بلا سند
بقلمي
نايا البصرة
لم يكن ذنبنا ولكن ذنب غيرنا ونحن من
دفعنا ثمن أخطائهم
وكان ثمن كبير... وتلك الليله
مهما...حاولت أن امحوها من ذاكرتي
كانت تعود بصورة أقوى كلما رأيت
من كان السبب بموتهم حيا يرزق ذالك
الألم...تغلل بصدري
وكرهت أقرب الناس اليه لأنهم هم من
كان السبب بفقد اغلى الناس...لقلبي
من سمعنه الشرطي يكول تعالو راح ينفذون الحكم عليه بيبي وكعت بالكاع تصرخ وتلطم واني وخواتي نبجي
بيبي دزت على عماتي كلتلهن
تعالن اخوجن راح يتنفذ الحكم عليه
اجن عماتي وبقن يبجن ويه بيبي وراء يومين رحنا نشوف ابوي
رحنا له اول مدخلنه عليه وشافنه ظل يبجي ويوصي بيبي علينه وعماتي ويكل لبيبي وعماتي
يمه بناتي امانه عندج مالهن احد بعد امهن عافتهن بس انتن بقيتن امانتي حفظنها
وشال اختي رقيه وخلاها بحضنه وظل ينعي له واحنا نبجي
بوقته حتى شرطه ظلت اتسكت بينه بهاي الحظات صار موت على قيد الحياة بالنسبه النه
المواجهه جان مدته تقريباً ساعه وراها اجو الشرطه كالو لنا يلا خلصت المواجهه طلعو
جانو هما مخلين كل سجين بغرفه صغيرة بس وكفه وماتتحمل الغرفه شخصين
بعد مااجه الشرطي كال طلعو خلصت المواجهه ابوي سلم علينه وحده وراء ثانيه ويحضن بينه ويبجي
نعم كم صعبه لحظة الفراق... عندها تنتهي الكلمات وتكتفي الدموع بالتعبير..حزن القلب. ودمعة العين. واسترجاع كل الذكريات الذكريات هي الشيء الذي يبقى لدينا بعد الفراق ذكريات قد تمزج بين ابتسامة ودمعة او ان تضيف دمعة إلى دموع الفراق ذكريات سنوات قضيناها مع الاحبه
نسترجعها في دقائق والسبب هو الفراق وبقدر حبنا لمن نفارقهم بقدر ما تكون صعوبة لحظة الوداع
من ودعنه ابوي اخذتنه وحدة من عماتي ودتنه البيت وبقت يم ابوي بيبي وعماتي الكبار
بقن الصبح بسجن لحد ثاني يوم الصبح انطوها ابوي بتابوت
من منطين ابوي له ماخذينه ولد عماتي وعماتي وبيبي المغيسل حتى يغسلونه ويدفنونه
بيبي من مخلين ابوي على المغيسل صاعدة على المغسل وشايله راس ابوي مخليته بحظنه ومطلعه صدرة ومخليته بحلكه هو فاتح عينه بيبي من شافته فتح عينه فقدت وماظل عقل براسه ظلت تلطم وتصرخ لحد ما شالوها ولد عماتي وعماتي منه بالكوة
غسلو ابوي طبعا ابوي عادمينه بالأكهرباء جان اثر بركبته منا ومنا ازرك عادمينه على مكان النبض
اخذو ابوي دفنو ورجعو سوله فاتحه وبس اني وخواتي بقينه مثل سبايا لا اب ولاام لا اخ ولاعم ولا خال
خلصت الفاتحه وبدأت حياة جديدة يم بيبي حياة تختلف عن حياته ويه ابوي وامي
بقينه يم بيبي اني وخواتي اختي رقيه كبرت واحنا دخلنه مدارس
أنت تقرأ
بلا سند
Romanceأن تعيش وحيداً اي ان تعيش مع عائله بلا اب وان تكون محاطاً بأصدقاء كثر ولكن بلا قلب قلبك راحل إلى الفناء تناديه لا يصغي إليك لا يرد وإعداد الناس من حولك اللامتناهيه ما فائدتهم ؟ هل يسدون النقص ؟ لا والف لا! لا يسد هذا النقص ألا ابي وما بعد ابي ج...
