مرامي (مكتملة)

١٥ الاخيرة..ج١

مرامي 💕١٥💕
-هيام اديب..
.الاخيرة...
.
.
طبعا رجعت البيت و انا مصدومة و حكيت لامي الحصل..
-بالله كفايها؟؟؟!
-اي
-عين العقل...تستاهل !!عشان تاني تتفاخر..
-لكن شاهين احرجني معاها ...
- المهم انها اخدت البتستاهلو...
-بس انا نفسي اعرف حصل شنو لمرام...
____________________
في اليوم التالي حلفت اني ما اتكلم مع شاهين الا يجي يعتذر مني !..
قلت الموضوع ح يكون ساهل لاني ح اقضي وقتي مع مرام لكن مرام ما كانت موجودة..
زهجت من اختفاءات مرام غير المبررة...
قلت اسأل حسام عن الحصل...و الغريب لقيتو هو زاتو ما موجود..
لقيت شاهين قاعد براهو في كرسي.. قربت منو و انا برر لنفسي اني بس عايزة اعرف صحبتي وين...
-شاهين ؟
-ريهام ؟
-عارف حسام و مرام وينهم ؟؟؟
-امي طردت امو امبارح من الشغل بعدما سمعت قصة صغيرة الفتها ليها رزان انو انتي كنت بدافعي عن حسام
-كيف يعني امو شغالة عندكم ؟؟؟😱
-انتي ما عارفة ؟ااي صح انتي ما عارفة..
-و هو وين ؟
-بحاول القا شغل عشان يريح امو من التعب و الاهانة البتلقاها من سيدرا و رزان....
-و مرام ؟؟
-ما بعرفها...لكن علي الارجح انها خلتو تاني لاني شفتها امبارح طالعة و هي بتبكي....
-اها انحنا ح نعمل شنو ؟؟
-قال بلا مبالاة:و لا شي..
-كيف ؟؟
-ريهام لازم تتعلمي انك ما تنحشري في امور الناس...بسببك زينب خسرت شغلها و مرجح اننا تاني ما نشوف حسام في الجامعة..و بسبب فكرتك الغبية مرام خسرت علاقتها تماما مع حسام...بس لو سمحتي ما تعملي اي حاجة..
قال كلماتو دي و هو بتحرك بعيد مني خاليني اموت داخليا و الذنب قاتلي...
بعد صراع طويل مع دموعي...خسرت...
جريت ورا واحد من المباني و طلقت العنان لنفسي...
كنت حاسة اني سامة علي الناس و قطعت وعد مع نفسي اني تاني ما ح ادخل في حياة زول مهما كان قريب مني...
لكن لسه كان في جزو مني عايز يعرف مرام حصل ليها شنو...
-----
لمن انتهت الساعات الخانقة في الجامعة رجعت و غيرت طريقي شوية لبيت مرام...
رنيت الجرس و انا متوقعة نفس السناريو الفات...
فتحت لي نفس الشغالة بتاعت كل مرة سألتها من مرام قالت لي انها في غرفتها
دخلت البيت و انا متوقعة او بشوف ابوها يجي نازل تاني لكن كانت خيالات بس...
مشيت و مشيت و انا متوقعة يجي شي يمنعني زي كل مرة
حتي اني شككت يدي لمن مسكت مقبض باب غرفتها...
فتحت الباب....
لقيت مرام مرمية علي سريرها...بتعاين للسقف...ما كانت بتشبه مرام ابدا...متذكرين لمن قلت ليكم انها وردة ذابلة...
المرة دي الوردة ميتة....كانت ميتة و حية كانت ملامح وشها تائهة...و لونها مخطوف كأنها ناجية من حرب و كان شكلها مريضة بحاجة..
الشي الوحيد الخاليني اقول لسه هي حية انها بترمش...
-مرام؟؟
-زحي مني !
-مرام...جيت اشوفك..
-شوفتيني يلا امشي...
-مرام...ما تتكلمي معاي كأني انا الغلطانة !
-انتي القلتي لي امشي...لو خليتيني قاعدة ما كان حصل شي !
-كنت بحاول ارجعكم زي ما كنتو !كنت عايزة اساعدكم
-قالت و هي بتقوم بصدمة:تساعدينا ؟؟!!! ابوي امبارح هزأوا و اهانو قدام المعزومين...دي مساعدتك ؟؟
-انتي عارفة انو ما كان قصدي !
-انتي عارفة ؟بسببك اتأكدت انو انحنا تاني ما ح نتلاقى... مالك و مال رزان ليه ضربتيها ؟؟
-ليه انتو كلكم كدا ؟انا عملت الشفتها بتستاهلو !...
-اي عارفة حصل شنو ؟؟
-اي عارفة
-بس شفتي دي مساعدتك لينا..
-عارفة ندمت اني حاولت اساعدك اساسا !ياخ يا ليتني ركزت في جامعتي اكتر كان وصلت لشي بدل الكلام الفاضي حقكم دا
-خلصتي ؟يلا اطلعي و اقفلي الباب وراك...
طلعت بزهج من غرفتها و رزعت الباب وراي...مرقت من بيتها و الشرار في عيوني...
لكن للحظة استوعبت اني خسرت اعمق صداقة عندي..اتمنيت اني ارجع لورا و اعدل اي شي او انو يكون عندي شجاعة كافية اني ارجع ليها و اعتذر...
