قصة : { #احتواء } ♥👌
الحلقة الثالثة عشر { ١٣ } ✨
موسى ب خضة : عبدالله ملكش دعوة انت 😐
خطاب : لا سيبه ، وايه كمان ؟
عبدالله : الغلطة من ابنك مش مننا ، ولو هو فعلاً ابن اصول يتلم ف بيتهم او ع الأقل مش اد السهر والشرب ميسكرش ويطيح ف خلق الله !
فارس ب انفعال : انت .......... 😠
خطاب وهو بيمسك دراع فارس : شششششش ، تمام اوي !
( يقف خطاب ، يقف الكل )
خطاب : انا جيتلك لحد عندك ي موسى ودي مش من عادتي وانت عارف ، بس ابني اتقل من كرامته هنا ، وانا كرامة ابني من كرامتي ، يلا ي فارس 😒
( يمشي خطاب ، فارس يبص ل عبدالله ب غيظ ويروح ورا ابوه )
عبدالله : بعد اذن حضرتك
موسى : اتفضل 🤦
( يمشي عبدالله ، يشوفه اسامة يقرب عليه )
اسامة : ي بني بتربي عداوة مع واحد زي دة ليه بس !
عبدالله وهو بيقف : انا ولا ربيت ولا نيلة هو الي جاي يهددنا دة قسم مش كباريه 🤷🏻♂
اسامة : كنت مشيته امبارح وريحت دماغك ، خلي بالك من تصرفاتك دي هتوديك ف داهية صدقني !
عبدالله : إن شاء الله 😑
( ف المستشفى ، يوصل منصور ، يدخل ل بسملة )
ام منة ب انفعال : انت ايه الي جايبك هنا 😠
منصور : جاي اشوف مراتي 😐
ام منة ب انفعال : جاي تشوفها ولا تكمل عليها خلاص الي ف بطنها مات وانت الي موته منك لله ي شيخ منك لله ي بعيد 😡
اميرة : ي جماعه اهدوا احنا ف مستشفى !!
ام منة : انت تمشي ي استاذ وتجيبلها ورقة طلاقها ☝
منصور ب خضة : طلاق ايه انا مش هطلق حد !
ام منة : يعني ايه انت ..........
اميرة : ي ماما بقا مينفعش كدة مش وقته ، دي مراته ي حالياً وليه الحق يطمن عليها
ام منة ب حزن : مهو السبب ف الي حصلها دة 😟
اميرة : ماشي ي ماما مش وقته برضوا معلش
( تسكت ام منة ، تعدي الأيام ، منة وبسملة قاعدين ف اوضة )
منة : بسملة
بسملة : نعم ؟
منة ب ندم : انا عارفة إني السبب ف الخراب الي حصلك دة ، انا بجد اسفة 😐
بسملة : منة
منة : اممم ؟
بسملة : انتي عارفة منصور بيكلمني كام مرة ف اليوم ومبردش عليه ، اكتر من ١٠٠ مرة ع الأقل ، وكل شوية امه تكلمني إني ارجع ومطلبش الطلاق وبيروح ل امك الشغل يتأسفلها ، منصور عرف قيمتي ي منة بسبب الي حصل ، تفتكري لو مكنتيش انتي نصحتيني كان هيهتم كدة ، مظنش ، بالعكس كان هيفضل راكني ع الرف وبيعمل الي هو عاوزه ، ليه ؟ عشان انا سكت وفضلت ساكتة ، بس كان لازم حد ينبهني إني اتكلم وانتي نبهتيني ، سواء رجعت ل منصور او لا ف الحالتين انا الكسبانة ، رجعت مش هرجع الطيبة والجبانة الي خايفة يضيع منها او يحصل مشكلة ، الي بتخاف تمسك تليفونه عشان عارفة هتلاقي بلاوي ، لا هرجع قوية مش قوية عليه بس قوية مع نفسي وقوية ف مشاعري هعرف اسيطر عليها كويس ، مرجعناش بقا يبقا ربنا مش عاوزلي الضرر ، لإني هعتبره ساعتها ضرر ، ووقتها هقول الحمدلله واقعد اربي ابني بقا ، ف متشيليش زنبي عشان مافيش زنب اصلاً ، لولاكي كان زماني مطاطية اوي 🙂💔
منة : إن شاء الله ربنا هيعملك الي فيه الخير 😕
بسملة : إن شاء الله
( يعدي الوقت ، الكل نايم ، بسملة ف اوضتها نايمة لكن مفتحة عيونها بتعيط )
منصور : بسملااااااااااااا
( تتخض بسملة اما تسمعه )
منصور : بسملاااااااا
( تقوم بسملة تطلع البلكونة تلاقي منصور واقف ف الشارع ، يبصوا ل بعض )
منصور ب عياط وهو بيقرب عليها : بسملة ارجعي ، بالله عليكي ترجعي ، انا ، انا مش عارف اعيش من غيرك ، والله م بنام ساعة ع بعض وانتي مش جنبي ، وحياتي عندك ارجعي ، طب ورحمة الي مات وعد مني مش هضربك تاني ابداً ولا ههينك ، والله م هزعلك تاني ابداً والله ، بس ارجعي انا محتاجلك اوي ، والله محتاجلك ، لو عوزاني ابعد هبعد ، بس انا عمري م هرتاح ف بعدك والله ، والله لو مبقتيش معايا انا هيجرالي حاجة ، ارجعيلي بالله عليكي هموت 😣💔
( يذيد ف العياط ، تنزل دموع بسملة وتجري ع جوة ، منصور ف الشارع ، يلاقيها بتجري عليه ياخدها ف حضنه ويعيطوا هما الأتنين ، اميرة ومنة واقفين ف البلكونة بيتفرجوا )
منصور : وحشتيني 😔
بسملة : وانت كمان ❤
( ف بيت مروة ، بتكلم سالم ف الفون )
سالم ب استغراب : انتي بتزعقي ليه ي مروة ؟!
