب وتطلب من ايلا الحضور معها وكذلك عهود ...والأن هو يوم ما قبل الزفاف ...فقام يوسف بإعطائها اجازه لأجل التجهيز ............
...في بيت"ملك"
ملك وهي تجلس على الأريكه بتعب:ااااه يا رجلي الله يخربيت الجواز
قيصر:هههههههه من اولها ..دنتي لسه حتى مجوزتيش
ملك:اسكت الله يسترك ..هو انت حاسس بيه او بعذابي
رحمه:طيب منا لافه معاك من الصبح ومشتكتش
ملك بتمثيل:انت لسه صغيره يا حببتي ..بس انا خلاص راحت عليه وشيبت اااه ياني يما
قيصر:ههههههههههه ادلعي ادلعي كلها بكره وتلاقي الي يزبطك
ملك بضيق مصطنع وهي ترمي الوساده:قيصر قوم من هنا بدل ما ازعلك
قيصر:ولا تقدري
ملك:معاك حق ..بس افوقلك بس
رحمه :تعالوا يلا عشان تتعشوا
قيصر/ملك:حاضر
....قاموا بتناول الطعام في جو عائلي سعيد...لكن هل ستدوم هذه السعاده بعد دخولها قصر الحارثي ...اما للقدر احكام أخرى
...
....بعد الإنتهاء من تناول الطعام قامت ملك بتنظيف الصحون...ثم جهزت الكعك والعصير والبوشار واخذتهم الى الخارج لتضعهم على الطاوله وتجلس بين امها و أخيها
ملك:يلا خلونا نسمع فلم حلو ويكون كومدي
قيصر:تمام خلينا نسمع الممر
ملك:بقول كومدي مش حزن وعياط ..الله يخليك هات الرمود وكل انت بس
قيصر:الحق عليه اني عاوزك تسمعي حاجه مفيده
ملك:شكرا مش عاوزين ...ماما تسمعي ايه؟
رحمه:اي حاجه
قامت ملك بالتقليب في القنوات لتجد مسرحية لعادل إمام ....اخذوا يشاهدون المسرحيه في جوا مليئ بالضحك والفرح ...فكانت ترمي البوشار على اخيها وتقوم بزغزغت امها ....حتى اصبحت الساعه الثانيه عشر
قيصر:يلا تصبحوا على خير الوقت تأخر وبكره ورانا شغل كثير
رحمه:معاك حق ...وانت يا ملك قومي نامي عشان تصحي بدري....الا صحيح هو برق قلك هيجي ياخدك امته !؟
ملك:اه هيجي ياخدني الساعه ١١
رحمه :تمام .
......
........ .....
صعد قيصر الى غرفته كي ينام...وكذلك فعلت رحمه وملك
ملك:ماما حابه انام في حضنك النهارده
رحمه:تعالي يا حببتي ...قامت بفتح ذراعيها لتنام في أحضان والدتها الدافئه
رحمه بدموع:ياااه يا لوكه هيوحشني حضنك دا...فاكره لما كنت صغيره مكنتيش بتنامي الا وانت في حضني حتى سالم الله يرحمه كان بيقعد يقلك تعالي نامي في حضني بس انت بترفضي وتنامي في حضني ....حتى لما مكنتيش بترضي تاكلي الا من ايدي..ولحد الأن ...لو تعرفي البيت دا مبيحلاش الا بوجودك انت وأخوك ...ودلوقتي البنوته الي كنت بمسكها بإدي عشان امشيها ومتقعش دلوقتي كبرت وهسلمها لجوزها وهتسيب ايدي وتبدأ تمشي بدون مساعدتي
قامت ملك بضم والدتها بقوه وهي تبكي :متقوليش كده يا ماما انت صحبتي واختي وامي انت الدنيا بالنسبالي وحتى لو كبرت وجوزت برضوا هضلني بنتك ااصغيره الي محتجاكي في كل لحظه ....انا مش معنى اني اجوزت انساكي لا انا هجيلك كل يوم وأقعد معاك ودا شيئ مش هيتغير وبالنسبه للأكل متقلقيش هاكل كويس وأخلي بالي من نفسي وانت اوعديني انك تخلي بالك من نفسك وانا مش موجوده....وكمان كلها كم شهر وقيصر يرجع ...قامت بمسح دموع والدتها بيدها وقالت ....عشان خطري متبكيش دموعك دي غاليه عليه والله ألغي الفرح واقعد جنبك وانت عرفاني اعملها
رحمه بإبتسامه:اوعدك...وكمان هو انت عاوزه اي حجه وخلاص عشان تقعدي جنبي ...يا ستي ملكيش دعوه انا عوزاك تروحي لجوزك ..قال ألغي الفرح قال
ملك:هههه ايوه كده فرفشي يا رورو
رحمه:ههههه نامي يا هبله هو في أم مش نفسها تشوف بنتها لابسه فستان الفرح وفبيت جوزها ..نامي
ملك:حاضر..تصبحي على خير
رحمه:وانت من اهله يا حببتي وقامت بتقبيلها على جبينها
