قصة : ( احتواء ) ل سهيلة سعيد المنجي ( كاملة ، متعدلة )

الحلقة ١٧ والأخيرة

قصة : { #احتواء } ♥👌

الحلقة السابعة عشر والأخيرة { ١٧ } ✨

منة : لا مش كدة قولي انا اسف ي منة ي حبيبتي إني وقعتك من ع السرير ومش هكررها تاني ⁦☝️⁩
عبدالله ب نفاذ صبر : ي مصبرني 😑
منة : يلااااا
عبدالله : انا اسف ي منة ي حبيبتي إني وقعتك من ع السرير
منة : ومش هكررها تاني ؟
عبدالله : ومش هكررها تاني 🙄
منة : اوك اتقبلت 😊
عبدالله : افتحي بقا الزفت ع دماغك
منة ب تهديد : ها هترجع تشتم مش فاتحة ⁦☝️⁩
عبدالله : لو سمحتي يعني 🤦
منة : ايوة كدة 😌
( تروح منة تفتح الماية وتحضر الفطار ، يطلع عبدالله م التويليت يلبس البرنص ، يدخل المطبخ )
عبدالله : بقا بتزليني وتخليني اتأسفلك 😐
منة ب توتر : ههههه دة انا بهزر معاك ي قلبي 😅
عبدالله ب غيظ : قلبك ها ، دة انتي يومك ابيض 😡
( يجري وراها )
منة وهي بتجري ع برة : هييييي لا لا وحيات يوسف وحيات يوسف انا اسفة 😱
( يمسكها يشيلها ويحدفها ع الكنبة ويكتفها ب ايده )
عبدالله : قولي حرمت واسفة
منة ب خوف : حرمت حرمت واسفة 😧
عبدالله : لا مش كدة قولي ي عبدالله ي حبيبي حرمت واسفة إني قفلت عليك الماية
منة ب فهم : بتردهالي يعني 🙄
عبدالله : طبعاً يلا قولي 😊
منة : ي عبدالله ي حبيبي حرمت واسفة إني قفلت عليك الماية سيبني اقوم بقا
عبدالله : بس انا مش متقبل اسفك بقا 😏
منة ب خضة : نعم 😳
( يشيلها ويدخل بيها التويليت تلاقيه مالي البانيو ماية )
منة ب خضة : لا لا عبدالله الجو ساقعة والنبي 😯
( يحدفها ف البانيو )
منة ب صريخ : حرام عليك بقاااااا 😨
عبدالله ب ضحك : اي خدمة 😂
( يمشي عبدالله ، يلبس بنطلون بس ويطلع يفطر ، تطلع منة م التويليت وهي لابسة البرنص وتقعد ع السفرة بتترعش ووشها وشفايفها لونهم ازرق )
عبدالله ب ضحك : ازرقيتي كدة ليه ههههه 😂
منة وهي بتترعش : متتكلمش معايا ✋
( يقوم يقرب عليها )
عبدالله وهو بيحضنها : ي قلبي لا متزعليش انا اسف 😙 هدفيكي هدفيكي
منة : لا زعلانة لأ 🥺
عبدالله وهو بيقعد : خلاص اتفلقي 🤷🏻‍♂
منة : ي رخمممم 😑
عبدالله وهو بيبوس ايدها : لا خلاص متزعليش مني ⁦❤⁩
منة ب حب : مبزعلش منك م انت عارف 🙂♥
( تقوم منة )
عبدالله وهو بيبصلها : رايحة فين ؟
منة : هلبس هدومي 🤷
عبدالله : اوك
( تدخل منة اوضتها ، يخبط الباب ، يقوم عبدالله يفتح )
سالم ب ابتسامة : ازيك ي باشا 🙂
( يلاقي سالم واتنين معاه ، يتخض عبدالله ويعرف إنه هرب )
سالم وهو بيغمزله : مفاجأة مش كدة 😉
عبدالله ب حدة : ايه الي جابك هنا وعرفت بيتي منين يلا ؟!
سالم : سهل اعرف بيتك ، بس معلش بقا زيارة متأخرة مش عارف اباركلك ع الجواز ولا ع المولود ، معلش بس كنت بحاول اهرب 😄
( سالم يديله بوكس وينزله التلاتة فيه ضرب ب عصيان ، منة ف الأوضة سامعة صوت كركبة بس مش عارفة تخرج عشان بتغير هدومها ، يوقفوا ضرب فيه )
سالم : ع فكرة ؤ حسابي مش معاك انت لوحدك ، مع المدام كمان ⁦☝⁩
( يتخض عبدالله مش قادر يتحرك ووشه بينزف )
عبدالله ب زعيق : ي بن ال **** ملكش دعوة بيهااااا 😡
سالم : طب ليه الشتيمة انت كدة بتذود عقابها اكتر ، متفتكرش إن الي انت عملته فيا هيتعدى بالساهل ، فاكر الي انا عملته ف مروة ؟
( يتخض عبدالله )
سالم : ايه رأيك نعيد المشهد تاني مع المدام 😉
( تفتح منة الباب تشوفهم وتشوف عبدالله ف الأرض ووشه سايح دم تتخض وتجري ع برة )
منة ب صريخ وهي بتجري عليهم : عبدالاااااااااه 😨
( يمسكها شاب م الي واقفين )
عبدالله ب رجاء : ابوس ايدك ملكش دعوة بيها هي متستاهلش كدة ملهاش زنب 😟
سالم : ولا انا كنت استاهل الي حصل فيا دة 💁🏻‍♂
عبدالله : انت اغتصبت بنت وكان لازم تتحاسب سواء مني او من غيري ولو مش انا كان ظابط تاني هيتصرف معاك برضوا انا مكنتش اعرفك عشان استقصدك 😕
سالم : وهو الحظ إنه انت مش ظابط تاني ، وانت فعلاً لو تعرفني مكنتش عملت كدة ي باشا 🙂
عبدالله : طب انا هعملك الي انت عاوزه بس ملكش دعوة بيها ✋
سالم وهو بيبص ل منة : والله كان ممكن من شوية ، بس دلوقتي انا عاوزها اكتر م الأول انت عارف بقا السجن والحبسة 🙂
