سرقة حياة ميتة

سرقة حياة ميتة16

#سرقة_حياة_ميتة_16
تيم:اقسم بالله العظيم لو توا مديريش تنازل لمه نطلقك اليوم ونرفعك نسلمك لشرطة يامجرمة
لوحها على على الارض وهيا لابسة البودري وجي قعمزة وجاب الاوراق
تيم:ديري التنازل هياا
نزت هاجر البيرو وهيا ترعش وتبكي وبنفس البيرو اللي نكتب بيها عقد زواجها خسرت بيه كل الاموال اللي جمعتها وخدتها من الشركة وقعت على كل الاواق
قام تيم هاجر من الارض وباسها من جبهتها
تيم:هكي انتي شاطرة
هاجر:بعمري مانتوقع تجي نهايتي على يديك
تيم:كل القصة رجع الحق لصحابه انتهي انتقامي منك وجي دور اللي حرقتلي قلبي
فتح تيم الباب ونزل وهاجر بدت تبكي بالعبرة نزل تيم من الدرج غمز للبنى اللي كانت يده اليمين في كل شي خشت لبنى المطبخ وصبت امية وركبت فوق لجين تشبحلها من بعيد ومستغربه هادي خيرهاا!!!
خشت لبنى لي هاجر لقتها طايحه على الارض وتبكي
لبنى:اشربي امية وجبتلك كسبر
هاجر:ياحقيرة جاية تبي تتشمتي فيا ولا
وناضت هاجر بتضرب لبنى
لبنى:صدقيني اني من زمان متشمته فيك مجتش في توا لان خديتي مني الشخص اللي نحبه ومحبكش هدا كان اكبر انتقام وشماته فيك وحالياً تزوجك مش اديري تنازل على يلي خنبتيه وينسى سيدتك اللي في قلبه
حطت لبنى الامية وطلعت
{ في الليل }
كان الحوش زحمة نساوين من مختلف الجنسيات في الوطن العربي كانوا الكل يسلموا ويباركو لي اسماء وهديكا سناء كانت تسحن وغايرة منها جت هند قعمزت جنب امها
هند:خيرك ابتسمي
سناء:عاجبك المنظر هدا مدايرين قدر ليها واني لا ، على شى تبيني نبتسم
هند:عادي يعني مرت عمي من يومها محبوبه
سناء:واني خيرني ،، تعرفي علاش لان هيا مرت مجدي بس واني مرت فوزي
هند:استغفر الله
سناء:لكن كان مخديتش منها راجلها ميكونش اسمي سناء
تلفتت هند لي امها
هند:عاودي شن قلتي
سناء:زي ماسمعتي
هند:راك كبيرة وبوي قاعد عايش عيب عليك
سناء:بوك عايش على الاجهزة واني عييت منه
هند:امي معاش توسعي خيالك مقدرتيش تخلي عمي يحبك قبل ماتتزوجي بوي وقبل ما يتعرف على مرت عمي تبيه يشوفلك توا اعقلي امي عن ادنك اني راكبه بنشوف بنتك مش نحنوها
جت اسماء قعمزت جنب سناء
سناء:هه مبروك على صغارنا
اسماء:يبارك فيك
سناء: وجهي في وجهك شفتي قداش احني قلوبنا صافيه اتجاه بعض
تلفتت اسماء لي سناء وابتسمت ابتسامة صفرة
اسماء:قال مركب الضراير سار ومركب السلفات حار وسلفه على سلفه تفرق بس انتي سلفه حلوفه من يومك
سناء:شنييي
اسماء:واطي صوتك قدام الناس العار ليك مش لي اسماء تسحابيني مش منتبها لتصرفاتك اللي اديري فيها لراجلي ولا ميحكيليش كيف اطاردي فيه على الواتس وتبي تكلميه حبيبتي راجلي يحبني ره
وناضت اسماء وبدت سناء تسحن
.
.
.
#كتابة_يقين_البشتي
.
.
.
