احببت امام حيِّنا (باللهجة الجزائرية)

شابتر 2

     ❤❤❤❤❤

مافاقت كان كيف تقزتها ملاك هبطت راسها و كانت اول مرة تهدر معاه

تسنيم: السلام عليكم

محمد: و عليكم السلام و رحمة الله و بركاته

تسنيم: اا خالتي هنا

محمد: ايه هنا الاخت دقيقة ناديلها ( ماحبش يدخلهم هو)

مع دار وتهدر تسنيم: اااه اون فان سمعت صوتو ابار فالاذان و القرآن و الخطبة، يااا كان كلامو موجه ليا شديني حنطير

ملاك: مانيش حابة نحطمك بصح قالك الاخت 😂

    تسنيم 😑😑 يخوي عظامو

قرصتها ملاك ديراكت كي جات امو

فوزية: مرحبا ببناتي تقضلو تفضلو

دخلوا سلمو عليها و قعدتهم فالصالون

فوزية: زارتنا براكة

تسنيم: حنا اللي جينا عند البراكة خالتي

فوزية: ههههه غير لسانك 👅مايتبدلش

ملاك: عندك شك خالتي

فوزية: ايه كيفاه حوالكم

ملاك: والله جينا قاصدينك خالتي

فوزية: خير ابنتي

ملاك: الحق تسنيم حابة تدير حجاب مي مترددة قتلها ماتقنعك و تريحك غير خالتي فوزية

فوزية: يابنتي حلي وذنيك و اسمعيني مليح الحجاب قبل مايكون عن قناعة هو فرض على كل مسلمة ، و كي تديري الحجاب ديريه طاعة لربي  ،

قال تعالى: "يَا أَيُّهَا النَّبِيُّ قُلْ لأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُورًا رَحِيمًا" [الأحزاب: 59]،

فالحجاب يحميك من الوقوع في الفواحش، ومن وقوع الضرر على الراجل  والمراة، و يطهر القلب من وسواس الشيطان، وأفكاره،  ويحفظ النفس   ... تو كي تفوتي برشا رجال يخلطو فيك اما كي تديري حجاب حتى هوما يحشمو يهدرو معاك  ... و الحجاب سترة يابنيتي، شعال من وحدة حاباتو  و لافامي تاعها ماشي قابلين  .. استري روحك يا بنتي مدامك فالحياة قبل مايسترك كفنك فالممات

الاثنين عينيهم دمعو سورتو تسنيم شعورها شعور واحد مذنب و مازال ماتابش
______.