سرقة حياة ميتة

سرقة حياة ميتة18

#سرقة_حياة_ميتة_18
وصل مجدي للمقبرة ودرس سيارته وقعد يستنا فجاة جت سيارة سودة معتمه نزل منها راجل وفتح الباب الخلفي لسيارة ونزلت هاجر لابسه تسود وشاح اسود ونظارات
مجدي:هااااااجر
هاجر:كيف حالك عمي
مجدي:الحمد لله ،، انت وين كنتي مختفيه
هاجر:مليكش علاقه
مجدي:كيف
هاجر:هاجر قبل تختفي تحسب الف حساب ،،، وياريت توا تسلم تلفونك للحارس
طلع مجدي تلفونه وعطاه للحارس
هاجر:الحقني
وبدت هاجر تمشي و وراها الحرس و مجدي وصلوا لقبر لجين
هاجر:عمي من سنين كسرت قلبي لمه بابا خش الغيبوبة بسببك واليوم دورك تقدر تقول انك اول انتقام
مجدي:شن قصدك
هاجر:قصدي واضح تعرف هدا القبر لمني اللي قدامك
مجدي:لالا
هاجر:هدا قبر بنتك لجين
مجدي:شنييي،
هاجر:لجين ماتت بحادث سيارة قبل ماتوصلك وماتت هني في تركيا وسالم مش متقتلش صغاره مش جاب بنت من ليبيا وقالك انه بنتك ،، اه ونزيدك من الشعر بيت تيم يعرف وهما على علاقة توا
مجدي كان كله عرق خلاص ومش قادرة يتنفس مط يده على قلبه
طلعت هاجر التلفون وسمعاته تسجيل
هاجر:هدا الهام الله يرحمها بعتتهولي لان لجين اعترفتلها المهم عمي لانك مش حتحضر الانتقام الاكبر نحب نقولك مع السلامة
ومشت هاجر وخلاته
مجدي:بنتيييييييي
وطاح على القبر وقعد يبكي وفجاة اغمي عليه

ركبت هاجر لسيارة وهيا تدكر
[ يوم العرس ]
كانت هاجر واقفه قدام المرايا تساوي في الفيلو متاعها رن تلفونها
هاجر:الو
حمدي:انسة هاجر نحب نقولك انه خوك مروان جاب متحت وسلمه لشرطه يعني شوية ويجو يقبضوا عليك
هاجر:كنت متوقعة ،، تمام الرجالة جنب الفندق ولا
حمدي:اي
هاحر:قوللهم يجوني من الباب الخلفي
صكرت هاجر التلفون ولوحاته في الكناسه حشاكم خدت ورقة وقلب من شنطتها وكتبت فيها
[العروس هربت ]
طلعت هاجر لقت القارسون يستنا فيها مش يطلعها من الباب الخلفي طلعت لقت جماعتها يستنوا فيها ركبت في السيارة ولقت [ وسام ]
وسام:كان بودي نباركلك
هاجر:ههه الله غالب اني وانت كنا متوقعين يصير هكي
وسام:مش انتي قلتي انك سكتيه خوك
هاجر:لكن قلتلك منضمناش
.
.
كانوا خيرية واسماء مقعمزين في حديقة الحوش
خيرية:لمتى بتقعدي تعاملي الراجل هكي
اسماء:لين يعقل اني متاكدة انه اللي يكلموا فيه هما جماعة زمان
خيرية:به نبي نفهم شن المطلوب منه
اسماء:انه يقولي
خيرية:يعرف انه لو قالك انتي احتمال تطلبي الطلاق
وهما يهدرزو رن تلفون مجدي لحسن اسماء كان مش مداير باسورد لتلفونه
اسماء:هااا شن تبي
وكان المتصل راجل تركي قاللها انه لقينا راجلك طايح في المقبرة ولمه خدينا تلفونك لقيناك في المفضلة متاع المكالمات ومكتوب زوجتي
اسماء طالعه من الحوش وتعيط
اسماء:يااارب احميلي راجلي يارب
خيرية:هي اركبي السيارة
اسماء هي
وركبت
خيرية:كلمي تيم
،اسماء:اي هو بنكلمه
.
