مرامي (مكتملة)

١٢

مرامي 💕١٢💕
.
-هيام اديب..
.
قربت منها و انا ما مصدقة عيوني
-مرام؟؟؟
-ريهام 🌚...
قعدت جنبها براحة و انا ما قادرة اصدق انو دي مرام....كانت عيونها محاطة بهالات سودا بتوضح عدد الليالي الاتألمت فيهم...كانت القدامي مرام لكن كأنو قل لمعانها ...كأنو في جزء من روحها مات...
لكن بعد دا انا ما كنت مصدقة انها طلعت اخيراً..ضميتها شديد و بديت ابكي لكن سمعت صوت الم منها كأني ضغط علي جرح..ابتعد عنها براحة و في عيوني هظرة تسأول..
-قالت لي محولة الموضوع :كيفك ؟ تمام ؟؟
-تمام..في شنو ؟ظهرك اتجرح ؟
- لا ...لا ابدا بس خنقتيني 😂
ضحكت معها و انا ما مصدقة كلامها...
-انا :كنتي وين انتي الوقت دا كلو ؟؟
-بتوتر:انا...كنت...مع عمتي..
-بالجد؟؟
عاينت للارض :يعني ليه ح اكذب ؟
حاجة انا بعرفها عن مرام انها افشل زول في الكذب...كان ظاهر انها بتكذب لكن حسيتها ما دايرة تتكلم..
ضمت نفسها بيدينها و عيونها لسه علي الارض..
-سألتني بخجل:ح...حسام كيفه ؟
-حسام؟ كان بسأل منك الوقت كلو (سحبت يدها)ارح لازم تقابلي!!
-سحبت يدها مني:لا... انا عايزاك تقولي ليهو شيء لو لاقيته...
-شنو...
-بتردد و حزن ظاهر علي عيونها:بس...ممكن تقولي ليهو...
-ما تقولي ليهو انتي !
-عاينت لي لثانية :لا و رجعت (عيونها) للارض:انا ما ح اقدر اتكلم معاه تاني...
-يعني انتي دايراني اقول ليهو تاني ما تتكلم مع مرام ؟
أمأت براسها باجاب و عيونها بدت تلمع بالدموع..
-مسكت يدها :ليه لكن ؟
-بس كدا...لو سمحتي حسي
كانت بتتكلم معاي و عيونها علي الارض...ما قدرت ترفع عيونها و تواجهني..
عاينت للارض بأسى و قلت ليها و قلبي متقطع عليها :..طيب..
قمت من مكاني و انا مترددة اتكلم كيف كنت بحاول ارتب في كلامي الح اقولو...
اتجمدت لثانية لمن شفتهم واقفين شاهين بتكلم مع حسام و حسام سارح..
فجأة حسام شافني و سلم علي من بعيد بابتسامة...
جيت عليه و انا راسمة علي وشي ملامح تظهر الضيق الانا حاسة بيه...
قربت منهم و قلت ليهم بعد سلمت عليهم و انا باخد نفس :مرام جات...
عاينو لي الاتنين بصدمة و علي وش حسام ظهرت علامات فرح...
-بالجد ؟؟وينها ؟؟
-و انا بأشر علي مكانها الكان ما ظاهر بالنسبة لاحتة الكنا واقفين فيها ...
طوالي حسام كان داير يمشي ليها لكن يدي منعتو قلت ليهو و و انا بعاين بطرف عيني
-لكن هي ما عايزة تشوفك...
عاين لي باستغراب و في ملامحو اسئلة كتيرة..
-شنو.
-فكيت يدو:قالت لي اقول ليك تاني ما تتكلم معها...
-قاطعنا شاهين و هو بسخر: دي شنو حركات الروضة دي..
طبعا الاتنين سفهناه لانو كان الموقف حاد..
-حسام: كيف يعني كلامك دا...
-يعني خلاص...اقطع علاقتك معها..
-لا...لا ما ممكن
قال كلماتو دي و هو بنسحب مننا و بتوجه علي المكان الاشرت عليهو... لحقتو و حاولت ازحو منها لكن وقفني شاهين و قال لي:خليهم يحلوها براهم...
