❤❤❤❤❤❤
دخل رمضان و البنات حاكمين روتين واحد شغل صباح عشية طياب و الليل صلاة التراويح... و إمامنا كان كل وقتو تقريبا فالجامع اما طول الوقت حاير في عفسة اللي باش نعرفوها مع اليامات
__________
ناضت الصباح خدمت الشغل مع مرت خوها و ختها و دخلو للكوزينة لانو اليوم عندهم ضياف عمهم جاي يفطر عندهم
وصال: سبحان الله... عمي يادرا واش جايبو ياخي يجي غير بالسبايب
ياسمينة : ياخاه التبهديل, بلعي لا ذرك تجي البليغة فوجهك
تسنيم: علاه هدرت الحق
نسرين: ههههه والله صح
ياسمينة: مانعرف كي يجي يهدر
_________
جا عمهم معا مرتو و وليدو قعدو فطرو ابخي جمعو يقسرو شوي
تسنيم: اسمحولي انا نروح نصلي التراويح فالجامع
حورية (مرت عمها) : معليش حنونتي روحي
______
راحت تسنيم مع ملاك و باباها للجامع، و مع روحتها لقا الفرصة باش يهدر واش راه حاب
كريم: والله ياخويا عبد العزيز جيت قاصكم في عفسة
عبد العزيز: خير خويا قول
كريم: جيت طالب يد بنتكم تسنيم لولدي ياسر
الكل افتجأ(😂) لانهم مكانوش دايرينها فالحسبان
عبد العزيز: من جيهتي منلقاش خير من ولد خويا... اما تعرف الرأي الاول و التالي للطفلة
كريم: معليش احكو معاها نتوما و سور تقبل بولد عمها
***********
تسنيم: وشنووو هبلتو كيفاه نتخطب لياسر متعرفوهش كي داير
ياسمينة: مي يابنتي ضرك تسڨم و الطفل لاباس بيه
تسنيم: ماكان مادخلني يبقا غير مانقبلش بيه
ياسمينة : بصح تعرفي عمك يابنتي لوكان ماتقبليش يصرا بروبلام بينو و بين باباك
_______
حار السي عبد العزيز كيفاش يدير بنتو ماشي قابلة من جهة و خوه اللي كابابل تتخسر علاقتو معاه الوغ مالقا غير يروح للامام يسقسيه باش يريحو
محمد: مرحبا عمي عبد العزيز زارتنا بركة اتفضل
عبد العزيز: يزيد فضلك يا ولدي والله جيتك حاير
محمد: خير عمي
عبد العزيز: حكالو لحكاية
محمد : متفهمك عمي بصح الرأي يقعد للبنت اذا هي ماشي قابلة ماتنجنش تسيف عليها الزواج بصح قلها تسصلي صلاة الاستخارة اذا ريحت تقبل و اذا لا ربي يجيب فيها خير
____________
دخل السي عبدالعزيز و خبر بنتو بواش قالو الامام ... اما تسنيم فحكمتها القنطة هي تحبو ميتة عليه ووهو ماشي عالم ڨع بيها اما دارت واش قالها و صلاة صلاة الاستخارة
********
فاتت سمانة قلبها ماشي مريحها خلاص ، قالت لبوها اللي ماشي مطمنة, اللي بدورو خبر خوه اللي طفلة مش قابلة صحيح صرا بروبلام اما بيد ما صلات صلاة الاستخارة و ماريحتش ماينجمش يمد بنتو....
_______
تتمشى رايحة تشري الخبز حتى يقاطعلها واحد
شبيه الزين حزين
تسنيم: اخطاني ياوسمك
اسمي يونس
محمد مالتالي: احشم ياولد و مشي فحالك
يونس تفجع: سامحني يا شيخ و راح يجري
تسنيم غزرت فيه بخزرة كلها وجيعة و قاتلو صحا و راحت شرات الخبز
ابخي جازت لملاك
ملاك: مرحبا بب جوزي
تسنيم: واش سافا حبي
ملاك: انا حمدالله شوفي نتي
تسنيم: بففف خلاص كرهت 23 سنة اللي يجي نردو و هو ماشي مقيمني خلاص علبالك ذرك اللي يجي موراه نقبلو
ملاك: منيتك
تسنيم: واش ندير ملاك 6 سنين العمى فاقلي بلي نحبو اما هو والو الغزرة و ماشافهاش فيا
ملاك: بغيتي يكحلك ماتنسايش اللي امام
تسنيم: نعرف اللي امام اما حتى انا عييت راني انسانة قلب و دم... عشقتو والله عشقتو من كل قلبي ، تنفست حبو، رقدت على صورتو بين عينيا و نضت عليها، كل نهترف بيه اما وين بيها تو يامات نسمعوه تزوج عندو 30 سنة ماشي صغير و انا نكمل نتعذب وحدي
ملاك: دبري راسك احبي حياتك هاذي و نتي اللي تخميلها
تسنيم:lsl انا نروح ذرك ابخي انشالله
ملاك:انشالله حنونتي
😍😍😍😍😍😍😍😢😢😢😢😢😢😢
رايكم حبوباتي😇
متنساوش فوت و كومنت
أنت تقرأ
احببت امام حيِّنا (باللهجة الجزائرية)
Humorجبتلكم كرونيك 📕 خفيفة ☄ظريفة☺ مانيش حانطول فاها بزاف و نتمنى تعجبكم حبوباتي 😍😍 حكايتنا 📔مختلفة 👌اليوم... تحكي عن حب❤ ، التزام 🔒 دين 😍 غيرة 😵😢 و الاهم... نهايه سعيدة 😁😆 #احببت_امام_حينا #Aya_m قيد الكتابة، و ممنوع النقل 🚫❌📵
