عشق الطفولة الممنوع 🔞

الجزء 18

رحت مشيت مشيت دكيت الباب وفتحت

غرفتها ضخمه اسود و ذهبي شي كلش حلو ابتسمت كلت الحمدلله الله عوضها

سديت الباب مشيت دا اروح لفراشها باوعت !!!!!!

عززة  !!!!!!

صحت بصوت عالي : لج شنو هايي

يسر رفعت راسها هيه ومغمضه : شنو شنو هالصوتتت كم مره كلت ماتدخلين عليه اني ونايمه حطردج من البيت مليت من تصرفاتج

- ولج ويامن هالحجي

فتحت عينها شافتني رفعت نفسها عالسريع : غ غسق ماتوقعتج تجين
عبالي الخدامه تجيني بين يوم ويوم مزهكتني عيشتي بتصرفاتها

- يسر شنو هذا ؟

اشرتلها عالميز

يسر : شبيج مشايفه مشروب

- لا والله دتعرفيني عليه
ادري صخمان شيسوي بغرفتج

يسر : انتي كل ماشوفيني تعيطين رحمي حنجرتج

- انتي الرحميني كلت الزواج رح يعقلج صرتي تشربين بعد شتسوين هم

عدلت كعدتها تجت ضهرها ع الفراش

جرت باكيت الجكاير ورثت جكاره كالت : وادخن جكاير و نركيله

- زوجج يعرف ؟

يسر : هههه هو جايبلي كل هذا
بعدين اني مزوجه يعني عادي هالسوالف بلا افوره

- لج بابا مو زين تالي وياج ناويه تشليني

يسر : اخذي بس اخذي هالجكاره شوفي نفسيتج شلون تتغير اخذي خره بعنادج

نطتنياها شميتها كلبت معدتي شمرتها بالكاع

ركضت يسر طفتها : عزه لعزاج اكو وحده تشمر الجكاره هالشمره ردتي تحركينا تردين تقنعيني مامجربتها كبل

- انركل مرات ويه نوار بس مو جكاره ومادري ريحتها كلبت معدتي