وعاد ضوء القمر بقلم فاطمة عرفات

الفصل التاسع

بالجامعة التي تدرس بها فرات كانت علي وشك الذهاب الي منزلها بعد أن تم إلغاء المحاضرة من الدكتور

صاحت حورية بفرحة : ايه السنة الحلوة دي اللي كلها دلع

ردت نيفين بعبوس : انتي فرحانة علي ايه .. ماهو اكيد هيعوضها

حورية بنبرة حماس وهي ممسكة فرات من كتفها : مش مشكلة بقولكم ايه رأيكم نخرج ناكل

تذكرت فرات الحديث مع ريتال أمس فتكلمت بنبرة أسف : انا مش هقدر يا بنات سوري

رمقتها حورية بضيق وهي تردف : طب وانتي يا نيفين

عبثت بحاجبيها وهي ترد بإنكار : مين؟ أنا! لأ طبعا انا لازم أذاكر

نفخت بضيق ثم نطقت علي مضض : طب يلا نمشي أنا مش ناقصة برود منيكم انتو الاتنين

قالت ذلك وهي تبتعد عنهم أبتسموا بسخرية ثم لحقوا بها وأستقلوا سيارة الأجرة مع بعض الي أن وصلت فرات إلي منزلها ودعت صديقاتها وترجلت من السيارة ثم توجهت الي منزل ريتال

بعد طرق خفيف فتحت ريتال الباب وهي تقول بدهشة : فرات .. انتي خلصتي بدري النهاردة

دلفت فرات وهي تتحدث بحماس : المحاضرة التانية اتلغت

أقتربت من الأريكة وألقت بثقلها ثم قامت بفك حجابها وتلقيه بدون أكتراث بجوارها ، أقتربت ريتال منها وجلست بجوارها

فرات بنبرة لؤم : ركزي كدة .. عشان الموضوع طووويل

أبتسمت ريتال ثم تحدثت بأنتباه : أعمل ايه بقي عشان يحس بحبي ليه

عقدت حاجبيها فرات وهي تقول بصدمة خفيفة : يا بنتي قوليلوا بحبك أدلعي عليه كدة يعني .. شكل سفيان واخد وقتك كله

ريتال بنبرة تذمر : طب وفيها ايه دا ابني وهو لسة صغير وشغل البيت بيهدني

لوت فمها بإنكار ثم نطقت بجدية : نظمي وقتك ماهو مش كل اليوم هيكون لسفيان وشغل البيت .. لازم حبة فرفشة لجوزك .. هو بيشتغل النهار كله بييجي تعبان دورك انتي بقي ايه

قاطعتها ريتال بنبرة انتباه أكبر : ايه

فرات بتلقائية وهي تنظر لها : نهار ازرق عليا .. انتي مابتعمليش حاجة ليزن .. انتي لو فضلتي علي هبلك دا قليل انه ماطلقيش وأتجوز عليكي

نفخت ريتال بضيق وأستطردت : بطلي كلامك دا يا فرات هزعل .. بكرة لما تحملي وتخلفي هتعملي نفس اللي بعمله

هزت رأسها للجانبين وهي تفرك رقبتها : لا يا ريتال مش كل اللي تخلف بطنش جوزها كان كل الرجالة طلقت ستاتها ... لازم يكون في حب بينكم

صاحت ريتال بنبرة تبرم : ومين قالك إني مش بحبه .. يزن دا حب الطفولة .. دا انا بعشقه