#ملاك
خارجة من دارنا نجري رايحة عند تسنيم عييت نعيطلها متردش ، غير لحقت و طبطبت فتحتلي نسرين وجها اصفر
_وينها تسنيم
نسرين : فالسبيطار ياختي مافهمناش ڨع واش صرالها طاحت داخت وخدها
_كي يجيبوها عيطيلي نجي ليها تعيشي ختي
نسرين: صحا
بففف سور سمعت الزح.... اصلا الحومة كامل سمعت كيفاه ماتسمعش هي بلي الامام خطب
__________
#تسنيم
بعدما وليت من عند ملاك جبتها غير رقاد مانضتش حتى للفطور ابخي وليت رقدت.... كي صبح الحال و فطنت هبطت نعاونهم فالشغل نسمع ماما تحكي
ايه والله لولبارح فالليل راحت فوزية عند الطفلة باش تخطبهالو
انا: واش كاين
ماما: الامام تع الحومة باش تخطبلو فوزية سهام بنت جيرانا
اوووب ماحسيت بشي كان الظلام
و كي فطنت لقيت روحي فالسبيطار متكسلة و ابرة السيروم في يدي... حكمتني غصة حابة نبكي اما مش ناجمة بابا و خويا واقفين عند راسي... الزح واش درت في حياتي صحيح ماكنتش دايرة حجاب من قبل اما يشهد عليا ربي صليت صلاتي... صمت صيامي... عمري جرحت بنادم بكلمة و تو سترت روحي و مادعيت منك ياربي غير محمد... علاه يصرا فيا هكا تو علاه
كي خلاص السيروم رجعنا للدار الطبيب قالهم جوست تعب غير دخلنا للدار طلعت لشومبرتي و قتلهم يخلوني نرقد و انا كنت حابة نبكي و اللي قالك الصديق وقت الضيق مغلطش بيسك جوست تكسلت جات ملاك اللي ماستناتنيش نهدر عنقتني ديراكت و خلاتني بكيت حتى نصرعت رقدت و هي قعدت معايا تمسحلي على راسي
#ملاك
عمري شفت تسنيم هكا صحبتي مالصغر و نعرفها كيما نعرف روحي و مالڨري ڨاع واش جوزنا جامي بينت... ديما تضحك.. تتبهلل... مي حب محمد ضرها بزااف 6سنين و هي حباتو... لوكان يقلها مديلي قلبك تمدهولو... كي يمرض تمرض.. كي تشوفو ماشي مليح تولي ماشي مليحة، كي يفرح كانت تموت بالسعادة ... و خطبتو قتلتها مالداخل... بكات كيما جامي بكات في حياتها نعرف بلي راهي تحس محمد خلاص طول عمرو راح يبقى حلم بالنسبة ليها
_________
فاتو الشهور تسنيم يوم بعد يوم تذبال... شيانت و عينيها ديما محوقين كل مرة طيح تتغاشا و كي يدوها للسبسطار يقولولهم تعب و حالة نفسية... داوها لبسيكولوغ مي والو الكلمة ماشي حابة تهدرها ... ضحكتها غابت و نورها طفا ... مالدار ماتخرجش غير مينذااك كي تسيف عليها ملاك ماتحبش تزعفها ... الكل متحير عليها...لين قرر بوها يجيبلها الامام يرقيلها
ياسمينة: نوضي بنتي البسي حجابك ذرك يجي الراقي يرقيلك
ناضت من غير ماتناقش لبست حجابها و عاودت تكسلت في بلاصتها حتى دخل بوها مع الراقي غمضت عينيها ماشي عينها كامل يهدر معاها حابة يرقيلها برك بالاك تريح ... جابولو كرسي قعد قدام راسها و مع نطق الحرف اللول فتحت عينيها ... محمد 💔😔 والله هو
محمد: الاخت غمضي عينيك احسن
تسنيم غزرت في يدو لقات خاتم خطبتو حكمتها الغصة هزتلو راسها ايه.. هو يرقي و هي تبكي حتى باباها حسبالو بيها كاش حاجة اما محمد قالو براسو والو...
---------
اتفاعلو بيبيشاتي 😍😍
أنت تقرأ
احببت امام حيِّنا (باللهجة الجزائرية)
Humorجبتلكم كرونيك 📕 خفيفة ☄ظريفة☺ مانيش حانطول فاها بزاف و نتمنى تعجبكم حبوباتي 😍😍 حكايتنا 📔مختلفة 👌اليوم... تحكي عن حب❤ ، التزام 🔒 دين 😍 غيرة 😵😢 و الاهم... نهايه سعيدة 😁😆 #احببت_امام_حينا #Aya_m قيد الكتابة، و ممنوع النقل 🚫❌📵
