عشق الطفولة الممنوع 🔞

الجزء 8

خنزرت عليها

اجه عمار يتمشى ع كيفه يباوعلنا ثنينا

- خير يا طير شنو هالوكفه

يسر : خير اليصيبك تعال اسمع و قرر

اخويه : احجي

يسر : فكرت بسالفه الشغل الكتلي عليها وماعندي مانع

اني : شنو شغل يا شغل هذا

يسر : عمار جابلي شغل بمول كلت اشتغل مسائي

اني : و دراستج و مستقبلج اني بشنو قصرت فهمييييني

يسر : ليش تنفعلين قراري هذا

اني : ع نفسج قرارج كعدي بالبيت و التهي بدراستج ارحموني عد تعبت منكم

عفتهم وصعدت لغرفتي

اخويه يصيح : هو هذا الموضوع صدك ماعدجن سالفه حضرولي غدايه اريد انام

بمرور الايام عمار يأثر عالبنات اكثر مني

يقنعهن الشغل احسن و يجيبلهن فلوس و يعتمدن ع نفسهن و يزوجن وراهن حياه يعيشوها احسن من كعده البيت هاي

احاول افهمهن الدراسه اهم هسه بس ماهتمن

حته دانيه اختي العاقله صارت ماتسمع مني ساكته و بعالمها ماتدخل بمشاكل البيت

تعبت حيل فقدت السيطره عليهن

يسر مره فاتت من يمي جنت اكلب بموبايلي مامركزه بس حسيت  لمحت شي مو طبيعي

رفعت راسي رحت عليها درت جتفها عليه

- شنو هاي !!!!

- شنو حلو شعري ؟

- وينه شعرج هذا ؟ كل عقلج كاصيته ولادي ؟

- عجبني وصديقتي بالدوام كصتليا تخبلو ع شكلي الجديد
و دافكر اطبره من الجانب باعي باعي هيج شتكولين