مروة ب انفعال : عشان قولتلك كذة مرة إني مش بحب عصام دة ولا هحبه وانت كل شوية تفاتحني ف الموضوع في ايه انا زهقت هو ب العافية 😡
سالم : لا مش ب العافية بس انا بعمل كدة ل مصلحتك لإنه بيحبك ومستعد يعمل اي حاجة عشانك هيموت عليكي م الأخر 🤷🏻♂
مروة : م الأخر فكك مني
سالم : يعني ايه ؟!
مروة : يعني زي م سمعت ي سالم وقفل بقا ع الموضوع دة عشان ميخسرناش بعض ✋
سالم : والله ؟!
مروة : ايوة
سالم ب انفعال : انتي اصلاً كنتي تطولي واحد زي دة يعبرك 😠
( تتصدم مروة من كلامه )
مروة : انت قاصد كلامك دة !!
سالم : انتي متفرعنة ع ايه مش فاهم انتي عارفة دة ابن مين ؟
مروة : تصدق عندك حق بس لا انت ولا هو ولا الف زيكوا كنتوا تطولوا بس تشموا ريحة برفاني لما اعدي من جنبكوا وانا غلطانة إني صاحبت شمام ومدمن زيك 😡
( تقفل ف وشه وتقعد تعيط ، يتفتح باب اوضتها )
يسر ب قلق : ف ايه ؟!
( تمسح دموعها )
يسر وهي بتقعد قصادها : صوتك عالي ليه كدة انتي بتزعقي مع مين ؟!
مروة ب عياط : اتخانقت مع سالم 😣
يسر : ليه حصل ايه ؟
( تحكيلها )
يسر ب استغراب : دة حيوان اوي 😕
مروة ب عياط : بحبه من ساعة م عرفته وهو معندوش دم ومعتبرني صاحبته ، لا وكمان جاي يقولي صاحبه بيحبني ، شوفتي زل اكتر من كدة 💔
يسر : اهدي عشان خاطري دة جبلة والله وميستاهلكيش فكك منه
مروة ب ندم : انا ندمت إني اتعصبت عليه 😔
يسر : انتي مغلطيش هو يستاهل 🤷
مروة : ايوة بس انا مقدرش استغنى عنه ، هتصل بيه اصالحه
يسر : يخربيتك انتي لحقتي 😳
مروة وهي بتمسك الفون : مش هقدر اسيبه ينام زعلان 🤳🏻
يسر وهي بتقوم تمشي : مجنونة والله 😑
مروة : الو ، انا اسفة ي سالم 😟
( بعد دقايق ، مروة واقفة بتلبس ومعاها يسر )
يسر ب قلق : متروحيش ي مروة 😐
مروة : ليه ي بنتي ؟
يسر : كدة بحر ايه الي عاوزك تقابليه فيه السعادي دة الساعة داخلة ع عشرة !
مروة : عادي يعني دة مكان عام وبعدين من امتى بتشكي ف سالم !
يسر : من ساعة الي عمله من شوية ف موضوع عصام دة 💁🏻♀️
مروة وهي بتاخد فونها : لا متقلقيش
يسر : طيب براحتك ، بس مترجعيش تشتكي 🤷
مروة وهي بتمشي : ماشي 🙄
( يعدي الوقت ، مروة ف عربيتها بتتكلم ف الفون )
مروة : انا مش فاهمة بحر ايه الي نروحه ي سالم د١١ الساعة ١١ دلوقتى انا بس جيت عشان حساك مش متظبط !!
سالم : وفيها ايه عادي 😒
مروة : هيبقا ضلمة اوي واحنا ف الشتا ومافيش ناس ! دة
سالم : هخطفك يعنى ي مروة !
مروة : لا مش قصدى كدة 🙄
سالم : طب اخلصي يلا ادخلي انا طهقان قلت تتمشي معايا
مروة : اوك داخلة اهو قربت ، انت فين بالظبط ؟
سالم : اول م هتدخلي هتلاقيني
مروة : ماشي
( تركن مروة وتنزل م العربية ، تدخل شارع صغير بيودي ل البحر ، تلاقي سالم مستنيها )
سالم وهو بيحط ايده ف جيبه : كل دة ؟!
مروة : م انت الي بتطلع كدة مرة واحدة 🤷
( يدخلوا البحر يتمشوا )
سالم ب تنهيدة : مخنوووق 😑
مروة وهي بتبص للبحر : البحر شكله يخوف اوي !
سالم : اه
مروة وهي بتبصله : مخنوق من ايه ؟!
سالم : منك
أنت تقرأ
قصة : ( احتواء ) ل سهيلة سعيد المنجي ( كاملة ، متعدلة )
Storie d'amore_ هو ممكن يكون قاسي شوية ، بس محبش حد قدك ، وعمر حنيته م ظهرت ولا هتظهر غير معاكي ، طبعه وحش ، غيور ب ذيادة ، عصبي طول اليوم ، بس ف اخره بيعرف يحتويكي .