عبدالله ب خضة وانفعال : مش هتمس منها شعرااااا 😠
سالم وهو بيوطي يقرب ع عبدالله : واحد غيرك يتكلم انت قادر تقوم من مكانك اصلاً 😏
( عبدالله يديله ب الدماغ ، يتخض سالم ويقف بسرعة وب كل غيظ يشوط دماغ عبدالله ب رجله )
منة ب صريخ : لاااا حرام عليييك 😦
( تنزف مناخير عبدالله ويفقد الوعي ف ساعتها )
منة ب عياط : عبدالله 😣
سالم وهو بيقرب ع منة : ايه الحلاوة دي يخربيتك ، منك لله ي عبدالله ع السنين الي ضيعتها مني 😐
( يمسك دماغها تحت ايده يكتفها ويدخل بيها جوة والباقي وراه )
منة ب صريخ : عبدالاااااااااا 😣
( يزقها ع جوة )
سالم : مش هيرد عليكي دة بياكل رز مع الملايكة دلوقتي 💁🏻‍♂️
( منة تبعد وهو يقرب )
منة وهي بتبصلهم ب خوف : عاوزين مننا ايه حرام عليكوا 😧
( يقرب اكتر )
منة ب عياط : ابعد عني 😰
( يمسكها من شعرها )
منة ب وجع : اااه !!
( بعد دقايق ، عبدالله بيحاول يفوق دماغه تقيلة جداً م الخبطة وعمالة تنزف ، يسند ع الأرض ، المسدس بتاعه ع الترابيزة ، عاوز يوصله ب اي طريقة ، يتسند ويقوم ويدوخ ويقع تاني ويقوم تاني ، يمسك المسدس ، ماشي مش شايف اصلاً عمال يقفل ف عينه جامد عشان يشوف كويس ، يتسند ع الحيط ويدخل الأوضة ، يلاقي منة ع السرير متقطع هدومها ومتبهدلة ومضروبة ب سكينة بطنها مفتوحة وبتنزف ، يتخض عبدالله م المنظر ويضرب كل الي ف الأوضة بالنار ، منة غرقانة ف دمها وبتاخد نفسها بالعافية ودموعها عمالة تنزل ، يسيب عبدالله المسدس ويجري عليها )
عبدالله ب خضة وخوف وهو بيحضنها : لا يارب لا والنبي لا 😧
( تنزل دموعه )
منة ب وجع : اااه 😣
عبدالله وهو بيطبطب عليها : هتبقي كويسة ، هتبقي كويسة متخافيش
( ابنه بيعيط ف الأوضة التانية )
عبدالله ب عياط وهو بيسيبها : جايلك جايلك تاني اوك جايلك
( يجري ع الأوضة الي فيها ابنه يشيله ويجري بيه يفتح باب الشقة ويخبط ع الجيران ، تفتح ست ، تتخض من منظره الي منهار ومليان دم )
الست ب خضة : في ايه ي عبدالله ؟!
عبدالله وهو بيديها الولد : خليه معاكي
الست وهي بتاخده : حاضر 😟
عبدالله ب خوف : خلي بالك منه ابوس ايدك 😧
الست : طيب في ايه ؟!
( يجري ع جوة يدخل ل منة ، يشيلها وينزل بيها غرقانة ف دمها ، يحطها ف العربية ويسوق ب اسرع ما عنده ، يوصل المستشفى ، ينزل م العربية ويشيلها ويدخل )
عبدالله وهو داخل بيها : حد يلحقني الحقوني والنبي 😦
( يجروا عليه الدكاترة ياخدوها ع العمليات ع طول ، بعد شوية ، يوصل اسامة وموسى وظباط تانيين ، يعد الوقت ، يطلع الدكتور )
عبدالله ب لهفة : طمني والنبي ؟
الدكتور : مش عارف اقولك ايه صراحة 😐
( يتخض عبدالله )
الدكتور : حالتها خطيرة جداً لإنها كانت حامل واجهضت كمان !
( يتخض عبدالله اكتر )
الدكتور : حطناها ف العناية وربنا يستر ومتدخلش ف غيبوبة والحالة تستقر ، عن اذنك
( يمشي الدكتور ، يقرب عليه اسامة )
اسامة : احنا هنروح نتابع م الشقة عشان الدنيا مقلوبة هناك بسبب الي اتقتله ، هبقا اطمن عليك ، انا مرضتش اقول ل اميرة عشان مخضهاش 😟
( يشاورله ب اه ، يمشي اسامة ، منة ف العناية ، يدخلها عبدالله ، يقرب يقعد ع ركبته ف الأرض جنبها ويمسك ايدها يبوسها وتنزل دموعه )
عبدالله ب عياط : انا عارف إني السبب ، انا اسف والله ، بس انا حكيتلك كل حاجة وقلتي إن الي انا عملته دة الصح عشان دة شغلي ودة شرف بنت وكان لازم حقها يرجع ، بس دة كان اكبر غلط ف حياتي ، طول عمري بحمي الناس وادافع عنهم ، بس إلا دي ، مكانش ينفع ادافع فيها ، انا اسف ، حقك عليا بس والنبي م تسيبيني ، دة انا ماليش غيرك ي منة ، دة انتي عمري كله ، انتي النفس الي طالع مني متسيبنيش 💔
( تنزل دموعه اكتر )
عبدالله ب عياط : ابننا طيب محتاجلك ، انا محتاجلك ، مش هعرف اكملها لوحدي ، مش هعرف اعيش ف دنيا انتي مش فيها ، مش هعرف اعيش من غيرك ، متسيبنيش والنبي ، يارب احفظهالي يارب ، خليها جنبي والنبي يارب ، انا ماليش غيرها ، يارب هي متعزش عليك بس انا من غيرها اموت ، والله اموت 💔
( يدخلوا الدكاترة والممرضات )
الممرضة : اخرج لو سمحت
( يطلعوا عبدالله برة الأوضة ، تعدي الأيام والسنين ومنة لسة ف المستشفى ف غيبوبة )