رجعت البيت و انا منفوخة...دموعي خانقاني...
دخلت غرفتي و بديت ابكي في مخدتي..و انا ضاغطة عليها بكل قوتي...
"في الاحظة ديك اتخذت قرارات كتيرة...و وعدت نفسي اني ح اتجاوزهم كلهم.....
_____________________
مشت الايام و مرام رجعت للجامعة تاني...لكن هل اتكلمت معاها؟؟؟لا ...هل اتكلمت معاي؟لا...غملنا كأننا ما بنعرف بعض...لكن لسه كان شكلها مريضة....
كان عندي بنات بعرفهم غيرها بعكسها هي...كانت ما بتتكلم مع الناس...
كنت بقضي وقتي مع الناس الجداد و بعاين ليها من بعيد....و اذا اتلاقت اعيننا بعاين ليها باحتقار..
حتي شاهين حاول يتعرف علي ناس غيرنا و ببساطة شلتنا الصغيرة اتدمرت.....
_____________
مضت الشهور و اتناسينا بعض...ما عندي فكرة وين حسام في الوقت داك و لا اي شي...
في يوم انا و امي كنا حايمين في السوق لمن فجأة لمحتو...كان شغال في متجر متواضع جدا...و بسيط و ما كان زي الاحلام الكان خاتيها لنفسو....
اول ما اتلاقت عيونا حول عيونو للارض بانكسار...مع اني كنت فرحانة انو لقا شغل...
__________
كنت كل يوم بشوف مرام..بتجي براها بترجع براها بتفطر براها و اي شيء براها...و كانت علامات المرض بتزيد في وشها...و كنت قايلة نفسي الوحيدة الشايفاه..
قلبي شوية حنة عليها لكن كنت غبية...مع اني الغلطانة منتظراها تجي تعتذر مني...
لحد نهاية السنة..
شاهين اتخرج...شفت صورو عند الناس المشتركين بينا و نفسي كابرت علي اني ما ابراك ليهو.....
كان مفروض حسام يتخرج معاه💔...
كان في صوت جواي بقول لي انو مافي داعي للبعمل فيهو دا لو اعتذرت منهم كلهم برجع اي شيء زي ما كان...لكن ابيت
_________________________
مشت حوالي سنة...و انا ما سمعت شي عن مرام...كنا في اجازة...
لمن في صباح مشؤوم لقيت ٢٣مكالمة فائتة من مرام...
حاولت ارجع ليها اكتر من مرة لكن مافي اي رد...
مشيت لبيتها و الخوف كان ح يقتلني..
دقت الجرس و حاولت انتظر...حسيت بقلبي ح يطلع من مكانو و نسيت تكبري كلو في الوقت دا..
فتحت لي المرا المعتادة و سألتها بسرعة...
-وين مرام ؟؟
-مرام ؟؟؟ليها شهرين في المستشفى..
-المستشفى ؟؟؟
وقعت الكلمة علي زي الرصاصة و حسيت بقبضة في قلبي و كنت خايفة اسألها ليه...لكنها ما انتظرتني اسأل..
كملت موضحة لي :من فترة طويلة شخصوها بالسرطان...و حاليا هي في المستشفى..
_______________
قلبي كان بضرب كاني جارية في مارثون و عيوني ما وقفت دموع و انا ماشا للمستشفى..
وصلت المستشفى نزلت سريع ...اخدت رقم غرفتها و جريت اليها...حسيت كاني في سباق مع الموت و كنت بحاول ابعد اي افكار سوداء عني...
لقيت شاهين واقف قدام غرفتها...و يدو علي وشو...
-شاهين ؟
-ريهام ؟؟؟ما اتوقعتك تجي...كيفك؟؟ مشتاقين !
مشتاقين ...اخر مرة اتكلمناوفيها كانت شكلة...و اسي بقينا مشتاقين؟؟؟
-ما حتة كويسة نتلاقى فيها بعد الوقت دا كلو...مرام موجودة جوة اكيد انتي جيتيها....
دخلت لقيت مرام عبارة عن شبح...كانت تحيط عيونها هالات بنفسجية...و علي وجهها علامات تعب كأنها في السبعين.... شعرها كان غير موجود و حواجبها خفيفة...الشي الوحيد المطمئن انو جهاز ضربات القلب لسه شغال
كان شكلها غاطة في سبات و ابوها ماسك يدها بحزن..
اتكلت علي الباب و غطيت فمي المفتوح من الصدمة...
بكيت بصمت و اتوجهت عليها..
احط يديني بوشها و انا ناديتها بصوت مبحوح...
-قاطعني ابوها:خليها ترتاح شوية...
-متين؟؟متين حصل دا كلو ؟؟؟😭😭💔
-كانت من زمان عايزة تتواصل معاك لكن اتوقعت انك ما ح تردي...و ما رديتي في اغلب الاحيان...
-انا آسفة مرام....انا الكسرتك كدا...
-ابوها و دموعو بدت تلمع:ما تلومي نفسك...حتي انا عندي يد...كنت سبب في موتها ببطء
في مرحلة ما قال لي بصوت يقطع القلب" باقي ليها اسبوعين او اقل"اتمنيت اني اطرش و ما اسمع الجملة دي
----
طلعت برا و يدي لسه علي فمي و دموعي منهمرة...و انا لسه في صدمة و ما مصدقة الحاصل......