كانت لجين واقفه قدام مرايتها لابسه قفطان ابيض فيه ورد قصير وكعب عالي ومكياج بسيط
لبنى:هيا معقولة من بكري باديه السهرية واحني منزلناش
لجين:مش موضوعي ،،،، وكانت لجين الدمعة في عيونها
لبنى:عارفتك محروقة بس يالجين انتي اخترتي الطريق هدا بنفسك
لجين:كيف ترا في حد يختار اللي يحبه قلبي حبه بروحه ولقيت روحي غارقه في حبه
لبنى:لاتعليق اني نازله
لجين:واني جاية وراك
وهما كيف طالعين من الدار جتهم هند
هند:من بتشد الحنة
لجين:اني
لبنى:واني واسيل المراياء
هند:تمام هيا خلي نشوف التحضيرات الاخيرة وانادي عليكم
اما خيرية كانت في البلكونة تكلم في محمد
محمد:عقباليك
خيرية:ههه امين لكن مش في الحنة عاد
محمد:شن قصدك لمه بنتزوجك متبيش اديري ليلة حنة
خيرية:اي قصدي اني كبرت على الحاجات هادي حبيبي
وطبعاً كانت وراها بنتها اسيل تسمع فيها
خيرية:توا نبي نزوج بناتي ونفرح بيهم
محمد:وانتي من حقك تفرحي بنفسك اديري ليلة حنة وحفلة ولو تبي حتى محضر اني منخليش شي في خاطرك
خيرية:ربي يخليك ليا يانور عيوني نحبك
اسيل:احمممم احممم
تلفتت خيرية مخلوعه
خيرية:اسمعي ياسعاد توا غدوة الصبح نكلمك
محمد:في حد جنبك
خيرية:اي
محمد:تمام حبيبتي تصبحي على خير ياعمري وردي بالك على روحك
خيرية:وانتي من اهلو ياغاليه
صكرت خيرية الخط وابتسمت لبنتها
اسيل:شن كملتي موعد العشاق متاعك انتي وحبيب القلب
خيرية:تحشمي هادي خالتك سعاد
اسيل:ليا ساعه نسمع فيك وانتي تتمعشقي عيب انتي كبيرة
خيرية:مليكش علاقه بيا فهمتي
اسيل:ليا علاقة في الوقت اللي مفروض توتي فيه لعرس بناتك تبي توتي فيه لعرسك
نفعلت خيرية من كلام بنتها
خيرية:بوكم مات واختك لبنى عمرها 6سنين وانتي عمرك 4 واني صغيرة عمري 19 السنة عمامك خدو الورث قعدت في حوش جدك وقعدو يقولو حوش ورثة نبو نبيعوا لولا عمكم مجدي ره قعدت في الشارع واني فرخه صغيرة قعدت في المحكمة مش ناخد رزق بوكم اللي خدوه عمامكم حلفت انه مانتزوجشش الا لمه نتهنى عليكم ونكبركم ضيعت سنين عمري عليكم وتوا لمه جي الراجل االي نحلم بيه طول عمري مش عاجبك حرام عليك
اسيل:غير ادقيقه وبوي الله يرحمه مكنتيش تحلمي بيه طول عمرك
خيرية:بوك بعمري محلمت بيه يوم عرسي كان عمري 12وشفت العداب على يديه ارجوك خليني في حالي بعد ضيعت عمري على خاطركم تبو اضيعولي العمر الباقي
ومشت وخلتها نزلت خيرية لقت الكل يرقص وفرحان قعمزت تفكر هل اللي دارته صح او لا جهزو هاجر ونزلوها من الدرج كانوا اسيل ولبنى شادين المراياء قدامها و لجين شاده الحنة واللي جنب هاجر اختها هند ومراة ثانية قعمزو هاجر وبدو يحنوا فيها حنة بسيطة دائرة فقط وبدو يغنو في مدي يدك نحنيها وبدت هاجر تبكي من جيهة ولجين من جيهة حطت لجين الحنة وطلعت لجنان وهيا تبكي