سرقة حياة ميتة

سرقة حياة ميتة 6

{ سرقة حياة ميتة } الحلقة #6
كانوا تيم وخالد في اجتماع وبدو يسمعوا في صوت العياط طلعوا يجرو ولقوا لجين  باركة على هاجر وتضرب فيها وتريشلها في شعرها جي تيم يجري ويحزن فيهم
لجين:سيبني انييييي بنقتلها
هاجر:شددد اختك الحيوانه من عليا
فكهم تيم من بعض
تيم:قدامي انتي وياها لمكتبي يامتاع العار
والموظفين كانوا كلهم يضحكوا
تيم: اسيل ولبنى هكي تشوفوا فيهم يضاربوا وانتوا تتفرجوا
لبنى:ملياش بيهم علاقة
هاجر:توا تشوفي يالجين اليوم فتحتي على نفسك جبهة
لجين:لاااا وانتي مزال بتتكلمي معاي يا..
خشي تيم وهيا لحين كيف بتهجم على هاجر
تيم:هي هي انتي شن تسحابيها سايبه ولا شن
هاجر:برا اسالي الموظفين يباركولي فجاة جت وهجمت عليا
تيم:وانتي شن هبلتي ولا كيف
لجين:احترم نفسك و اوزن اسلوبك لمه بتتكلم معاي
تيم:لجين
لجين:خود اقراء
فتح تيم الاوراق وبدي يقرا قام عيونه بكل عصبيه
تيم:5ملييييون متحولات من رصيد الشركة لرصيدك
هاجر:كدب مزورين الاوراق هدو
لجين:اني معاش بنزيد نحرق دمي هي باي
وطلعت لجين
تيم منبيش نسمع منك شي كل شي واضح ورقة استقالتك تكون عندي بعد 10دقايق احترماً لعمي مش ح نتطردك
هاجر:بسسس اني خطيبك
تيم:خطيبتي برا الشركة اما في الشركة اني مديرك
هاجر:تمام
وطلعت هاجر السكرتيرا ميس
ميس:شن صار
هاجر:بنقدم استقالتي بس انتي بتكوني عيوني و وداني يلي هني
ميس:تمام
هاجر: عن قريب بنكلفك بامهمة عارفتك قدها
ميس:بس اني بحد منقدرش بدونك
هاجر:تقدري وبيكون ليك مبلغ على كل خبر تجيبيه
ميس:عيوني ليك حتى بدون فلوس انتي غرقتيني بخيرك لمه جيت من ليبيا وكنت على الحديده
هاجر:تعجبيني وباذن الله نغنيك اكثر
.
.
.
بعد مرور ساعات في قصر عائلة مجدي
لبنى:وهادي كل القصة
اسماء تخبط على رجليها
اسماء:ووووه عليا ووووه به وتوا شن بيصير
لبنى:قدمت استقالتها بس شكله متكلموش في موضوع الفلوس
خيرية:اختي هادي اكيد مش ح تخليها تبدا كنتك  ولا
اسماء:على جثتي تخش الحوش
اسيل:الله غالب كنتي رافضه الهام جاتك احرف منها
خيرية:ضمي فمك انتي
اسماء:الزوز احرف من بعض ، لبنى وين لجين
لبنى:منندريش عليها
اسيل:هه مش كنتوا صاحبات خيركم شن صار حتى اليوم محزيتيش
اسماء:اني مش صاحبة حد
اسماء:خيركم يابنتي متعاركين
لبنى:لالا
قعدو خيرية واسماء يشبحوا لبعض شبحة متاع اكيدة في حاجة بينهم
.
.
.
كانت الهام مقعمزة تفكر شن ادير دق باب الحوش جت تجري فتحت الباب
لجين:السلام عليكم كيف حالك
الهام:وعليكم السلام ، الحمد لله ، انتي كيف حالك حبيبتي
لجين:بخير الحمد لله سامحيني على التاخير
الهام:لالا عادي ولايهمك انستيني تفضلي
وخشت لجين
الهام :تشربي قهوة ولا شاهي
لجين:لالا صحيتي منبيش نتعبك
الهام:اول مره تجيني وماتشربي شي عيب
لجين:مهو السواق يستنا فيا لوطه لكن يلا ديري قهوة سادة
الهام:تمام دقايق وتكون عندك
.
.
.
.
.
#كتابة_يقين_البشتي
.
.
.
.
.
