قصة : { #احتواء } ♥👌
الحلقة الخامسة { ٥ } ✨
علا : لا اصبري عشان قال وراه شغل وممكن ينفجر فيكي حالياً
فرحة : دة مش ممكن دة اكيد
منة ب قلق : لا هتصل 😐
( تمسك فونها ترن عليه ، يكنسل عليها ، تترعب اكتر ، ف بيت بسملة ، قاعدة ع الكنبة بتعيط وماسكة الفون بتتكلم فيه )
بسملة ب عياط : عشان بحبه بيعمل معايا كدة 😣
الام : وازاي يمد ايده عليكي وانتي حامل ، ايه الي مسكتك كل دة وانتي عارفة إنه بيخونك مقلتيش ليه ؟!
بسملة : قلتله
الام ب انفعال : مقلتليش انا ليييه 😠
بسملة : خايفة منه انتي عارفة منصور عصبي لو اشتكتلك هيبهدلني 💔
الام : دة ايه العيلة الزفت الي وقعنا فيها دي ي ربي ، ع الأقل عبدالله ب كلمة مني بعرف الينه اما دة نيلة ، انتي تلمي هدومك وتجيبي ابنك وتيجي ☝
بسملة ب خضة : لا مقدرش اعمل كدة 😧
الام : خلاص انا هكلمه
بسملة ب خوف : اوعي ي ماما دة يموتني فيها 😨
الام ب زعيق : اومال متصلة بيا تحرقي ف دمي وخلاص دة ايه النيلة السودة دي 😡
بسملة ودموعها بتنزل : بفضفض معاكي انا غلطانة 😔
الام : طب تعالي اقعدي معانا النهاردة قوليله هبات عند امي كام يوم كدة اغير جو 😑
بسملة : طيب حاضر
( ف البيت ، واقفة اميرة ف المطبخ بتعمل الأكل ، تدخل منة )
منة : بت
اميرة ب خضة : عاااااا 😨 الله يحرقك خضتيني 😑
منة : ههههه معلش 😂 ماما جت ؟
اميرة : لا ف السكة
منة : طيب تعالي جمبي دقتين بس اكلم عبدالله
اميرة ب فهم : عملتي مصيبة ايه 😊
منة : خليت سهر تكلمه ع إنها معجبة وكدة 😬
اميرة : وطبعاً عرف إنه مقلب 🤷
منة : اها عرف 😅
اميرة ب زعيق : انتي متخلفة ي بت انتي مش عملتيها قبل كدة وقفشك برضوا وقعد اسبوعين ميكلمكيش 😠
منة ب ندم : متوقعتش إنه يعرف المرة دي ابداً 🤦🏻♀️
اميرة : واهو عرف يختي
منة : طيب اعمل ايه بقا خلاص 😕
اميرة : ام غبائك دة هيوديكي ف داهية وربنا 🙄
( تكمل اميرة الأكل ، تروح منة اوضتها تمسك الفون تتصل ب عبدالله مبيردش )
منة ب تنهيدة : ولا هيرد لو اتصلت من هنا ل بكرااااا 😑
( ف بيت بسملة ، قاعدة بتتغدى هي ومنصور )
بسملة : منصور
منصور : امممم ؟
بسملة : كنت عاوزة اروح اقعد عند ماما كام يوم كدة 😒
منصور ب استغراب : اشمعنا ؟
بسملة : عادي يعني ، زهقانة شوية قلت اغير جو بس
منصور : طيب هبقا اوديكي بكرة بالليل عشان مش فاضي انهاردة
بسملة : م اروح انا مش مهم
منصور : لا متنزليش لوحدك عشان بطنك ومتتعبيش وانتي شايلة الولا
بسملة : طيب 😒
( يرن الفون بتاعه ، ياخده ويقوم يدخل اوضته ويقفل عليه ، تبصله بسملة ب غيظ وتشوط المعلقة ، ييجي الليل ، منة ف اوضتها ، تدخل اميرة )
اميرة : قاعدة كدة ليه ، يبقا لسة مردش
منة : لسة 😔
اميرة وهي بتقعد جمبها : يعني حبك تتغابي دلوقتي دة بكرة عيد الحب !
منة : الوش وش وردة والبخت بخت قردة يماااا 😭
اميرة ب ضحك : تستاهلي هههههه 😂
منة : كلميه 😃
اميرة : اكلم مين ؟!
