سرقة حياة ميتة

سرقة حياة ميتة 9

#سرقة_حياة_ميتة_9
لجين:تيم اني مش اختك هادي لعبة من سالم اختك ماتت بحادث سيارة اني نحبك هلبا تيم معاش قادر
على العذاب هدا اقسم بالله تعبت منبيكش تكون لا لي الهام ولا هاجر نبيك تكون ليا ملكي حلالي وحبيبي وكل شي نموت فيك تيم انت اكسيد حياتي معاش نقدر نعيش بدونك نحبك هلبا افرح اني مش اختك اني حبيبتك حبنا مش حب محرم
.
.
.
شيماء:لجيييين لجين نوضي
لجين:هااا
فاقت لجين مخلوعة سيارتها جنب البحر وبعتت رسالة لي شيماء ورقدت وحلمت
شيماء: خيره وجهك هكي
لجين:حلمت انه اعترفت لتيم بكل شي
شيماء:انتي الفترة هادي خيرك
لجين:معاش خاطري نكمل في اللعبة هادي
شيماء:صعب تنسحبي على فكرة مجدي لو عرف انك مش بنته يقتلك عادي ره يعني بتخسري
لجين:خلي يقتل نرتاح من العيشة هادي،، هه ولا خائفة على بوك وخوتك
شيماء:اي لجين انتي مش حتقتلي نفسك بتقتلي عائلة كامله
لجين:اوك
شيماء:في شن تبيني
لجين:نبي نسالك لجين كانت مرتبطة!
شيماء:علاش تسالي
لجين:نبي نعرف كيف كانت تتعامل مع حبيبها
شيماء:بكل غرور لجين شخصيتها متتغيرش
لجين:تمام
.
.
.
لبنى:يهبل الفطور
يوسف:صحتين ،، بس انتي يلي تهبلي
لبنى:اممم
يوسف:لبنى اني معجب بيك هلبا
لبنى:قلتلك يلي في بالك صعب يصير
يوسف:علاش صعب قوليلي ،،تحبي شخص ثاني
لبنى:لا
يوسف:امالا شن
لبنى:لانه الارتباط قبل 4شهور من التعارف صعب
يوسف:كيف هادي فاهميهالي
لبنى:في علم النفس يقولو لو قعدت اربعة   شهور معجب بشخص هادي كلها اعجاب مش حب الحب لمه تخش الشهر الخامس والسادس
يوسف:تي شن فترة حمل هيا
لبنى:متهزاش عليه الموضوع لو تبيني في حياتك
وناضت لبنى
يوسف:اني مش مستعد نستناك اربعة شهور اني مستعدة عشرة سنين 
لبنى:وبعد العشرة سنين بتمشي ادور غيري ولا
يوسف:النكد يجري في دمكم،،، ره عشرة سنين بنقعد نستنا
لبنى:يلي يبيني يستنا العمر كله هي باي
.
.
.
.
.
#كتابة_يقين_البشتي
.
.
.
.
.
[ بعد مرور اسبوع ]
كان كل شي زي ماهو هاجر تخطط كيف بدير يلي مزال يومين على زواج تيم 
الهام كانت فرحانه تطلع وتشري في حوايج البيبي وتوتي في روحها لي اهم يوم في حياتها
مروان كان يحاول يوصل في الهام بس دارتله بلوك على كل مواقع التواصل الاجتماعي
تيم كان ديما في الخدمة ويروح امخر يتجنب يشوف لجين
لجين كانت مدمرة من يلي تتعطاء فيه وزادلها الدكتور مخدارت اقوة
.
