مرامي (مكتملة)

٥

#مرامي 💕٥💕
.
هيام أديب...
.
كانت الرواية ديك اول حاجة جمعتهم مع بعض...مرام ما فرطت فيها و احتفظت بيهاعندها...
حسام بعد فترة طويلة لمن علاقتهم بقت اقوى قال ليها انو السبب الحقيقي ورا انو كان عيان شدة تفكيرو في ردها 😹..
المهم مشت الايام و الاسابيع و الشهور و الاتنين مع بعض..
حبهم الاتنين للكتب خلاهم يستمرو في الرسائل دي لو كانو عايزين يقولو حاجة خجلانين منها او لو كانو دايرين اعبرو عن مشاعرهم اكتر 💕😹..
كانت مرات بتوريني من الرسايل البتكون في الروايات "ليتني...ليتني ولدت ملكا او اميرا لاعطيك كل ما تريده نفسك و كلما تحتاجين...لكني حبي لك يقف عاجزا قولي ماذا افعل؟؟"و طبعا هي بترد باقتباس و هو يرجع يرد بواحد و رسائل و قصائد كانو مجتهدين شديد😹💕..
زاد كلامهم مع بعض و حوامتهم مع بعض...و حاجات كتيرة مع بعض حسيتها بدت تنساني 😹😹
مع انو كل الحصل هنا كان حلو و كلنا اتمنيناه يتم الا انو كان دا الفصل المشرق في الرواية و قربنا لختامو....و دايما بعد ما تطلع الشمس لازم تغيب ..💔
____________________________________
في يوم من الايام
الشمس كانت وصلت لحد ما بعد كبد السماء و ضوها ملا الغرفة...
صحت مرام علي الشغالة و هي تقول ليها :ابوك مناظرك تحت..قومي الغدا !
اي الغدا نامت لحد وقت متأخر لانها في الاغلب كانت مساهرة معاه ☻
نزلت براحة علي السلام و هي بتمسح عيونها بيدها لحدما وصلت للسفرة:نعم يا بابا...سوزن قالت لي دايرني
-ابوها و هو بمسح خشمو بالمنديل:بكرة ناس عمتك سيدرا جايين و معاهم ابوه...ح نستقبلهم في البيت و امكن يقعدو معانا كم يوم .
-مرام بغضب و خلعة:كم يوم ؟؟؟
-او كم اسبوع مالو في شي؟
-لا..لا ابدا مافي شي 😳 (مافي شي غير رزان ☻)
-يلا خلاص امشي..
__________
(عمة مرام و عمها او عائلة الحاج يوسف "لا ما المدينة ديك 😹" عائلة تجار ✨عايشين اغلب حياتهم بالكويت و نادرا ما يجو
عائلة صغيرة متكونة من يوسف الاب و رب العائلة راجل في نهاية الخمسينات و الحبوب و الظريف الوحيد مع مرام ..
و تاني الام سيدرا الهي اخت ابو مرام...برضها سيدة في بداية الخمسينات لكن محافظة علي اشراقها و جيهتها ✨ مفلهمة و قدوة رزان 😹 عندها تلاتة ابناء ولدين و بت(عماد٢٥...شاهين٢٠...رزان١٧ )
________________________
في اليوم التالي..
او اليوم الجو فيهو من الكويت...كنت معاها في بيتهم..انا و اريام و امي عزمونا معاهم عشان الجيران يعني..رزان زاتها كانت جات قبلهم لكن كانت قاعدة في الطابق التحت بتجهز في نفسها..و انا في غرفة مرام معاها و امي و اريام حايمين..
كنا بنتجهز كأنها حفلة
-و انا بمد ليها في فتيل ريحة:مرام...سوي الريحة دي ريحتها حلوة ح تعجبها !
-مرام:تعجب منو ؟؟؟ عمتو سيدرا ؟؟ يا بت المرا دي لا يعجبها العجب 😹..
-------------------------------
بعد مدة جانا صوت عربية وقفت برا...مرام عاينت من الشباك لقت عربية شاهين بتقيف...
نزل منها شاهين..و بعد مسافة قصيرة نزل حسام...
-اتخلعت و قفلت الشباك و عاينت لي كدا 😳قبل ما تقول:حسام معاه..
-ختيت الفرشة من يدي و قلت ليها :بالجدد؟ارح نسلم !!😁.
عرفتها ح تقول لي لا و خجلانة عشان كدا سبقتها و طلعت برا....نزلت من السلالم لحد الصالة ..
لقيت رزان طالعة بفستان ذهبي اوف شولدرز جاي مع بشرتها القمحية ✨...و كعب عالي نفس اللون و رافعة شعرها كان مبعثر شكلها ما خلصت لكن برضو واااو 😍✨مع انو البت غيازة و كريهة لكن ما بختلفو اتنين انها حلوة ☻💕 ..
كانت متوجهة علي شاهين الدخل الصالة يادوب بفرح لكن اول ما شافت حسام وقفت مكانها..و ملامحها اتغيرت و سمعتها بتقول بغضب..قدام حسام و اي زول كان قاعد في الصالة..
-ربعت يدينها بزهج و اتعقدت حواجبها:يعني ضروري تجيبو اسي ؟؟
-شاهين :كيف يعني؟؟ ما هو صحبي!
-ما كفاية كل العملتو ليهو دا خلاص.!!
انا اتجمدت..و بقيت بعاين ليهم بعدم استيعاب..كيف يعني عملت شنو
-رزان:ياخ افهم....ما كل شحاد انت تجي تدخلو الاسرة فاهم ؟؟؟
-شاهين و هو بيدخل:رزان احترمي نفسك..خلاص قفلنا ما داير كلام !!
شاهين عاين لي بطرف عينو من غير ما يقف و دخلمتوقع انو حسام وراهو..لكن حسام اتوجه لرزان و حنا راسو قدامها و بدا يعتذر منها عاينت ليهو من باحتقار فوق لتحت لوت شفايفها و ادتو ظهرها قبل ما يتم كلامو...
حسام بقا بعاين للارض كان ظاهر علي وشو علامات ذل...مع انو هي الجرحتو بكلامها لكن هو الاعتذر..
رفع راسو براحة و عاين لرزان و هي بتبعد منو بخطواتها المتكبرة....و فجأة غير نظرو و بقا بعاين بصدمة باتجاهي..من نظراتو عرفت انو ما بعاين لي انا في حاجة وراي... التفت براحة بطريقة درامية...
لقيت مرام متجمدة في مكانها بنظرة صدمة و دموع صامتة نازلة من عيونها💔... حولت عيونها لي لعشر ثانية قبل ما تلتفت و ترجع تطلع السلالم..
حسام عاين ليها بانكسار و نزل راسو تاني و رجع ما دخل... بعد الذل دا كلو و انها تقوليهو شحاد كيف يقابلها تاني ؟؟كيف يعاين ليها ..
انا كنت واقفة في مكاني مافاهمة ليه رزان قالت ليهو شحاد لكن مهما يكون ما بينفع تهينو بشكل دا..
جريت باتجاه مرام بسرعة و انا بناديها قبل ما اشوفها...فجأة
------------------