❤❤❤❤❤
#تسنيم
بعدما راح محمد رقدت ديراكت لانو عييت مالبكا و الوجع اللي في قلبي... كنت حمارة وقعت في حبو بلا مانفيق و ماسييتش حتى نبعد ولا نجبد روحي قعدت ديما نحوس عليه واش يحب واش يكره.. كيفاه حالو... زعفان وولا فرحان... اذا مرض تمرض معاه و اذا كاش ماصرالو نموت... اما هذا وين نتبعت بلي رميت روحي فبير مافيهش خرجة و البروبلام مزالني رامية روحي و ماعرفتش الخرجة منين... راهي تالفتلي. امي بويا ختي و خاوتي و كل اللي عزيزة عندهم راهم مضرارين كي يشوفوني هكا بابا حيلو انهد و يما دمعتها على خدها و انا ماشي ناجمة نعمل شي الله غالب فوق طاقتي راهي
________________
تسنيم في غيبوبة و ماشي ناجمة تفيق منها(تعبير مجازي برك 😂 ) و هو قاعد يحضر لعرسو
------------
قاعد في دارهم يتلو القرآن حتى عيطتلو سهام تخبرو اللي حابة تشوفو.. ماحبش مع اللول بحم مزال مافتحو ماعقدو اما هي اصرت عليه قالها صحا
____
#محمد
رحت لوحد الجنينة فيها شوي ناس حتى جات هي.. دورت وجهي لجهة اخرى و قلتلها تحكي
سهام: ياشيخ نعرف اللي قلبك مع اخرى
محمد: استغفر الله على واه تهدري
سهام: اللي غلطت معاه و حرڨ رجع و ناوي يخطبني
محمد: تحسبي لعبة هي... يا بنتي امام راني .. باش نولي فولة في فم الكل
سهام: محمد تستاهلك اكثر مني نعرف اللي تعمل هكا بلعاني و كيف ما انا فرحانة لانو رجع الغالي انت فرحان اللي باش نحبس معاك و تروح ليها
محمد: راكي غالطة ماشي صحيح
سهام: لا صحيح و ما فما وحدة تستاهلك كثر من تسنيم
-----------
الروح رجعت لجسدها و الانفاس عادت و القلب رجع لبلاصتو... الاخبار نتشرت الامام فسخ خطبتو... الكل اندهش غير هي اللي فرحت ... علبالها في باطل اما على الاقل تحاول تنساه و هو سيليباتار
____________
ماشي مصدق اللي ربي عطالو حل ... هههه مستحيل يزيد يبعد ماكسيمون شهر يروح يخطبها و مايبطاش و يرفدها حاب يشوفها في دارو و قدام عينيه
______
يااا اونفان 😍😍😂
اتفاعلو حبوباتي
أنت تقرأ
احببت امام حيِّنا (باللهجة الجزائرية)
Humorجبتلكم كرونيك 📕 خفيفة ☄ظريفة☺ مانيش حانطول فاها بزاف و نتمنى تعجبكم حبوباتي 😍😍 حكايتنا 📔مختلفة 👌اليوم... تحكي عن حب❤ ، التزام 🔒 دين 😍 غيرة 😵😢 و الاهم... نهايه سعيدة 😁😆 #احببت_امام_حينا #Aya_m قيد الكتابة، و ممنوع النقل 🚫❌📵