في الاول كلامو كان منطقي و كنت دايرة اخليهم براهم لكن ما قدرت مشيت عليهم بسرعة و بديت افتش المكان الكنا فيهو انت و مرام..
لقيت حسام قاعد علي ركبتو في الارض و بحاول يعاين لي وجهها الكانت داساه بين يدينها..
كان زيي بحاول يلقا تفسير منها لكن هي ما كانت دايرة تتكلم ابدا...
جيت علي حسام و قلت ليهو :خليها في حالها هسي اتكلم معها لمن تهدا شوية...
-انا بس عايز اعرف ليه...
-و انا بأشر ليهو عشان يمشي:انا زاتي لكن هسي خليها لو سمحت...
بعد مدة من محاولة الاقناع اقتنع و مشا بزعل..
راقبتو و هو بمشي بعيد عننا كان ظاهر عليه الطعنة و الخيبة الكان حاسي بيها..
عاينت لمرام الكانت لسه مغطية وجهها بيدها..و ظاهر عليها انها بتبكي...
قعدت جنبها و ختيت يدي علي كتفها :مرام ؟
عاينت لي لمدة عشر ثانية قبل ما ترمي نفسها فيني و تبدأ تبكي...
بديت اطبطب علي ظهرها و انا ما عارفة اقول ليها شنو او اواسيها بشنو 💔..
--------------
حسام رجع لشاهين الكان واقف في مكانو و لا كأن الموضوع هاميهو..
شاهين :اها مالا البت؟
- ما بعرف فجأة قالت لي انحنا لهنا انتهينا خلاص...لكن ليه ما بعرف..
-انت كمان ما تبقى لصقة شوف ليك اي بت تانية الجامعة مليانة بنات..
عاين ليعو بطرف عينو تظرة اجبرتو ينطم..
-حسام: انا بس عايز اعرف انا زعلتها في شي من غير ما انتبه و لا ازعجتها ؟ ما كنا متصالحين قبل ما تغيب...
-امكن حصل ليها شي في الغياب دا منعها...
في اللحظة دي شاهين اتذكر نظريتنا انو ابوها الكان حابسها لكن ما كلم حسام...حسام الفيهو مكفيهو 😂و برضو هو ما كان متأكد ما داير يظلم الراجل ساي..
_________________________________
رجعت البيت حاولت اقنعها انها تجي بيتنا لكن رفضت بخوف خليتها علي كيفها بعد الغيبة دي مرام اتحولت الله اعلم "عمتها" سوت شنو 😒
كنت قاعدة في مصطبة المطبخ و بتكلم مع امي عن اي شيء حصل و النظريات الطلعناها انا و شاهين انو دا ابوها و اي شيء يعني 😂
-امي و هي بتشتغل: كيف يعني ابوها ح يكون عمل ليها شنو ؟؟
-ما بعرف انا بس بقول ليك...مع انو ابوها عادة ما بكون صعب كدا..
-يعني ابوها ما كان عارف بحسام دا ؟..
-لا..
فجأة اتذكرت بالجد انو ابوها دا ما كان عارف بحسام دا...طيب كيف عرف ؟؟ما كان جاني زول معين في راسي اتوقعت انو انا و شاهين و حسام و مرام بس البنعرف( و كم زول تاني خليكم منهم🌚 )
_________________________________
رزان في الوقت دا كانت راقدة في الصالة و بتتصفح تلوفنها بملل لمن جا شاهين و قعد بتنرفز في كنبة جنبها
-رزان :اها يا نفسية مالك الليلة زهجان ؟؟
-اتخيلي مرام رجعت...
-ليش هي كانت وين ؟؟
-قالت مع عمتها لكن هي بتكذب..
-و انت كيف عرفت ؟
-ريهام قالت لي انو ابوها كان حابسها..
-ليه ؟؟؟
-ما بعرف... لكن اظن انو بسبب حسام..
-اي اكيد ما بتجي منو الا المصايب...