منة : هيكون مين يعني برعي 🤷🏻♀️
اميرة : انتي تعملي المصيبة من هنا وكلميه ي ماما كلميه ي اميرة دة الي انتي فالحة فيه 🤷
منة : خلصي بقا هتكلميه ولا ﻷ ؟
اميرة ب تنهيدة : طيب 😑
( تمسك الفون تتصل )
منة : بيرن ؟
اميرة : اه
منة : مبيردش ؟
اميرة : لسة
منة : مردش ؟
اميرة : ﻷ
منة : محدش بيرد ؟
اميرة ب زعيق : لااااااء 😡
منة : جربي تاني مش معقول مش هيرد عليكي 😧
اميرة : الساعة تلاتة الفجر ي بنتي زمانه نايم
منة : لا تلاقيه لسة واصل من شوية وبعدين هو مبينامش غير لما يكلمني ي اميرة م انتي عارفة اكيد صاحي ، رني تاني 😟
اميرة : م انتوا متخانقين هينام براحته 🤷
منة : جربي بس
اميرة : حاضر
( تتصل تاني ، ف بيت عبدالله ، عبدالله ف اوضته نايم ع وشه والفون عمال يرن ، يفتح عينه ، يمسك الفون )
عبدالله ب صوت كله نوم : الو 😞
اميرة : الو
عبدالله ب عدم تركيز : ايوة مين ؟
اميرة : انا اميرة ي بني 🤷🏻♀️
عبدالله وهو بيبص للفون : اه ي اميرة ايه ؟!
اميرة : انت نايم ولا ايه ؟
عبدالله : اه
اميرة : طب معلش روح كمل نوم
عبدالله : في حاجة ولا ايه ؟!
اميرة : لا مافيش بس منة كانت عاوزة تكلمك
عبدالله : اه 😒
اميرة : تكلمها ولا هتنام ؟
( يسكت عبدالله )
اميرة : عبدالله !!
عبدالله وهو بيقوم يقعد : هاتيها 😑
اميرة : معاك اهي 🤳🏻
( تفرح منة ، تديها الفون اميرة وتمشي )
منة : الو
عبدالله : ايوة
منة : عامل ايه ؟
عبدالله : كويس 😒
منة : مبتردش عليا ليه ، رنيت عليك كتير 😐
عبدالله : ...........
منة : الحوار دة انا كنت بهزر والله ، عادي يعني 😕
عبدالله : إنك تتفقي عليا انتي وصحابك كأني عيل سيس مصحباه شهرين وبتختبريه دة هزار ؟!
منة : مكنتش اعرف والله إنك هتضايق كدة 😟
عبدالله : لا انتي مكنتيش تعرفي إن انا هعرف اصلاً إنه مقلب !
( تسكت منة )
عبدالله : يولع بقا شغال يولع موده حلو خرة ف داهية انا فاضية واتسلى واسلي صحابي !
( تنزل دموع منة )
عبدالله : وعوزاني بعدها اتكلم عادي وارد عليكي عادي كأن محصلش حاجة طبعاً ، وعملتيها قبل كدة وفهمتك إن الموضوع دة بيضايقني لإنه بيحسسني إنك مش واثقة فيا ، وبرضوا كررتيها تاني ، مفكرتيش ف زعلي حتى ؟!
منة ودموعها بتنزل : ي بابا والله واثقة فيك 😔
عبدالله : لا واضح ، روحي نامي ي منة روحي
منة : متزعلش مني والنبي انا اسفة 😥
( ميردش )
منة : اعمل فيا الي انت عاوزه لو كررتها ء بس مش هتتكرر والله ، ماشي ي عبدالله 😟
عبدالله : سلام
منة : ي عبدالله استنى
عبدالله : قلت سلام تليفوني هيفصل
( تضايق منة وتجيب اخرها )
منة ب صريخ وهي بتحدف الفون ف الأرض : براحتاااااك 😡
( يتخض عبدالله وتدخل اميرة ع صوت الصريخ )
اميرة ب خضة : في ايه ؟!
( لسة اميرة هتقرب ع الفون )
منة ب صريخ : سيبيه خلاااص خلاااااص ✋
اميرة وهي بتقرب عليها : طب بس اهدي طيب 😦
( تاخدها ف حضنها )
منة ب عياط : هو بيزلني عشان بحبه ، عشان عارف إني مقدرش اعيش من غيره ، ليه ف كل غلطة يعاقبني ب بعده عني ، عشان عارف إنه نقطة ضعفي ، عشان عارف إن بعده بيكسرني ، بس غصب عني برجع اغلط تاني ، انا بني ادمة ي اميرة ، بني ادمة غبية ، بس بني ادمة 😣
اميرة ب حزن : عارفة والله 😟
منة ب قهرة : انا حاسة إني بجد يتيمة 💔
( عبدالله سامع كل دة )
منة : حاسة إني ماليش حد ، دة انا محستش الأحساس دة لما بابا مات ، بس بحسه ف كل مرة يبعد فيها عني ، انا ليه بحبه كدة ، ليه بجد ، ليه ربنا خالقه كأنه هو قلبي ، كأنه لو بعد بجد انا هموت ، هموت ، انا هموت والله ، قلبي واجعني اوي ، هو ليه مش بيحبني اد م انا بحبه ، دة انا بعشقه ، كان واعدني إن عمر مهما كنت غبية ومتخلفة مش هيبعد عني ، وبيبعد 😔💔
أنت تقرأ
قصة : ( احتواء ) ل سهيلة سعيد المنجي ( كاملة ، متعدلة )
Romansa_ هو ممكن يكون قاسي شوية ، بس محبش حد قدك ، وعمر حنيته م ظهرت ولا هتظهر غير معاكي ، طبعه وحش ، غيور ب ذيادة ، عصبي طول اليوم ، بس ف اخره بيعرف يحتويكي .