*( بعد ٣ سنين )*

( عبدالله قاعد ع الشط ، باصص ل البحر وسرحان ............... )

*( ايه الي مشاكي م هنا ، طب انا اسفة طيب ، يعني هي هتقصد تزعلك برضوا دي بتحبك وانت عارف ، وانا بعشق امها ف متجيش عليا عشان عارفة نقطة ضعفي ، وربي م هسيبك انزلي ، لأ ، البت دي غلبانة ولو لفيت الدنيا الدنيا كلها مش هتلاقي ضوفرها ، اوقات بحس إنها بنتي مش خطيبتي ، لو صاحبك شايف نفسه عليك ، اديله ب ايديك ع وشه ، ي بابا والله واثقة فيك ، اعتبرني بنتك وغلطت ، صباح الفل ع اجمل بنوتة شافتها عيني ، إنكي لي ، شأتي ام أبيتي ، لا احد يخطتف شيئا ملكه ، انا جعان ، هههههه ، بس ايه رأيك ، انفع غطاس ، رخممم ، نورتي بيتك ي قلبي ، ايه دة اتحجبتي ، لا دة عشان نصلي ركعتين كدة ، بقا بتزليني وتخليني اتأسفلك ، ههههه دة انا بهزر معاك ي قلبي ، مبزعلش منك م انت عارف .. 🙂⁦♥️⁩ )

( يبتسم عبدالله وتنزل دمعة منه ، يمسحها ، يجري عليه ابنه )
يوسف ب مرح وهو بيحضن عبدالله : العب معاياااااااااااااا 😁
( يقوم عبدالله يلعب معاه ويجري وراه ويشيله ويحدفه ل فوق وهو مبسوط )
منة : وانا ماليش نصيب ف اللعب دة ؟
( يتخض عبدالله ويبص ل مصدر الصوت يشوف منة واميرة مسنداها ، يجري عليها بسرعة رهيبة بيصرخ ب اسمها من فرحته إنها فاقت وطلعت ، بيصرخ ب معنى كل حرف م الكلمة وبيعيط ، يحضنها ويشيلها ويلف بيها ويفضل ف حضنها بيعيطوا )

*( هو ممكن يكون قاسي شوية ، بس مبيحبش حد قدك ، وعمر حنيته م ظهرت ولا هتظهر غير معاكي ، طبعه وحش ، غيور ب ذيادة ، عصبي طول اليوم ، بس ف اخره ، بيعرف يحتويكي ... ♥👌 )*

*( النهاية )*

( متنسوش اللايك ورأيكم ف القصة .. 💛✨ )

#قصة_احتواء_ل_سهيلة_سعيد

#sohila_sa3ed