قصة : { #احتواء } ♥👌
الحلقة الحادية عشر { ١١ } ✨
منة : هو دة الي هامك إن حد مسلطها ومش هامك نفسيتها الي انت متدمره ليل نهار بسببك 🤷
منصور ب انفعال : وانتي مالك ايه الي حشرك بينا ؟!
منة : دي اختي وانا مش هقبل إنها تتهان ☝
منصور ب نفاذ صبر : اللهم طولك ي رووووح ، خلي اختك تروح احسنلها ي منة واحسنلك
منة : انت بتهددنا احنا هنخاف منك ولا ايه اختي مش هتتحرك من هنا
منصور ب زعيق : طب ورحمة ابويا لو مروحتش دلوقتي ل اجي اجيبها من شعرها فاهمة 😡
منة : مش هتروح ي منصور
منصور : طب ماشي ي منة
( يقفل منصور ، عبدالله ف الشغل ، يرن الفون بتاعه )
عبدالله : الو
منصور ب زعيق : وربي وما اعبد ل اروح اطلع روح خطيبتك دلوقتي عشان تبقا تتحشر ف الي ملهاش فيه تاني 😡
عبدالله ب خضة : في ايه ؟!
منصور : انا بقولك اهو عشان لما ترجع تلاقيها ف المستشفى متزعلش ي عبدالله 😡
( يقفل منصور ، عبدالله يتصل ب منة ، مرة اتنين محدش بيرد ، يقوم عبدالله ياخد حاجاته ويطلع من مكتبه ، يشوفه اسامة )
اسامة ب استغراب : رايح فين ؟!
عبدالله : لازم اروح دلوقتي
اسامة : تروح ايه ي بني في زيارة مينفعش طبعاً !!
عبدالله : في حوار ف البيت لازم امشي اتصرفلي ي اسامة 🤷🏻♂️
اسامة ب فهم : طيب طيب هتصرف ✋
( يمشي عبدالله ، ف بيت منة ، بسملة قاعدة مع منة ، تقرب عليهم اميرة )
اميرة : انا رايحة اجيب حاجات عاوزين حاجة ؟
منة : لا سلامتك
( تمشي اميرة )
منة : كان ع اخره
بسملة ب خوف : بجد !!
منة : اه مصمم إنك ترجعي بس مش بسهولة كدة 🤷
بسملة : ربنا يستر
منة : متخافيش خير إن شاء الله
بسملة ب قلق : افرضي جه طيب 😟
منة : هييجي يزعقله زعقتين وخلاص وبرضوا متروحيش معاه دلوقتي ☝
بسملة : ماشي 😔
( يرن فون منة ، تمسكه )
منة : الو
عبدالله ب زعيق : مبترديش ع امي ليييه 😠
منة ب خضة : مسمعتش الموبايل في ايه ؟!
عبدالله : عملتي ايه ل منصور ؟
منة : معملتلوش حاجة 😒
عبدالله : اومال متصل بيا يجعر ليه وبيقول رايحلك اتحشرتي ف ايه يخصه ؟
منة : ولا حاجة كل دة عشان كان مزعل بسملة ف قلتله إنها مش هتروح معاه دلوقتي قام متعصب عليا ومزعقلي ف الموبايل
عبدالله : طب ي هانم انا ف السكة جاي
منة ب استغراب : انت مش وراك شغل ؟!
عبدالله ب عصبية : سيبت ام الشغل وجاي اقفلي بقا 😡
( يقفل عبدالله )
بسملة : في ايه ؟!
منة : منصور اشتكى ل عبدالله 😐
بسملة : وبعدين ؟
منة : بيقول إنه جاي
بسملة : مين فيهم ؟
منة : الأتنين يختي ✌
بسملة ب خضة : ينهار ابيض 🤦🏻♀
( عبدالله بيتكلم ف الفون )
عبدالله : ايوة يما
ام منة : ايه ي حبيبي عامل ايه ؟
عبدالله : الحمدلله معلش يما استأذني م الشغل ساعة بس تروحي البيت ضروري
ام منة ب قلق : خير ي عبدالله في ايه ؟!
عبدالله : منصور شد مع بسملة ومنه ف التليفون ورايح عندكوا دلوقتي ولو وصل هناك هيعمل معاهم مشكلة
ام منة ب خضة : يلهوي هو انا ناقصة 😱
عبدالله : معلش انتي بس اقربلهم مش هتاخدي عشر دقايق للبيت وانا ف السكة اهو
ام منة : جاية ي بني جاية 😑
( يعدي الوقت ، عند منة ، يخبط الباب ، يتخضوا )
بسملة : دة هما ؟
منة : معرفش
( تفتح منة ، تدخل مامتهم )
منة ب استغراب : ايه الي جابك بدري كدة ؟!