اما هاجر كانت بسيارتها واقفه على البحر وتستنا في  الدكتور حسام
حسام:معليش انسة  هاجر تاخرت عليك
هاجر:اصلاً انت ديما تتاخر عليا ، هااا جبت الحبوب
حسام:تفضلي
هاجر:وهدو 50الف والباقي نكملهم بعد تنجح الخطه
حسام:تمام شكراً
ومشي حسام واتصلت هاجر بالسكرتيرة
هاجر:الو ميس غدوا الصبح نبي نتلاقوا
ميس:تمام
.
.
.
.
الهام:تفضلي
لجين:شكراً ، تسلم يديك
الهام:سلمك ، لجين اني طلبتك مش نعطيك سر
لجين:شن هو
الهام:في لعبة حقيرة قاعدة تصير على تيم وبتصير عليك انتي
لجين:ان شاء الله خير الهام ادوي
فجاة الهام ناضت ترجع حاشاكم وناضت وراها لجين
لجين:انتي كويسة
الهام:اي اليومين هدو هكي اني
لجين:مشيتي لدكتور !
الهام:لالا ، اكيد من قلة الماكلة
لجين:لازم تاكلي متخليش الزعل ياثر عليك
الهام:نحط سفرة الماكلة تدره كبدي حاشه النعمه
لجين:سلامتك ان شاء الله
الهام:الله يسلمك قعمزي لجين ضروري نحكيلك
لجين:تمام نسمع فيك
.
.
.
.
.
[ في صباح اليوم الثاني ]
لجين:وين ماشي
تيم:بنجري
لجين:نجي معاك
تيم:لا
لجين:ماما مضايقة من معاملتك ليا ، ارجوك خليني نجي معاك ونمثلوا على ماما انه احني امورنا تمام
تيم:الحقيني السيارة
لجين:تمام
ركبت لجين توتي في روحها واتصلت بي مروان
مروان:الو
لجين:صباح الخير
مروان:صباح النور من حظرتك
لجين:معقولة معندكش رقمي اني بنت عمك
مروان:ااه لجين شن بنديرلك معطيتنيش خليتني نهدرز معاك ماسنجر بس
لجين:ههه اهو خديته رقمي افرح
مروان:اي الصراحة فرحت هلبا
لجين:مروان عادي الليله نطلعوا نتعشوا في موضوع بنحكيهولك
مروان:تمام لوجي امتى
لجين:الساعة 8 وتوا نبعتلك العنوان
مروان:تم
ونزلت لجين وركبت في السيارة
تيم:لو تاخرتي دقيقه ثانيه كنت بنمشي ونخليك
لجين:لاا تييومه منهونش عليك
تيم:معاش ادلعيني
لجين:يعني عيب ولا حرام الاخت ادلع خوها
وسكت تيم ومشوا لرياضه
.
.
:
كانت هاجر في البنك
معاد:كملنالك كل الممواضيع
هاجر:صدقو مايخدمك في الغربه الا ولد بلادك
معاد:توا التهمه بعدت من عليك وفي الاوراق مكتوب انه الفلوس تحولو لحسابك ايداع للمشروع
هاجر:اسمع اني نخاف تيم يفيق بالموضوع
معاد:باذن الله مش حيصير شي اطمني انتي
هاجر:تمام وبخصوص الاسهم يلي شريته في الشركة
معاد:اطمني السيد معروف تكفل بكل شي مفيش ح. بيعرف انك صاحبة الاسهم
هاجر:تمام
معاد:مع السلامة انسة هاجر
هاجر:مع السلامة
ركبت هاجر في سيارتها وقعدت مقعمزة تدكر وتبكي
{ من 4سنوات }
سناء:فوزي خيرك
فوزي:مجدي ياسناء سكت على حقي كله وتوا متصل يهدد فيا
سناء:حسبي الله ونعم الوكيل فيه
وفجاة الباب يدق
فوزي:اهلين مجدي
مجدي:وين الكلب راجلك
فوزي:شن جاي تبي تكمل تهدديك
كانت هاجر في دارها طلعت تسمع فيهم
مجدي:هدا رزق اني يلي كبرته شن دخلي لو انت في ورثة بوك مشيت خديت حوش لصغارك اني استثمرت
فوزي:هههه برزق الحرام امالا
مجدي:احترم نفسك صح خدمت في الحرام بس بعمري ماوكلت صغاري حاجة حرام اطلع من حوشي يلي توا قاعد فيه ياخانب
فوزي:اطمن معاش نقعدلك فيه الحوش،،،، واني مخنبتكش اني رجعت حقي
محدي:حقك في المحكمة
وهو مجدي كيف طالع فوزي طاح على الارض وخش في غيبوبة ليه فيها 4سنين
.
مسحت هاجر دموعها ولعت سيارتها
هاجر:انتقمت منكم بس بناخد تيم لان منقدرش نعيش بدونه اني حبيت تيم وبنكمل حياتي معاه