.
كانوا لجين وتيم مقعمزين في الحديقة يهدرزو
تيم:اي وهدا تو من يومها كل مانخش المدرسة كلهم يخافوا مني
لجين:وبديت انت الكل في الكل عاد😂
تيم:ياعيني حبيبك لمه يمشي لمكان لازم يكون الكل في الكل
ورن تلفون تيم
تيم:الو مانا
اسماء:تيييم ولدي بوك في المستشفى
تيم:خيره
اسناء:لقوا طايح في المقبرة توا نبعتلك عنوان المستشفى
تيم:تمام
لجين:شن في
تيم:بابا لقوا طايح في المقبرة ونقلوه في للمستشفى
لجين:بنمشي معاك ،،، يابنات احني ماشين بابا مريض
لبنى:خيييره
تيم:مش وقته هي
لجين:بينا تلفون
لبنى:تمام
اسيل:شن في
لبنى:عمو مجدي مريض رفعوه المستشفى
اسيل:خيره
لبنى:والله مانعرف اصبري نسال ماما
وهيا تتصل با امها ردت عليها اسماء
اسماء:ها لبنى امك تسوق توا
لبنى:خالتي قوليلي خيره عمي مجدي
اسماء:لقو طايح واهو توا احني وصلنا المستشفى بندرسو السيارة صكري
وصلوا ونزلو يجرو
سالت اسماء الدكتور وقاللها توا وضعها تمام الباين تعرض لصدمة ادت لرتفاع ضغط الدم
اسماء:نقدر نشوفه توا
وسحملها الدكتور انه تخش
اسماء:حبيبي خفت عليك هلبا كيف حالك
مجدي:الحمد لله
اسماء:مجوده عمري قاعد زعلان مني
مجدي:لا
اسماء:خيرك تتكلم هكي تعرف قريب متت خفت يصيرلك شي
مجدي:وين تيم
اسماء:جاي في الطريق
مجدي:تمام مقالش الدكتور امتى نطلع
اسماء:غدوة ازصبح الافضل اليوم تقعد تحت المراقبه ،، حبيبي قولي
مجدي:نعم
اسماء:شن الصدمة اللي تعرضتلها خلاتك تمرض
مجدي:صدمة شني اني لا تعرضت لصدمة لا شي
اسماء:الدكتور قالي هكي ،، وانت علاش ماشي للمقبرة
لفت مجدي وجهه من اسماء وادكر اللي صار
مجدي:اطلعي برا نبي نرتاح
خدت اسماء شنتها وطلعت
خيرية:ها كيف حاله توا
اسماء:باهي بس يكلم فيا فوق من النفس
خيرية:بالك قاعد زعلان
اسماء:تي خيرك نسيتي اني اللي زعلانه والصبح قبل مايطلع جي قالي نحبك وطلع يعني اموره تمام اتجاهي
خيرية:ربي يستر وخلاص اشبح خيره
.
.
.
وصلو تيم ولجين المستشفى وخشو يجرو
تيم:بابا انت كويس
محدي:الحمد لله
لجين:خفت عليك هلبا
شبحلها مجدي شبحه مش حلوة وتيم ركز فيهم
تيم:الدكتور قالي بتقعد اليوم في المستشفى
مجدي:تمام
جت قعمزت لجين جنب مجدي وشدتله يده
لجين:بابا حبيبي انت كويس ولا اني خائفه عليك لو سمحت رد بالك من نفسك
جبد مجدي يده
مجدي:متقربينيش احسلك
تيم:خيرك بابا
مجدي:ان يطلبن من امكم تطلع وروحو نبي نقعد بروحي
تيم:اوك هي
طلعوا تيم ولجين تيم شك انه بوه عرف شي اما لجين كانت مستغربه
اسماء:حتى انتم لزكم
تيم:الواضح انه بابا صايرله موضوع لذلك منبوش مضغطو عليه
خيرية:اي هدا الاحسن ،، قولي بناتي قاادين في المزواعة
تيم:بعتلهم السواق بيجبهم للقصر وهي خلينا نروحو
اسماء:منبيش نسيب مجدي
تيم:هو ميبيش حد والباين انه في شي في دماغه خلاص خلوه براحته
خيرية:اي هي اختي خليه المهم ارتحنا توا
تيم:خودو لجين وامشوا اين عندي شغل وردو بالكم عليها
لجين:تعالى معانى تيم ارجوك
تيم:حبيبتي قلتلك عندي شغل ،، اه وبرو من طريق فيها زحمة
خيرية:تمام
.
