قصة : { #احتواء } ♥👌
الحلقة الخامسة عشر { ١٥ } ✨
خطاب : جاي جاي بس طمني هي كويسة ؟
الدكتور : الى حداً ما يعني 😐
خطاب ب عدم فهم : يعني ايه مش فاهم !!
الدكتور : لما تيجي هفهم حضرتك ، اوك مع السلامة
( يقفل الدكتور ، يقرب عليه عبدالله )
عبدالله : دكتور
الدكتور : ايوة يفندم ؟
عبدالله : هي البنت فاقت ولا لسة ؟
الدكتور : ايوة لسة فايقة انا اديتها مهدء عشان تبقا هادية ف كلامها لما حضرتك تكلمها وخدت منها رقم والدها واتصلت بيه عشان ييجي
عبدالله : تمام اوك ، شكراً ي دكتور
الدكتور : العفو
( يدخلها عبدالله )
مروة ل الممرضة : الدكتور اتصل ب بابا ولا متصلش خليهم ييجوا والنبي 😥
الممرضة : اكيد اتصل بيه متقلقيش
( تعيط مروة ، يفضل عبدالله واقف باصصلها ومحدش شايفه )
مروة ب عياط : انا عاوزة امشي من هنا ، عاوزة امشي بقا 😣
الممرضة : اول م اهلك يوصلوا هتروحي معاهم والله
مروة : وموصلوش ليه ؟!
الممرضة : مهو الدكتور زمانه اتصل بيهم ملحقوش بس 🤷
مروة : ان ..........
عبدالله : احمممم 😐
( يتخضوا ، يبص ل الممرضة )
عبدالله : ممكن شوية ؟
الممرضة : اه حاضر !
( تمشي الممرضة ، مروة تحس ب خوف اول م تشوفه لإنها عرفاه من موضوع اخوها ، تسحب الغطا عليها ، يقرب عبدالله وهي بتبعد من ع السرير ب هدوء ، يقف جنبها ، ترفع وشها عشان تبصله )
مروة ب استغراب : انت ايه الي جابك هنا ؟!
عبدالله : م انا الظابط الي ماسك القضية 💁🏻♂
مروة : هي خلاص بقت قضية ؟!
عبدالله : للأسف اه
( تسكت مروة بصاله )
عبدالله : مالك ؟!
مروة ب قلق : عاوز ايه ؟!
( يبصلها ماسكة الغطا عليها وبصاله ب خوف ، يحس ب توترها )
عبدالله : انتي خايفه مني ؟!
( تشاورله ب لأ وترجع تشاور ب اه ، يبتسم عبدالله )
عبدالله : ليه كدة دة انا حتى طيب والله ، متخافيش مش هأذيكي ، سيبك م الي فات خلاص عدى ومكانش يخصك 🙂
( يجيب عبدالله كرسي ويقعد عليه بالمعووج قريب منها )
عبدالله : انتي اسمك ايه ؟
مروة : مروة
عبدالله : انا عبدالله ، قوليلي بقا ، انتي عارفة مين الي عمل فيكي كدة ، يعني كنتي فايقة ولا معرفتيش خالص الي حصل ؟
( تدمع عيون مروة وتبدأ تفتكر )
عبدالله : مروة !
( تبصله )
مروة ودموعها بتنزل : كنت فايقة ، من اول الي حصل 😥
عبدالله : اه ، تعرفيهم الي عمله فيكي كدة ؟
مروة : عرفاهم الأتنين
عبدالله : مين هما ؟
مروة : سالم وعصام
عبدالله : مين بقا سالم وعصام ؟
مروة : سالم المفروض من اعز صحابي ومعايا ف الكلية زميلي ، وعصام يبقا صاحبه ، ومعانا ف الكلية برضوا
عبدالله ب استغراب : وايه الي يخلي صحابك يعملوا فيكي كدة ؟!
( تحكيله كل حاجة )
عبدالله : يعني كل الي حصلك ع خلاف بسيط زي دة !!
مروة : متوقعتش يكون شايل مني كدة 😔
( يوصل بباها ، يقف عبدالله )
خطاب ب لهفة : مروة !
مروة : بابااا 😧
( يقرب ياخدها ف حضنه ، تعيط )
خطاب وهو بيطبطب عليها : اهدي حقك عليا انا اهدي
( ينتبه لوجود عبدالله ، يبصله )
خطاب ب استغراب : انت ايه الي جابك هنا !
مروة : عبدالله الظابط الي ماسك القضية
خطاب ب انفعال : والله ل اكون جايب اجله وانهاردة كمان 😠
مروة ب خوف : لا بالله عليك متوديش نفسك ف داهية انا محتجالك 😔
خطاب : طز ف اي حاجة المهم انتي ترتاحي
عبدالله : حقك هيتجاب من غير نقطة دم
خطاب : ازاي ؟!
عبدالله : حضرتك سيبلي الموضوع دة شغل حكومة 💁🏻♂️
( بعد يومين ، ف بيت مروة ، يخبط الباب ، تفتح الشغالة )
عبدالله : خطاب بيه موجود ؟
الشغالة : ايوة اقوله مين ؟
عبدالله : ع .........
