وعاد ضوء القمر بقلم فاطمة عرفات

اقتباس

في منزل《يزن سفيان》
دلف الي غرفة نومه عابس نسبيا عندما رأي زوجته وهي تقوم بطي الملابس وتضعها في الحقيبة بعدم اكتراث جلس علي الأريكة ليلاعب أبنه الذي لم يتعدي العامان

ثم تنهد بضيق وأردف بنبرة سخرية : ريتال انتي بتاخدي الهدوم دي كلها ليه .. دا هما يدوب يومين بالكتير

ردت ريتال عليه بدون اكتراث وهي تغلق تلك الحقيبة : انا خلصت أهو

نظر يزن لها فترة ليست بطويلة ثم تابع بجدية وهو ينهض : طيب يلا

أقتربت ريتال منه وحملت أبنها وهي تقول بنبرة هدوء : انا هشيل سفيان .. وانت الشنطة

حدجها بتهكم ثم قال بسخرية وهو يمسك الحقيبة : أنا الشنطة .. يلا يا ريتال .. انا شكلي هفقد شعوري عليكي النهاردة

لم تستطيع تمالك أعصابها فنفجرت في الضحك وهي تقول بتفكير : وبعدين يا يزن انت متعصب لية .. بقولك صحيح هو قُمَير وفرات هيكون ردهم ايه لما نقعد عندهم يومين

أبتسم يزن وتحدث بتلقائية وهم يتوجهون الي الصالة ثم خارج المنزل : ردهم اللي هو ايه يعني .. ريتال احنا عيشنا في بيتهم اكتر ما عيشنا في بيتنا .. وكله بسبب دماغك اللي مابتفكرش ولا بتفهم .. نفسي تتعلمي من فرات شوية دلع علي حبة كسوف

ريتال بنبرة حنق : لية وأنا مش بتكسف

يزن بسخرية وهو يغلق الباب :  انا اللي بتكسف

لوت فمها بضيق ثم نطقت بشرود : انا اللي نفسي تعمل زي أخوك قُمَير ما بيعامل فرات يعني تدلعني وتعاملني كبنتك

شرد يزن وهو يقول بأبتسامة  : انا عمري ما شوفت قُمَير بيتخانق مع فرات حتي لو زعلها بيصالحها علطول .. وهي مش بتحب تشوفه زعلان

ريتال بنبرة سخرية : أتعلم منه

رد عليها يزن بمزاح : اتعلمي منها

أقترب يزن من منزل أخيه ودلف هو وزوجته عند المدخل ولكن لاحظ بأن الباب مفتوح علي أخره

فقال بجدية ممزوج بفضول : هما فاتحين الباب لية

هدر قُمَير بعصبية : فرات ماتعصبنيش .. انتي مابتسمعيش الكلام ليه

فرات بنبرة عند : عشان انت مش عاوز تسمع كلامي

تنهد بعصبية ثم أردف بحدة من بين صرير أسنانه : شغل العيال دا انا مش فاضيله

أحتدت نبرة فرات في الحديث : انا مش عيلة انا كبيرة وفي الجامعة ومن حقك تسمعني

أمسك قُمَير بمعصمها وتكلم بغضب : خلي اخر سنة ليكي في الجامعة تعدي علي خير يا أما والله اخرجك منها وأخليكي في البيت لا تشوفي شارع ولا زفت

تكلم يزن بصدمة كبيرة :  قُمَير هو في ايه

ألتفت قُمَير وفرات الي صوت يزن فترك ذراع زوجته ونظر لأخيه بغضب
*****************
دا اقتباس صغنن هدية مني ليكي لغاية ما أخلص الأبحاث 😂😂😂 أشوفكم قريب ويارب يكون عجبكم وهتفرحوني لو عملتولي كومنتات حلوة زيكم ❤❤❤

"فاطمة الزهراء عرفات"