وعاد ضوء القمر بقلم فاطمة عرفات

الفصل الخامس

تسمر قُمَير مكانه من كلام أخيه فتابع بنبرة دهشة وهو يضع يده علي شعره : بتغير من أبنك أنت أهبل دا عيل لسة مابيعرفش ينطق الكلام كويس

أشاح يزن وجهه للجانب الأخر وهو يقول بضيق : ريتال بتهتم بسفيان أكتر من أي حد .. يا قُمَير مش بتفكر فيا ولا بتعمل حاجة غير لسفيان

نظر له قُمَير بحيرة ثم قال بتفكير : مش يمكن أنت مزعلها أو مش بتهتم بيها

حدجه بسخرية وهو يقول بصدمة : مين ؟ أنا لأ طبعا هي اللي مش بتهتم بيا

أمسكه قُمَير من ذراعه وجلس علي الدرجات التي أمام منزله وقال بجدية : أسمعني يا يزن عاوز مراتك تهتم بيك أنت كمان لازم تهتم بيها كل الستات بتحب المفاجأت واللي يدلعها

يعني مثلا تجبلها شوكولاتة شيبسي او قاعدين في أمان الله هوبا بقي علي غفلة شيلها ولف بيها هتفرح أوي

كان يزن ينظر لأخيه بصدمة فلم يكن كذلك نطق بسخرية وهو يضع كف يده علي وجنته : أنت بتشيل فرات وتلف بيها

رفع قُمَير اعينه الي السماء وحرك يديه وهو يقول بشرود : آآآ .. مرة كنا في الصالة و ...

تدارك نفسه وهو يقول بغيظ ممزوج بحدة خفيفة : ايه دا وأنت مالك هو اي حاجة تحصل بيني وبين مراتي أقولهالك .. أنا بنصحك يا أهبل عشان مش اللي رايح واللي جاي يعرف أنكم متخانقين

أبتسم يزن وقال بنبرة جدية : خلاص يا عم ماتتعصبش .. كمل بقي بعد ما أشيلها وألف بيها

هز قُمَير رأسه بنفاذ صبر ثم عض علي شفتيه وأستطرد بجدية وهو ينهض : روح صالحها

نهض يزن وقال ببرود وهو ينفض ملابسه : أصالحها ؟

نفخ قُمَير بضيق ثم قال بحنق : بنفخ في قربة مقطوعة .. أنا بقول ايه من الصبح وتاعب نفسي .. أخلص وأبقي دلع في أسمها

حرك يزن رأسه وهو يغمز له بأبتسامة : حقك يا عم تقول كدة ما أنت بتقول فرافيرو وبتدلعها أخر دلع

تهنجم وجه قُمَير وقال بحدة وهو يمسكه من ملابسه : لأ .. دا انت عاوز تتضرب

أبعده يزن وهو يقول بسخرية : أنت دمك حامي كدة ليه .. دا الكل عرف بأسم فرافيرو وانت بتهلفط بيها يوم الحادثة إياها .. فاكر

أمسكه من قبضته ويضغط علي فكه ويقول بعصبية : وانت فاكر لما قولتلك أصبر عليا لما أفوق وليك عندي علقة موت معتبرة .. شكلك هتاخدها وهتموت فيها

تكلم يزن وهو يبعده بسرعة : لأ لأ .. دا انا بهزر سيبني بقي ورحمة أبوك

تركه علي الفور وهو ينظر له بوعيد فتابع يزن بنبرة غيظ وهو يفرك فكه : براحة عليا دا أنا غلبان