فارس ب ترحيب : اهلااااااا تعالي 😃👋
( يدخل عبدالله ، يسلم عليه فارس )
فارس : عامل ايه ي باشا ؟
عبدالله : فل انت اخبارك ؟
فارس : اهو تمام
( يقعدوا )
فارس : بابا حكالي ع الي حصل مش عارف اشكرك ازاي إنك هتتصرف ف موضوع مروة 💁🏻♂
عبدالله : مافيش شكر ولا حاجة دة شغلي
فارس : ياريت متكنش زعلان ع الي حصل بينا انت فاهم طيش شباب بقا 😅
عبدالله : دي حاجة وعدت خلاص ✋
( بعد شوية ، عبدالله قاعد مع مروة )
عبدالله : يعني شغل بباه شمال اصلاً !!
مروة : شغال ف المخدرات ودة الي خلى سالم يدمن ، انت ناوي تعمل ايه ؟
عبدالله : سيبك م الي هعمله بكرة تعرفي ، المهم إن انا فرحي الأسبوع الجاي ، هكون مبسوط جداً لو جيتي 🙂
مروة : اكيد طبعاً مقدرش افوت فرح اخويا ، بس مكنتش اعرف إنك خاطب 😅
عبدالله وهو بيوريها الدبلة : خاطب ✋
مروة : الف مبروك تتهنوا إنك شاء الله 🙂
عبدالله : عقبالك
( تبتسم مروة ب حزن )
عبدالله : متزعليش ع حاجة ضاعت ، مش بيقولوا لو كان خيراً لبقى 🤷🏻♂
مروة وعيونها بتدمع : عندك حق ، وهو عمره م كان خير ابداً 💔
عبدالله : بالظبط كدة ، وانتي انسانة جميلة ولسة صغيرة وقدامك حياتك ف اولها
مروة : عارفة بس ........
( تنزل دموعها )
مروة : هو دمرني برضوا 😥💔
عبدالله : والله حقك هيتجاب انا مش هسيبه
مروة : ي بخت خطيبتك بيك ي عبدالله ، اخدت راجل بجد 🙂♥️
( يبتسملها ، تاني يوم ، سالم ف الكلية ، واقف مع شلة ولاد وبنات هو وعصام ، يقف بوكس ينزل منه عساكر وعبدالله ، يدخلوا الكلية ، يتخض الكل من مناظرهم ، يخشوا يجيبوا سالم وعصام من قفاهم )
سالم ب خضة : ايه دة اوعااااااا 😨
( يجرجروهم ع برة يركبوهم البوكس ويمشوا ، ف القسم ، قاعد ابو مروة وفارس وموسى ، يدخل عبدالله ب فارس وعصام يرميهم تحت رجليهم ، يقوموهم المخبرين )
سالم وهو بيبصلهم ب خضة : هو ايه الي بيحصل ؟!
فارس ب زعيق وهو بيقوم : ي ابن ال *** دة انا هطلع روح اهلك 😡
سالم : ولا تقدر تمس شعرة مني 😐
( يضربه فارس قلم يلوح فيه رقبته مكتفينه المغبرين )
سالم ب صريخ وغيظ : ي ابن الكااااااااالب 😡
عبدالله : شششششش ، صوتك يوطي احسنلك ☝
خطاب : انت متعرفش هي بنت مين ، معلش عذرينك 🤷🏻♂
سالم ب تشويش : هي مين دي ؟!
فارس : مروة يلا ، مروة الي قتلتها ب الحياة ، دة انا هموتك 😡
( يديله بالبوكس ، يبعده عبدالله )
فارس وهو بيزق عبدالله : سيبني اموتووووو 😡
عبدالله وهو بيحوش فارس : اهدى بس والي انت عاوزه هيتم ✋
( يهدى فارس ، تعدي الأيام ويتحكم ع سالم وعصام ويتسجنوا ، يوم فرح منة وعبدالله ، ف اوتيل ، واقف عبدالله مستني )
منصور ل عبدالله : مالك ؟!
عبدالله ب توتر : ماليش ، هي اتأخرت ليه كدة 😐
اسامة : ي بني اهدى مستعجل ع ايه بس 🙄
عبدالله : بكرة تستعجل انت كمان يخويا 🤷🏻♂
( يتفتح باب القاعة ، تدخل اميرة مع البرايد ميدز وف ايدها ورد )
اسامة وهو بيبصلها ب حب : ااااه اميرتي 😍
منصور : اقفل بؤك خلي الناس تعدي 🤭
الكل : هههههههه 😂
أنت تقرأ
قصة : ( احتواء ) ل سهيلة سعيد المنجي ( كاملة ، متعدلة )
Romance_ هو ممكن يكون قاسي شوية ، بس محبش حد قدك ، وعمر حنيته م ظهرت ولا هتظهر غير معاكي ، طبعه وحش ، غيور ب ذيادة ، عصبي طول اليوم ، بس ف اخره بيعرف يحتويكي .
