بلا سند
بقلمي
نايا البصرةفزيت من النوم مخروعه اشوف الشرطه تاخذ ابوي والازمينه ويسحون بيه وابوي تعبان مابيه حتى يعين نفسه وهو منا توو نايم يسحون بيه
من شفنه منظر ابوي هيج ظلينه نصرخ ونبجي وامي تصرخ على خوال ابوي نريد واحد يطلع ماكو جان وقت ظهر ومحد طالع وهما بعيدين علينه
اخذو ابوي وراحو الشرطه وبقينه احنا على الشارع نبجي
بعدما اخذو ابوي اجونه خوال ابوي اخذونه يمهم وبقينه كم يوم لمن ما راح واحد من خوال ابوي لبيبي وكال له ابنج اجت الحكومه واخذتهبيبي من سمعت اجت اخذته يمه بيته
بيبي هم جانت شاردة من عمامي تخاف من ولد عمي يكتلونهوراء فترة بيبي عرفت ابوي محبوس بسجن تسفيرات بالتوقيف بس كله تعذيب
بيبي ماعافت ابوي ظلت تروح له وما تكدر تشوفه خلت له محامي بس ولد عمامي وعمامي اثنين لي بقو ينطون فلوس علمود ابوي يتعذب ويضربونه اكثرعمامي جانت حالتهم الماديه كلش زينه بس ابوي جان فقير بيناتهم
ظلو يدفعون فلوس الحكومه يعذبون بيهبعد فترة بيبي كدرت اشوف ابوي وراحت هي وعماتي يشوفنه ويطمنن عليه ومن شافنه حالته كلش تعبانه من ضرب وتعذيب
بيبي خلت محامي ابويه بس حتى يخففون الحكم عليه بس عمامي يخلون محامي زين حتى ابوي ينحكم اعدام
بقى ابوي فترة بين سجن والتعذيب بعدين تحول
بسجن ابو غريب بغدادوبسجن ابو غريب تأزمت الامور تحولت اوراقه للقاضي
وكل الدلائل ثبتت هو القاتل متعمد يعني مو دفاع عن نفس ابوي ماعترف على نفسه ولا كال شيبقت بيبي تروحله زيارة كل اسبوعين مرة وكل مرة تاخذنه نشوفه
نروح نشوف ابوي حالته حاله متغير من تعذيب وضرب نظل بس نبجي وهو لا حوله ولا قوةبهاي الفترة بيبي باعت كل اغراض البيت الان خلصت الفلوس وخلت محامي ورجعو عمامي هم خلو محامي احسن منه
وبهيج صارت اوراق ابوي يم القاضي اكثر شي لحد هذا اليوم مانساه بيوم محاكمه ابوي
جان ابوي بالقفص كاعده وانه وخواتي كاعدين على الكراسي الاماميات وبيبي وعماتي وامي شايله اختي الصغيرة يمنه كاعدات
والقاضي مقابيلنه وعمامي واولادهم وكل ساعه واحد يصيحون باسمه يجي يخلي ايده على القران يحلف ويشهد على ابوي
ابوي جان يباوع لهم ويبجيظلو ولد عمامي يشهدون عليه لحد ما القاضي امر بخلاء القاعه علمود ينطي الحكم مال العقوبه
طلعنه بره كلنه وعمتي ظلت يم الباب القاعه تسمع الحكم وسمعت القاضي يكول حكمت المحكمه
بالاعدام شنقناً حتى الموت
أنت تقرأ
بلا سند
Romanceأن تعيش وحيداً اي ان تعيش مع عائله بلا اب وان تكون محاطاً بأصدقاء كثر ولكن بلا قلب قلبك راحل إلى الفناء تناديه لا يصغي إليك لا يرد وإعداد الناس من حولك اللامتناهيه ما فائدتهم ؟ هل يسدون النقص ؟ لا والف لا! لا يسد هذا النقص ألا ابي وما بعد ابي ج...