احببت امام حيِّنا (باللهجة الجزائرية)

شابتر 1

❤❤

تتمشى فالحومة ، تكركر فالبليغة كارهة حياتها و بحذاها صاحبتها اللي ماحبتش تسكت حتى طرطقت مجنابها

تسنيم: اووف ملاك صرعتيتي اسكتي شوي

ملاك: صار هكا يالكلبة، نهار كامل و نتي صارعتلي راسي بمحمد تاعك جامي قتلك بلعي  ، و اليوم كي مكاشو،

بدات هدرتها بالعياط حتى فالتالي نقص صوتها كامل

تسنيم :علاه سكتي

ملاك😯 : محمد

تسنيم: ياك مكاشو هنا

ملاك: موراك

تلفتت تسنيم تجري شافتو موراها يتمشى بوهرة مهبط راسو السبحة في يدو و هذاك القميص البلو جايه يهبل داخل للجامع ذاك هو وقت الظهور يدخل يأذن

كي شافتو ولات تنقز فالطريق مالفرحة

ملاك: يخاه بهدلتينا ااا حبسي حبسي

تسنيم : هههه ولا للحومة ولا مانيش مأمنة

ملاك: 😂 بوهالية حق ربي

ستووب

#تعريف

تسنيم بنت ال 23 سنة محبسة قرايتها و قاعدة فالدار عايشه مع بوها و يماها و زوج خاوتها رجال و بنت اصغر منها

من جهة الزين سمرة و عينيها نوازات كبار، نيف صغيرون و شوارب منفوخين من عند ربي و شعر ماغون ، طفلة مزيانة صحيح زينها مايخلعش اما عندها السر و مسرارة برشا  و زادا مهبولة و رايحة فيها، غارقة لشوشتها فولد حومتها و البروبلام مش اي واحد، طايحة فامام الحومة....

محمد ولد حومتها مربي و التربية تنطق من عينيه عمرو 30 سنة و رغم صغر سنو الا انو هو امام الحومة، راجل الله يبارك النور باين في وجهو و كيما نقولو زين و دين و طاعة الوالدين... وماعندو فهالدنيا كان امو

*****************

ياما وصاوها صحاباتها اخطيك من حبو اما شي من نهار شافتو فعمر ال 17سنة خرج الامر عن سيطرتها و طاحت فيه  ، و من هذاك الوقت عينيها محمد

بصح جامي جربت تقربلو ولا تلز جيهتو و حتى هو مش معبرها طول و لا مانقولوش مش معبرها اما مش لاتي مع هاالامور و يمكن هذا تخمامها

... كيف تشوفو عينيها يولو قلوبة و قلبها تحسو باش يخرجو من بلاصتو   .... الخطابة اللي يجوها تصدهم عسى و علَّ يجيها محمد، اما كيفاش باش يجيها و هي حتى خيمار ماشي دايراتو صحيح تلبس الطويل اما مش مستورة برشا  و هذا على واش تضل تهدر ملاك

#تسنيم

شهر كامل غاب على الحومة و هذي اول مرة تصرا موالف ديما مقابلني اما كي غاب حسيت بوجع مش نورمال  ، غيابو كرهلي الدنيا و مافيها ... و هنا دق ناقوز الخطر ياخي غاب شهر صرا فيا الباطل لوكان يتزوج نقتل روحي

ملاك: واش تعملي واش

تسنيم؛ بففف ماتقوليليش كنت نخمم بالصوت

ملاك: انا قتلك اعملي حجاب استري روحك وخيتي اتقربي من ربي اكثر و ادعي يكون حلالك بلاك يستجب لدعاءك

تسنيم: مانحبش نعمل حجاب على خاترو هو نحب نعملو على خاتر ربي و على خاتري انا

ملاك:و شنوة تستناي واش رايك نروحو لخالتي فوزية والله كلامها يحفز و يريح القلب

تسنيم: هبلتي نروح عند امو

ملاك: واش فيها ياخي رايحين على خير

تسنيم :صحا خلي غدوة و ذرك باي حبيبتي نروح لدارنا

________

جابت ليلة كاملة تخمم فالحجاب ليها برشا حابة تعملو اما تخاف ماتلتزمش بيه تخاف تكره و تحب تولي للسيفيليزي، و اصلا مش حابة تديرو على اساس باش تتقرب من محمد، حابة تديرو لانو فرض و هو سترة

________

ناضت الصباح خدمت الشغل بعدها راحت لبست جلابة مستورة وخبرت امها اللي هي رايحة عند خالتي فوزية تستشيرها فحاجة...  تعدات على ملاك و راحو كيف كيف

ملاك: ايماجيني ندقدقو و يفتحلنا هو

تسنيم: باش تحكمني الدوخة ياك، انا نشوفو مالبعيد نفشل فما بالك نقرب ليه

ملاك: هههه بهلولة 100 دومونداك و كاين اللي جايخطب اما نتي  ماقبلتيش  و شديتي الصحيح من 6سنين  فالامام تع الحومة

تسنيم: واش ندير عينيا ماشافو كان محمد ، و كملو طريقهم

لحقو للدار مع دقدقو و يفتح هو الباب، ملاك هبطت عينيها مالحشمة و البهلولة قعدت تبحلق فيه و حتى هو اللي ماعرفش كيفاه صراتلو قعد يغزر فعينيها الكبار اللي يذبحو

********
وي ماطولتش بزاااف و رجعت 😂😍
ننجمش على فراقكم
البداية ، و نتمنى تعجبكم حبوباتي
و نشالله تليق بيكم الكرو الجديدة

Love you all ❤❤