في الليل كانت لجين نازله وخاشه المطبخ وتيم كيف خش للحوش
تيم:مساء الخير
لجين:مساء النور
ومشت وخلاته خشت للمطبخ ولحقها تيم غسل يديه وقعمز تلفتته لجين ،،، خيرك شن في
تيم:شن بديري
لجين:محلبية
تيم:احسبيني معاك
لجين:به ،، تقدر تطلع توا لمه نديرها وتصقع نقولك
تيم:لا نبي نهدرز معاك
لجين::في شني
تيم:خيرك كلمة وقص يعني عيب اخ يهدرز مع اخته
لجين:بس اني وياك عكس كل اخ واخته
وبدت لجين تحط في حاجات المحلبية
تيم:اسبوع مجيتيش لشركة هلبا ولا
لجين:منبيش نجي اني حرة
تيم:لجين تكلمي كويس معاي
خشت اسماء
اسماء:صغاري الحلوين شن يديرو
لجين:درت محلبية ولدك قرر يخش يصدعلي راسي
قعد تيم يشبحلها ويبتسم
اسماء:به نبي نطلب منكم طلب امبكري شفت النشرة الجوية انه الجو بيكون حلو غدوا ،، شن رايكم نطلعوا في اليخت
تيم:اي فكرة حلوة قداش لينا عليها
لجين:اي اي وتوا نقول لي لبنى
اسماء:لاا نبي اني وانتوا وبوكم بس
تيم:خلاص تم
اسماء:اوك توا نقول لي احسان توتي الحاجات وانت كلم الراجل
تيم:حاضر ماما
اسماء:منوصفش الفرحة يلي حاسه بيها ،،، وباست اسماء لجين وطلعت
تيم:ماينبكش ضميرك لمه تشوفيها تحبك وفرحانة بيك
كلي تيم التفاحة وغمزلها وطلع حطت لجين يدها على قلبها من كلام تيم يلي مش مفهموم
.
.
.
في صباح اليوم الثاني كانوا في اليخت
تيم:بنرررقد
مجدي:ترقد عينك توا امك ادير القهوة وبنوضوا نتصتادو
جابت لجين الحلويات و اسماء القهوة
خدي تيم صب القهوة وشرب
مجدي:شن ارتحت
تيم:مزال لين ناخد الفنجان الرابع
.
.
.
.
اما عند الهام كانوا هيا واسيل في المول
اسيل:القفطان هدا طلع عليك يهبل
الهام:ناخده زعما
اسيل:اي حلو
الهام تمام
اسيل:شن مزال ناقصك
الهام:حاجات البيبي
اسيل:يابنتي مزال هلبا مش تجيبي
الهام:بس متشوقه ناخدله حوايجه
اسيل:مزال مزال ،، تعرفي مش مصدقة انك بتتزوجي ومش ح نحظر عرسك
واسيل خنقتها العبرة
الهام:متخلينيش نبكي حتى اني مش مصدقة مع انه البيبي هدا هو يلي نقدني بس والله ماعارفه نوصف شعوري
اسيل:بنستاحشك
الهام:مبردك بعد عرسي بيوم تعاليلي ،، وووه حتى اني منعرفش علاش بنبكي
وحضنت الهام اسيل وقعدت تبكي
الهام:مش حيكون معاي حد في اهم يوم في حياتي قداش محرررروقة ياصاحبتي
.
.
.
مجدي:ها صحصحت
تيم:صحصحت تصحيحه مصحصاش حد في تاريخ المصحصين
مجدي:ههههه به هي نوض
تيم:حاضر
كانت لجين مقعمزة في الجهية الثانية وتفكر كيف بتهرب معاش تبي تكمل القصة هادي
.
.
.
وصلت هاجر للشارع يلي فيه حوش عمها درست سيارتها بعيد ونزلت وخشت الفيلا من الباب الخلفي
[ قبل ساعه ]
هاجر اتصلت على التلفون الارضي
احسان:الو
هاجر:احسان كيفك
احسان:منيحة وانتي ياخانوا
هاجر:الحمد لله ترا اعطيني لجين
احسان:طلعوا كلهم من القصر طالعين رحلة
هاجر:اااه به كويس وانتي علاش مرفعوكش معاهم
احسان:هلا بدي اطلع انا وزوجي
هاجر:تمام
صكرت هاجر الخط
هاجر:برافو جاسيكا انك قلتلي ،،
جاسيكا:بمجرد ماتصل البارح وقلي انو عندو رحله قلة لازم قلك
.
خشت هاجر و الحوش كله فاضي ركبت فوق ........
.