قصة : { #احتواء } ♥️👌
الحلقة السابعة { ٧ } ✨
منة ب حب : بحبك ي جوز الكلبة ♥️
عبدالله : ههههههه 😆❤
( يعدي الوقت ، منة وعبدالله ف الطريق ، تقف العربية )
عبدالله ب خضة : ﻷ ليه كدة !
منة : في ايه ؟!
عبدالله : مش عارف 😕
( يحاول يشغل العربية ، مرة اتنين تلاتة مش راضية تشتغل ، ينزل عبدالله )
منة : انزل ؟
عبدالله : لا لا خليكي
منة : اوك !
( يفتح العربية من قدام يشوفها ، يلاقيها مطلعة دخان )
عبدالله : يادي النيلة 😑
( يبص حواليه المكان شبه مقطوع وضلمة مفيش اي ميكانيكي )
عبدالله : وبعديييين 🤦
( تنزل منة )
منة وهي بتقرب عليه : باظت ؟
عبدالله : باظت اه نسيت احط بكينج بودر ف فست مني 🤷🏻♂
منة : هههههههه فست 😂
عبدالله وهو بيبص حواليه : ع الحظ المنطقة مقطوعة !!
منة : طب مافيش حد تتصل بيه ؟
عبدالله : م هيعملي ايه الي اتصل بيه الميكانيكي الي اعرفه بعيد اوي عن هنا ولا ساعتين عشان يوصلي !
منة : اهااا
( يسكتوا )
عبدالله : اركبي العربية عبال م اوقف تاكسي
منة : اوك
( ترجع منة تركب العربية ، يروح عبدالله ع الطريق يشوف تاكسي مش لاقي ، يعدي الوقت ، ف بيت منة )
الام ب قلق : هي اختك اتأخرت كدة ليه ؟!
اميرة : مش عارفة !
الام : هاتيلي تليفوني اتصل بيها
اميرة : حاضر
( عند منة ، يرن الفون بتاعها )
منة : الو
الام ب حدة : انتي فين ي بت كل دة ؟!
منة : والله مروحين من بدري بس عربية عبدالله عطلت وبقاله اكتر من نص ساعة واقف ع الطريق مش لاقي مواصلات
الام : لا اله إلا الله ء طب طمنيني عليكوا من وقت للتاني 😕
منة : حاضر ماشي ، سلام
( تقفل منة ، كل شوية يعدي حد من جنب العربية ويبصلها ، تبدأ تتوتر ، تنزل م العربية ، تقرب ع عبدالله )
منة : لسة مفيش ؟
عبدالله وهو باصص للطريق : ﻷ الي بييجي مليان
منة : اممم ، ماما اتصلت عشان اتأخرنا
عبدالله : طب قلتلها العربية عطلت ؟
منة : ايوة اه متقلقش ، م تقفل العربية وتيجي نتمشى قدام شوية يمكن نلاقي مواصلات
عبدالله ب قلة حيلة : شكلي هعمل كدة 😕
( يروح عبدالله يقفل العربية ويمسك الفون )
عبدالله : الو ، ايه ي اسامة ، الحمدلله ، بقولك عربيتي ف طريق *** عطلانة ابعت ونش يوديها ل اي ميكانيكي ، طب تمام ، ماشي ، اوك سلام
( يقفل ويتمشوا ، كل الي يعدي من جنبهم يبص ل منة ، يلاحظ عبدالله )
عبدالله : فكي ام الچاكيت الي ربطاه ع وسطك دة والبسيه
منة : حاضر 😐
( تقف منة تفك الچاكيت وتلبسه ، يقفلهولها عبدالله للأخر ويكملوا مشي ، يعدوا ع منطقة شكلها شعبية جداً من قدام قهوة ، شابين واقفين ، يعدي من جنبهم منة وعبدالله ، شاب منهم يمسك فستان منة تتخض بس عبدالله ميشفهوش وهي متتكلمش ، يلاحظ عبدالله الخضة ع وشها )
عبدالله وهو بيقف : مالك ؟!
منة ب خضة : ماليش 😦
عبدالله ب استغراب : اومال مال وشك عامل كدة ليه ؟!
منة : مافيش حاجة !
( يبص عبدالله ع الشاب يلاقيه بيبص عليهم وبعدين يبص ل صحابه ويضحك )
عبدالله وهو باصص للشاب : عملك حاجة وانتي معدية الولا دة ؟!
منة ب توتر : مين ﻷ !
