بلا سند

البارت العاشر

بلا سند

#بقلمي
نايا البصرة

أشد الجروح ألماً ليست
التي تبدو أثارها في ملامحنا
بل التي تترك أثراً
لا يشاهده أحد في أعماقنا

سارة

مر شهرين على رجوعنا من الزيارة وقاسم اسلوبه زاد مانقص ظل حتى ينام بالارض ولايحجي وياي واذا اسأله واكله

اشبيك قاسم شتريد موعدنه طفل وكاعدين مابينه شي
يظل يباوع عليه بأستهزاء ويخالي ويطلع

ظل على هاي الحاله لا يحجي ولا ينام يمي واذا احجي يسكت ومايحجي مليت منه وسكتت حتى اني عنه عمر ابني صار خمس اشهر وبيوم كاعد يبدل يريد يروح الشغل وهو يبدل ملابس ويحجي

قاسم:- اني راح ارجع الاهلي

رفعت راسي مصدومه من كلامه وكتله واني مقهورة

سارة:- اليش تروح واني وابنك

رد
قاسم:- اريد ارجع الاهلي راح اروح للشغل ومن ارجع الم ملابسي وارجع

حجه هيج وخله وراح الشغل ظليت كاعده ومقهورة واباوع على ابني لي ابوه ابد ميحس بالمسؤوليه دوم اني متكلفه بيه جبتها من طفولتي متعذبه وصرت ام واب الاخواتي

ثاني يوم كنت كاعدة يم بيبي وابني يمي واسمع باب المشتمل مالتنه انفتح وارء اشوي اسمع باب رئيسي انطبك من سمعت الباب انطبك بسرعه كمت ورحت المشتمل مالتي
واشوف بيبان الكنتور مفتحه وملابسه ماكو ماخذ ملابسه ورايح الاهله من شفته هيه كعدت بوسط الغرفه وظليت ابجي اكول اليش هيج يصير وياي ماخليت شي ماسويته لك عشت وياك على الحلوه والمرة اليش رحت وعفتنه ورحت

حتى مرة اذكر من كنت ويه اهله ونكسرت نظاراته وظل يحجي عليه وهو ماعنده افلوس يشتري نظاره واهله ماينطونه خليت ورحت الجوارينهم داينت افلوس ونطيته وراح يسويهن وهو مايشوف وخفت عليه لا تدعمه سيارة وظليت اتوسل باخوانه يروحون ومحد له علاقه بيه

كل هذا وتالي هيج يجازيني وحتى مصرف ممخلي لنه وابنه مريض ولا عندي حليب ولا حفاضات
ظليت كاعده وابجي بوسط الغرفه اجت بيبي وشافت هيج حالتي ظلت تحجي عليه وتكول

بيبي:- عليمن تبجين خلي يولي مرمرج ماتعبتي منه

رديت عليه واني ابجي واحس روحي دخت من كثر مابجيت
سارة:- وهذا الطفل وين اوديه
ردت عليه
بيبي:- الله موجود
هزيت راسي واني ابجي بيبي راحت واني رجعت الغراض والهوسه وجبت ابني يمي ونيمته وظليت كاعده وابجي وافكر اشلون بيه وابني مريض ويحتاجله عمليه وهو حتى مصرف مالخله

ظليت الصبح كاعده مانمت وافكر بحالي واشلون بيه
ظلن عماتي يجن ينطني مصرف وظليت ابيع من ذهبي واخذ ابني للطبيب ظليت على هاي الحاله وحدي اركض بأبني من الطبيب لطبيب وقاسم لا اجه ولا سأل ولا دز مصرف لبنه
ظليت منو يجي ويشوف حالتي واركض بأبني وماعندي حتى مصرف ولاابوه يسأل عليه ظلو يكلولي