-ليه انتي بتكرهيهو كدا ؟؟
-انا ما بكرهو ما فاضية عشان اخت ليهو مشاعر زاتو...عندي حاجات اهم...اخت ليها كرهي
-اي خلاص يا جوكر 😂...
ضحكت معه في مزحتو السخيفة دي
كمل شاهين: لكن بصراحة انا محتار ابوها اصلا كيف عرف ؟؟
رزان هزت كتفها بمعنى ما بعرف بكل لا مبالاة...و كالعادة بارعة في التمثيل...
____________________________
مشا اسبوع و الحالة زاتها مرام و حسام ما اتكلمو مع بعض تاني و لا اتلاقت عيونهم زاتو..حتي لو اجبرو انهم اتلاقو بتحصل هالة من الظلام و الحزن في المكان بنلاحظها انحنا الاربعة بس...مرام بقت حاجة كئيبة و خائفة دايما حتي انها بقت ما بتجي معاي البيت
---
كنت في البيت قاعدة بحضر في التلفزيون مع اريام لمن سمعت صوت الجرس برن...كنت كسلانة اقوم في الاول لكن الجرس استمر...لزيت رجلي لحد ما وقعت من الكنبة بالعافية و قمت بكسل و انا ماشا علي الباب
فتحت الباب بملل...اتخلعت من طلة مرام المافجئة...
-بابتسامة مكسورة:اهلا ريهام..جيت عشان اخد منك دفتر المحاضرات الفاتتني...
كملت بصوت خفيف و بنفس الابتسامة و شبه ما بتحرك شفايفها: قولي لي اتفضلي..
-اخدت سنة عشان افهم هي بتقول في شنو (فهمي تقيل 😂):ا..اا...افضلي اتفضلي
طوالي دخلت و قفلت الباب..
جرتني علي غرفتي بسرعة و اول ما دخلنا قفلت الباب...
-انا بخوف :في شنو مالك مستعجلة كدا....؟؟
-ابوي...كان مراقبني..يلا طلعي الدفتر...
-و انا بفتش في الدفتر :ليه براقب
-اتنهدت و قالت :قصة طويلة...
لقيت الدفتر قبلت و مديتو ليها
شالتو مني و قالت لي :شكرا..
لكن ما قامت من مكانها كان كأنها جات لشي تاني برضو...
-سألتها بخوف و تردد :مرام ؟
-نعم
-انحنا اصحاب من زمان صح...و انا ما دايرة اسيء الظن فيكم و او اكذبكم..لكن عايزة اسألك لمن كنتي غايبة...كنتي مع عمتك بالجد ؟؟
-عاينت لي و حولت عينها للارض كأنها بتفكر :اجابة طويلة و لا مختصرة ؟
-ااا..ا...ا ..اي شي 😅
-لا..
-طيب كنتي وين..؟
-كدا بنخش في الطويلة...
- خلاص قولي لي الطويلة...
-عاينت للارض تاني: ما بقدر....
-قعدت جنبها و ختيت يدي علي كتفها : ما تخافي ما ح اتكلم...
-قالت لي و هي بتضغط علي كفها :كنت في البيت.....ابوي ما كان دايرني اطلع
-ليه؟؟
-تتذكري اليوم داك الاتصالحت فيهو مع حسام...رجعت البيت و لقيتو ماسك كل رساينا و حاجاتنا الكان من المفترض اني دسيتهم....حتي لو ما دسيتهم ابوي ما بدخل غرفتي اصلا...فما بعرف كيف عرف لكن اظن في زول كلمو..
-انا زاتي قلت دا الممكن..حصل شنو بعد كدا ؟؟
-بعدها...
قاطعنا صوت رنين تلفونها الكان فيهو ابوها قالت لي بخوف و هي بتشيل الدفتر و الورق :خلاص...شكرا ليك مع السلامة...
فتحت الباب الغرفة و طلعت لاقتها امي
-هي مرام كيفنك ؟؟
لكنها ما ردت عليها و كملت مشيها بخطوات سريعة...
-امي لي باستغراب :مالا دي ؟
-ما بعرفها...
دخلت غرفتي تاني و قفلت الباب رقدت علي السرير و طالعت السقف :ح يكون منو ...؟