عبدالله وهو بيبص ل منة : متكدبيش ، عملك ايه ؟
منة : معملش حاجة ي عبدالله يلا بينا اتأخرنا
( يبص عبدالله ل الشاب )
الشاب : عاجبك انا هتفضل تبصلي كتير 😏
( تتخض منة ، لسة عبدالله هيروحلهم تمسكه منة من دراعه )
منة : عبدالله والنبي خلينا نمشي 😧
( يبص للقهوة عليها ناس ولو حصل مشكلة هي هتتمرمت وناس م بتصدق ، يمشي معاها )
الشاب : بالسلامة ✋
الشاب ١ : طب م تسيب الوتكة دي 😉
الكل : هههههه 😆
( يسمعه عبدالله ، يشيل ايده من منة )
عبدالله ب غضب : اقفي ع جنب 😡
منة ب خضة : ي عبدالله 😯
( يشدها يوقفها ع الرصيف ويروح يقرب ع الشباب )
منة ب خوف : احيه 😱
الشاب : ايه ي برنس بتشاور عقلك تتخانق ولا ﻷ 🤷🏻♂️
شاب ٢ : لا شكل المزة مش غالية عليه 😏
الشباب : بس تغلى علينا اوي جامدة صراحة ي بختك 😉
( عبدالله يديله ب الدماغ يوقعه ف الأرض ويدي التاني شلوت ينزله جنبه ، تتخض منة ، يطلع عبدالله مسدسه ، يقوموا الناس الي ع القهوة مخضوضين )
عبدالله وهو بينزل ل مستواهم : اسمك ايه يلا ؟
الشاب ب ارتباك : اااااا ....... 😨
عبدالله ب زعيق : انطق ي روح امك 😡
الشاب : علي علي 😦
عبدالله : وانت ي حيلتها ؟
شاب ٢ : مصطفى غريب 😰
( يبص عبدالله ل القهوجي )
عبدالله وهو بيبص للقهوجي : المنطقة والقهوة دي اسمهم ايه ؟
القهوجي : **** و قهوة *****
( يقف عبدالله ويمسك الفون )
عبدالله : الو ، ايه ي اسامة ، لا بقولك ابعتلي بوكس ف **** عند قهوة **** من اقرب قسم حالاً ، لا لما تيجي ، اوك مستنيك ، سلام
( يقفل عبدالله )
صاحب القهوة : كرسي للباشا يلا
عبدالله : خليهم اتنين ✌
( يشاور ل منة تقرب عليه )
صاحب القهوة : كرسيين يلا وحاجة ساقعة للهانم
( يجيبوا كرسيين يقعدوا والشابين ف الأرض قصادهم )
صاحب القهوة : منورنا ي باشا
عبدالله : تسلم
الشاب ب خوف : ي باشا انا اسف ي باشا والنبي خليني اروح 😧
عبدالله : لا م انت هتروح وهتضايف وهيتعمل معاك احلى واجب دة انت ف ارض الحكومة
الشاب : ي باشا بالله عليك 😦
عبدالله ب زعيق : اكتم يلاااا 😠
( يسكتوا )
منة ب همس وضحك مكتوم : اول مرة اشوفك وانت بتشتغل شكلك قمر 🤭
عبدالله : انتي فرحانة ليه كدة !
منة : فرحانة ايه دة انا كنت هعملها ع روحي من شوية 🤦🏻♀️
عبدالله : هههههه 😄
( يعدي الوقت ويوصل البوكس ياخد الشابين وتوصل عربية ، يقف عبدالله ع جنب مع اسامة ، يخلص ويقرب ع منة )
عبدالله : يلا
منة : هنروح ؟
عبدالله : اومال هنبات هنا دي امك هتنفخنا يلا 🤷🏻♂️
منة : ههههه اوك 😄
( تروح منة وعبدالله يركبوا العربية والسواق يسوق ويمشوا ، يوصلوا قدام بيت منة ، ينزلوا )
عبدالله : استناني دقتين ✌
السواق : امرك ي باشا
( يدخلوا العمارة )
منة : يستناك ليه ؟!
عبدالله : لازم اروح القسم عشان هيحولوا الشابين ع هناك
منة : هترجع كل دة تاني !!
عبدالله : اه لازم
منة : اوك
( يقفوا عند الشقة )
عبدالله وهو بيمسك ايدها : استني قبل م تخبطي 👋
منة ب انتباه : ايه ؟!
عبدالله : مقلتليش برضوا الولا دة عملك ايه ؟
منة ب خضة : معملش ي عبدالله معملش حاجة 🤷
عبدالله : اومال وشك قلب الوان ليه لما عديتي من جنبه ؟!
منة : اتخضيت من شكله بس 😒
عبدالله ب عدم اقتناع : مفيش حاجة ف شكله تخض بلاش لف ودوران !
منة : ي بابا مش انت خلاص وديته القسم وهيحاسبوه هناك هتفرق ايه بقا عمل ايه !
عبدالله : يبقا عمل
( تسكت منة )
عبدالله : مش هقعد اتحايل عليكي كتير عشان تقولي ي منة ، خلصي
منة : حط ايده ع فستاني بس 😐
عبدالله : بس !!
منة : اه
( يرن عبدالله الجرس ، تفتح اميرة )
عبدالله : خشي
منة ب قلق : عبدالله 😕
عبدالله : يلا
أنت تقرأ
قصة : ( احتواء ) ل سهيلة سعيد المنجي ( كاملة ، متعدلة )
Romance_ هو ممكن يكون قاسي شوية ، بس محبش حد قدك ، وعمر حنيته م ظهرت ولا هتظهر غير معاكي ، طبعه وحش ، غيور ب ذيادة ، عصبي طول اليوم ، بس ف اخره بيعرف يحتويكي .
