عشق الطفولة الممنوع 🔞

الجزء 16

( ادري طولت اعتذر منكم والله
عندي الف ضرف كوه لحكت كتبت البارت )

وره يومين اندكت الباب جنت بالحديقه اني ف رحت فتحت

تجمدت بمكاني يمممة !!!!!

شخصين ساندين نوار و هو غركان بدمه هدومه كلها دم

صرخت بعلو حسي نووووارررررر

ع عيطتي طلعو عيالي حسيت بدفعه اخوته من دفعوني

سندو نوار حطو بالسياره اني بهاللحظه اغمى عليه

متت خوف عليه و بنفس الوقت عندي فوبيا من الدم و ريحته

ما اتحمل اشوفه او اشمه يغمى عليه راسا

شويه و حسيت بمي ينرش ع وجهي وايد تفرك بايدي

و احد يطبطب ع وجهي و جسمي و احد ينفخ عليه

فتحت عيني راسي ثكييل و زردومي متجرح من العيطه العطتها

بديت المح منو ديكعد بيه ريهام و غاده و بناتها كلهم فوك راسي يكعدون بيه

بس شفتهم بجيت بتعب

- نوار نوار

ريهام : مابي شي مابي متصوب بايده مو مكان خطر

- تكذبين عليه

ريهام : والقران مو كذب شضيه جبيره فايته بايده

- والدمايه الي ع جسمه

ريهام : من تصوب كعد بالكاع شويه يله الناس انتبهت عليه وجابو لهنا
لحكت نزفت هوايه

- كوموني ودوني ودوني للمستشفى اريد اشوفه

ريهام : مصطفى و عمتي و الكل يمه لتخافين بعدج دايخه وين ترحين

- سنديني الله يخليج ريهام تصرفي اموت اذا ماشفته هسه
غاده الله يخليج

سندوني كمت امشي ع كيفي و احاول اسرع بخطواتي

البنات يلزموني : يمعوده ع كيفجج رح توكعين