بلا سند
بقلمي
نايا البصرة
القسوة اختراع بشري
الحيوانات لا تعذب بعضها البعض
نحن نفعل ذلك ؛
نحن الكائنات الوحيدة
القاسية في الوجود
عرفته يشتغل عامل نظافه بالمستشفى وهما بأيام الخطوبه كالو موظف
سكتت وما حجيت المهم يشتغل كلت مابيه عيب
كاعدين اني وياه بالغرفه نزع نظارة ورا شويه ظل يتلمس ويدور عليهن مثل لي ميشوف لمن اجيت اني وانطيتهن له
لي عرفته اذا نزع نظارات مايشوف كلش
وراء ثمانيه وعشرين يوم من زواجي صار عندي الالام من الأكياس لي بطني
اخذني قاسم للدكتور لي بالمستشفى لي يشتغل بيه دخلت على دكتور وفحصني بسونر وكالي
أكياس اكبار عندج ولازم عمليه فوريه
اني من كال هيج الدكتور سويت روحي مااعرف بيهن
ثاني يوم رحت الدكتورة فحصتني ومن شافتني تعجبت وظلت تلوم بيه وكالت
وين جنتي ماما هذني كلش اكبار لازم دخول عمليه مباشر
صدك ثاني يوم رحت دخلوني للعمليات عمليتي صارت فوق الكبرى لان جانن الاكياس كلش كبار كل كيس بحجم راس طفل
الدكتورة متعجبه اشلون باقيه عايشه وهاي الاكياس بطني بقيت بالمستشفى اربعه ايام مع العلم لي تسوي عمليه تطلع ثاني يوم بس اني ظليت لان فوق الكبرئ
ظليت اصرخ ورا ما خلص البنج كلش تعبت لان المبايض والرحم صار لهن سنين صايره عليهن الاكياس ومن شالوهن رجعن يشتغلن وبدء الوجع
كلش تأذيت طلعت حتى روحي من الوجع خلصت الرابعه ايام وطلعت رحت البيت بيبي علما اشيل الخيوط بقيت عشرة ايام عند اهلي وخواتي يعتنن بيه اجت ندى بقت كم يوم وراحت نوب اجت ايه بقت كم يوم وراحت علما شلت خيوطي اجه قاسم واخذني لأهله
رجعت بس روا كم يوم استلموني راوني المرار يوميه مشكله وهو ايده الضرب لان يدري ماعندي احد
وهو كل شخصيه ماعنده
وحتى اهله يعيبون عليه ومن يعيبون عليه يرجع عليه يضربني ويعاركني بس واحد يضوجه توكع براسي واني منا تعبانه
ومرت اخوة مسيطرة عليهم وهي تحكم ومحد يحاجيه يخافون منه لان وراها اهل واخوانها وابوها
حتى تجاوز عليه ولاهو يحجي ولا يخليني احجي واذا حجيت يضربني
شغل البيت كله عليه ومااحجي
مرة جنت كاعدة واصب جاي واجت حماتي وضربتني على راسي هو كاعد كبالي نصدمت اني وظليت اباوع على قاسم امه من شافتني اباوع عليه عاركتني وتكلي
تباوعين عليه عود شوف اختك اشلون ضربتني تردينه يعاركه علمودج
تحجي وهي منفعله وتغلط عليه
ظليت ساكته شريد احجي اذا زوجي مافتح حلكه وحجه وبس يباوع وهو ساكت
أنت تقرأ
بلا سند
Romanceأن تعيش وحيداً اي ان تعيش مع عائله بلا اب وان تكون محاطاً بأصدقاء كثر ولكن بلا قلب قلبك راحل إلى الفناء تناديه لا يصغي إليك لا يرد وإعداد الناس من حولك اللامتناهيه ما فائدتهم ؟ هل يسدون النقص ؟ لا والف لا! لا يسد هذا النقص ألا ابي وما بعد ابي ج...