الام : عبدالله اتصل بيا هببتوا ايه مع منصور ؟
( يحكولها ، يخبط الباب ، تفتح بسملة يمسك دراعها منصور يزقها ع جوة )
منصور ب زعيق : بتعاندي امي ي بسملة 😡
بسملة ب وجع : ااااه 😨
( تجري منة تحوشه )
منة : سيبهاااا 😯
( تشده من دراعه يزق بسملة ع الكنبة ويزق منة )
منصور ب انفعال وهو بيقرب ع منة : وحضرتك عملالي فيها المحامية بتاعتها مش كداااا 😡
منة ب زعيق : انت ازاي بجح كدة بعد الي انت عامله معاها ليك عين تتكلم كمان 😠
منصور ب زعيق : وانتي مال اهلك انتي 😡
منة : ايوة مااالي 😠
الام : بااااس اسكتوا وانت ي منصور يصح الي بتعمله دة !
منصور : محدش ليه دعوة قومي هاتي ابنك
( متقومش بسملة )
منة : انت الي مع السلامة محدش جاي معاك اتفضل 👋
منصور : يعني دة اخر كلام عندكوا ؟
( ميردوش )
منصور ل بسملة : ل اخر مرة قومي هاتي ابنك انا حايش نفسي عنك بالعافية عشان الي ف بطنك قومي وخلي اليوم دة يعدي ع خير ☝
بسملة ب خوف : مش قايمة ي منصور ومش جاية معاك ، انا عاوزة اطلق 😐
منصور ب استغراب : تطلقي !!
منة : ارحملها م العيشة مع واحد شبهك 😡
منصور : طب ماشي ، إذا مكنتيش انتي عاوزة تيجي انا هاخد ابني 💁🏻♂
( يقرب ع الأوضة تجري عليه بسملة )
بسملة ب صريخ : لا ابني لاااااء 😨
( تشد فيه هي ومنة ، يزقهم ، تقرب امهم تحوشه يزقها ، تتخض منة وتتغاظ تنزل فيه ضرب وبسملة تشد فيه عشان ميدخلش الأوضة ، يسلك نفسه من منة ويزقها ع الكنبة عاوز يضربها )
منة : ااااه 😨
بسملة : باااااس
( تشد فيه بسملة )
منة ب انفعال : اوعا ي حيواااااان 😡
( يضربها بالقلم تضربه بالقلم ويضربه بعض ، بسملة بالعافية تسلكهم )
بسملة ب صريخ وعياط : سيبها ي منصووووور 😣
( يلف يزق بسملة تقع ع الكنبة ، تضرب فيه منة يلف مش عارف يسلك نفسه منها مش مدياه فرصة ، يدخل عبدالله يجري يسلكهم من بعض ويبعد منصور عن منة )
عبدالله ب انفعال : انت اتجننت 😮
منة وهي بتقوم ب صريخ وعياط : اااااه 😣
منصور ب زعيق : ورحمة ابويا ل ابيتكوا ف المستشفى انتوا الأتنين ي ولاد ال **** 😡
عبدالله ب زعيق : بس اهدااااااا 😠
منصور ب زعيق وهو بيزق عبدالله : اوعا ي عبدالاااااااااااه 😡
( يلحقه عبدالله يمسكه يزقه ف الحيطة )
منصور ب غيظ ل منة : ورحمة ابويا ي منة م هسيبك وربي كمان مرة م هسيبك 😠
عبدالله وهو بيزقه : اخرس بقاااااااا 😡
منصور وهو بيبص ل بسملة : ماشي ، ماشي 😐
( يمشي منصور ، يقرب عبدالله ع منة )
عبدالله : اترزعي
( تقعد منة )
الام : عاجبك عمايل اخوك دي ي عبدالله 😧
عبدالله : حقك عليا يما امسحيها فيا انا 🤦
الام : لا اله إلا الله يارب رحمتك يارب 👐
( تقوم الأم تدخل اوضتها ، يبص عبدالله ل منة يلاقيها بتعيط ، يقرب يقعد جنبها ، تعيط اكتر ، ياخد دماغها ف حضنه )
عبدالله : حقك عليا ، والله لو م اخويا كنت موته وبرضوا هيتحاسب ع الي عمله دة ، متزعليش 😐
منة : مش زعلانة انا بهدلته برضوا 😔
( يبتسم عبدالله عارفها مش بتسيب حقها ، بعد شوية يرجع عبدالله شغله ، ف night club ، ع الباب واقف صاحب المكان ، يقرب عليه شاب )
يسري : كلمت اخته ي بني ؟
اياد : والله كلمتها قالتلي جاية ف الطريق 💁🏻♂
يسري ب قلق : ربنا يستر ، ابن الجزمة دمرلي المكان جوة ، كل مرة ع الحال الأسود دة يارب 😑
أنت تقرأ
قصة : ( احتواء ) ل سهيلة سعيد المنجي ( كاملة ، متعدلة )
Romance_ هو ممكن يكون قاسي شوية ، بس محبش حد قدك ، وعمر حنيته م ظهرت ولا هتظهر غير معاكي ، طبعه وحش ، غيور ب ذيادة ، عصبي طول اليوم ، بس ف اخره بيعرف يحتويكي .