.
.
تسريع الاحداث
مجدي بطلع من المستشفى بس طلب انه السواق يجيه ميبيش ولده في قصر عائلة مجدي كان الغدي جميع الانواع وكانوا كلهم موجودين خيرية لبنى اسيل مروان تيم لجين اسماء وصل مجدي
اسماء:حبيبي الحمد لله على سلامتك
مجدي:الله يسلمك
تيم:نورت بابا
وجاته لجين تبي تمضنه تجاهلها والكل ركز وخشو كلهم وبدو يهدرزو ويتغدو بعد الغدي
مروان:اني نستاذن منكم الغدي كان يهبل شكراً خالتي خيرية شكراً مرت عمي
اسماء: عفواً ولو نسيبي الغالي صحتين
تلفت تيم لي امه
اسماء:مروان يعتبر خطيب اختك لو مهما صار
اما مجدي ف ياكل وهو يسحن وجهه احمر
طلع مروان ولحقاته اسيل
مروان:اضايقتي من كلمة خالتك
اسيل:ايي لانك ليا اني بس
مروان:خلاص مفروض متضايقيش هيا فترة وتعرف كل شي حبيبتي
اسيل:بجديات اعصابي تعبت لمتى بنقعدو مدرقين
مروان:باذن الله اول ماتعرف خالتك اسماء وعمي انه لجين مش بنتهم نعلنوا انه احني نحبو بعض وبننخطبو
اسيل:يارب عجل باليوم هدا
مروان:متخافيش قريب باذن الله نحبك
باسها ومشي
.
.
.
مجدي:عن اذنكم اني راكب بنرتاح شوية
تيم:بوي نبيك في موضوع قبل ماتخش لدارك
مجدي:شن في
اسماء:لو موضوع شغل حبيبي منبيكش اضايق بوك بيه
تيم:لالا اطمني هي تعالى نركبوا للمكتب
مجدي:تمام
اسماء:بنتي لوجي نوضي ديري قهوة
لجين :حاضر
كانت لبنى مقعمزة وفاتحه التلفون على صورة يوسف وتشبحها
شبحت خيرية لبنتها وقالتها
خيرية:من اول مشكلة معقولة يصير هكي وعلى شي تافه
لبنى:لو سمحتي منبيش نتكلم فيه الموضوع
وناضتت لبنى
اسماء:خلي البنت على راحتها معاش تضغطي عليها خيرك
خيرية:نبي مصلحتها
اسماء:خليها في حالها قلتلك
خشت لبنى للمطبخ ولجين ادير في القهوة
لبنى:ممكن نحضنك
لجين:تعالي ياعيوني
وحشنتها كانت لبنى منهاره
لبنى:زعما يسيبني من اول مشكلة
لجين:بس انتي اللي درتيله بلوك من كل مكان تبيه يتواصل معاك من المكيف!
لبنى:مبردك
لجين:نحي البلوك
لبنى:لاا
لجين:امالا معاش تجي تبكي
.
.
.
تيم:الواضح انك عرفت
مجدي:مع الاسف
تيم:هاجر ولا
مجدي:من قالك
تيم:مشيت المقبرة وسالت الغفير وين لقوك طايح وراني قبر اختي الله يرحمها
مجدي:جتني رسالة وقالولي غدوة في المقبرة وبعدين طلعت هاجر او شي خدو مني تلفوني
تيم:تمام
مجدي:وين سالم
تيم:بووي سالم عاقبته اني ارجوك
مجدي:شن درتله
{ قبل شهور }
وصل تيم للفيلا اللي موجود فيها سالم
تيم:يااااكلب اطلعلي كانك راجل
شيماء:حي حي صوت تيم
فتح سالم الباب وهو يرعش
هجم تيم على سالم وكيف بيضربه
تيم:عيب مهما صار انت في عمر بوي علاااش كدبت علينا
سالم:كيف عرفت
تيم:مليكش علاااقة
سالم:اقسم بالله خفت من بوك يقتل صغاري والله
تيم:كيف ماتت
سالم:حادث سيارة
تيم:حادث مدبر!
