❤❤❤❤❤
ا
قاعدة في شمبرتها و البسمة على فمها...
فات شهر و شوي حالها احسن من قبل .. الصح عندها انو محمد فسخ خطبتو.. لين جات ليها امها
ياسمينة: كيفاه تحسي حالك يا بنتي
تسنيم: حمدالله امي
ياسمينة: نعرف اللي ماشي وقتو اما عندي هدرة معاك
تسنيم: خير
ياسمينة: خير خير حنونتي... فما واحد حاب يخطبك
تسنيم: اففف ماما قتلك مانيش حابة
ياسمينة: اما على الاقل اعرفي شكون
تسنيم: شكون
ياسمينة: محمد الا...
تسنيم بصوت عالي: امام الحومة
ياسمينة: ايه هو
تسنيم: احلفي
ياسمينة: وعلاه نكذب عليك
تسنيم الفرحة ملات عينيها و الضحكة ملات وجها : نقبل نقبل
ياسمينة: ااه يابنت كرشي كنت فايقتلك بلي عينيك فيه
هبطت راسها بحشمة من امها : ماما بركاي
ياسمينة: اااه يابنتي ربي يهنيك
تسنيم: امين امي امين
ياسمينة: صحا انا نروح نخبر بوك
_____
(وااو قريتو واش كتبت ههه جاي يخطبها 😘)
الدنيا ماشي سايعة فرحتها... حمدت ربي الف مرة اللي حققلها اكثر حاجة حابتها فالدنيا محمد... ماحبتش تتسائل علاه و كيفاه جات في بالو يخطبها... كل همها اللي محمد باش يولي ملكها و ليها
_______________
قاعدة في بيتها و ملاك توجد فيها اليوم جاي يخطبها الراجل اللي تمناتو عندها شعال... ماشي مصدقة كل دقيقة تقرص يدها بلاك شي حلم تفيق منو اما وجيعة القرصة معيشتها الواقع
ملاك: ااه ياعمري شعال فرحتلك الحمدالله صبرتي و نلتي
تسنيم: تشوفي انا يا ملاك مانيش مامنة ... هههه محمد راو جاي يخطبني
ملاك: ههه امني ياحبي امني
_______________
#محمد
ماصدقت فات الشهر بطلوع الروح قلت ذاك هو نروح نهدر مع بوها... خليت كي كملنا صلاة الظهر قتلو
محمد: عمي معليش نهدر معاك
عبد العزيز: تفضل ا ولدي
محمد: نروحو نقعدو فكاش قهوة خير
رحنا للقهوة قعدنا و انا تافتلي كيفاه نقولو
عبد العزيز: خير ياوليدي واش حبيت تهدر معايا
______
❤❤❤
أنت تقرأ
احببت امام حيِّنا (باللهجة الجزائرية)
Humorجبتلكم كرونيك 📕 خفيفة ☄ظريفة☺ مانيش حانطول فاها بزاف و نتمنى تعجبكم حبوباتي 😍😍 حكايتنا 📔مختلفة 👌اليوم... تحكي عن حب❤ ، التزام 🔒 دين 😍 غيرة 😵😢 و الاهم... نهايه سعيدة 😁😆 #احببت_امام_حينا #Aya_m قيد الكتابة، و ممنوع النقل 🚫❌📵