سالم:لالا والله قضاء وقدر
تيم:وجيت حكيت قلت كان بوي مش حيديرلك شي انه ماتت في الحادث شن كنت تبي تحميها من الموت
سالم:ياولدي خفت لان بوك سبق وقالي لو يصير لبنتي شي نقتلك
تيم:والبنت هادي من تكون
سالم:ايات جبتها من الميتم وبنت يتيمه والبنت الوحيدة اللي تشبه اختك عمرها 20
تيم:بالله كادبه علينا حتى في العمر انت دورت دورت شفت وحدة في عمر اختي وخلاص
سالم: سامحني ياولدي
تيم:السماح في الهاني خود بنتك واطلعوا من تركيا ومعاش نبي نشوف وجهكم هني
سالم:حاضر ياولدي
.
.
.
مجدي:رجع لندن
تيم:اي وزي ماسمعت يابوي الحادث قضاء وقدر وميقدرش يشد عليها الموت عليك تدعيلها برحمة بس
مجدي:والحقيرة اللي لوطه
تيم:عندها اسم ياريت تحترمها
مجدي:وشن اسمها
تيم:اسمها ايات عمرها 3سنين وقت توفو اهلها وهيا اكبر من لجين
مجدي:تمام شن بيصير فيها
تيم:بوي انت حبيتها كانه بنتك خليها عندك تكسب اجرها حبها عوضها على بوها اللي فقداته
مجدي:وامك بتقبل بيها
تيم:اكيد بتعوضها على اختي لان امي تحبها هلبا بدت
مجدي:امك امتى بتعرف
تيم:عن قريب نفوتو عرس لبنى
مجدي:لبنى مش نفصلت على خطيبها
تيم:بيرجعو لبعض وعرسهم الشهر الجاي في عيد ميلادها وتوا شن رايك اناديلك على بنتك تبوس يدك
هز مجدي براسه وطلع تيم من المكتب
تيم:لوووجي حبيبتي
لجين:نعم
تيم:اركبي بوك يبيك
ركبت لجين ترعش
لجين:هااا شن صار
تيم:خشي
لقت مجدي واقف وفتحلها يديه جرت بسرعه في حضنه
لجين:اسفة بجد
مجدي:ولايهمك يابنتي وباذن الله من اليوم اني بوك ونعوضك على المرحوم بوي
لجين:شكراً ربي يخليك ليا
وكانت لجين خانقتها العبرة
مجدي:وباذن الله بنضيفك لكتيب العائلة متاعي
تيم وبصوت عالي
تيم:لاا
مجدي:علاش
تيم:لان نبي نتزوجها وتبدا قدام عيوني وحلالي
ابتسم مجدي
مجدي:ان شاء الله يصير خير
وطلع مجدي من المكتب
لجين:حق بنتزوجو
تيم:اكيد امالا بنقعدو هكي
لجين:وووه مش مصدقه بنبدا مررررتك
تيم:ربي يخليك ليا يانور عيوني
وباسها من جبهتها
لجين:استنا
تيم:ها حبيبي
لجين:نبيك اطلق هاجر قبل
تيم:باذن الله اول مانشوفها نطلقها ارضي عليا بس
لجين:وممنوع تلمسني او تبوسني من اللحظة هادي
تيم:شنيييي
لجين:زي ماسعت مش حتقرب عليا الا لمه تقرا فاتحتي
وطلعت لجين وهيا تلعب بشعرها وتتدلع
تيم:حي عليها هادي كيف تحرق فيا
.
.
.
في المساء دق باب الحوش فتحت احسان
محمد:السلام عليكم
احسان:وعليكم السلام
محمد:وين المدام خيرية
احسان:بجنينة تفضل
كانت خيرية مقعمزة هيا ولبنى في الحديقة
محمد:مساء الخير
خيرية:مساء النور
لبنى:عمو محمد كيف حالك
محمد:الحمد لله وانت كيف حالك ياكنتي الحلوة
لبنى:😔
محمد: كل شي بيتصلح صدقيني
لبنى:مضنيش ياعمي محمد
محمد:معقولة من اول مشكلة تنفصلوا
لبنى:قدر الله وماشاء فعل
محمد:الله غالب وخلاص يصير خير يابنتي بالله جيبيلي تلفوني من سيارتي نسيته
لبنى:حاضر عطيني المفتاح
محمد:لالا تلقيها مفتوحة مصكرتهاش
لبنى:تمام
ومشت لبنى
خيرية:حبيبيي زعما تنجح الخطه
شد محمد يد خيرية
محمد:ياعيني هادي خطة تيم
خيرية:ماشاء الله عليه وليد اختي ربي يطيحه في بنية الحلال
محمد:امين يارب، استاحشتك
خيرية:حتى اني استاحشتك هلبا
محمد:امتى بتكوني ليا
ابتسمت خيرية بخجل
خيرية:خلي نفرحو بصغارنا قبل
محمد:اخخ شن بيصبرني انك تبدي مرتي
فتحت لبنى الباب ومشت لسيارة وطبعاً الحديقة كبيرة ومعبية سيارات فجاة تشوف في الشموع والورد قامت راسها تلقا يوسف قدامها تكبمت لبنى وبصدمة وكانت لجين في البلكونة تشبحلهم وهيا مبتسمة جي وقف وراها تيم بدون ماتحس
لبنى:يوسف
يوسف:عيونه وقلبه وحياته وروحه
لبنى:انت شن ادير هني
يوسف:حاي بنشوف حبيبتي وجبتلك باقة الورد هادي
كانت باقة حلوة وطلع يوسف الحديدة ولبسهالها
يوسف:اني اسف انه غلطت فيك
لبنى:واني اسفة انه غلطت فيك
يوسف:نموت فيك ،، تقبلي يكون عرسنا الشهر الجاي في يوم عيد ميلادك
لبنى:كيييف
يوسف:زي ماسمعتي
لبنى:اي اي موووافقه اصلاً نبيه عرسي بسيط وفي الباخرة
يوسف:تممم وتيم بيكون الشاهد متاعي
لبنى:منين تعرفه
يوسف:كلمني تلاقيت اني وياه قلتله كل اللي في قلبي وعطاني الفكرة وبدينا صحاب
لبنى:تبصر انت وتيم وليتو صحاب
يوسف:اي
.
لجين:الحمد لله
وتلفتت لقت في وجها تيم
تيم:عقبالنا اميرتي
لجين:ان شاء الله اميري ☺️
ومشت وخلاته
.
.
#كتابة_يقين_البشتي
.
.
.
في يوم عرس لبنى في اليخت الكبير وكانوا الاصحاب والعائلة بس
لجين كانت مع لبنى في دار العروسة
وتيم كان مع يوسف ومروان
مروان:اووو عديلي البدلة طالعه عليك مش عادية
يوسف:تتسهوك ولا حق
تيم:وكندرتك ابداع
يوسف:اي اي تتسهوكو عليا ،، تي بنتكم هيا اللي قالتلي البس ابيض زيني
تيم:بنتنا هبلة ومتعودين عليها انت علاش تسمع في كلامها
مروان:معقولة تمشي كلمتها عليك من اول يوم خزي ياعديلي
يوسف:فترة ونشوفوكم انتم اثنين على فكرة بنقولك يامروان لبنى قالتلي انه اسيل لسانها اطول منها
مروان:اي عندي علم هدا علاش نحبها😂
يوسف:وانت علاش تحب لجين
تيم:لان لونتلي حياتي ولان حتى هيا لسانها طويل حبيت فيها عنادها وغرورها
يوسف:خلاص توا نشوفوكم امالا ره الدنيا دواره