بلا سند

البارت الحادي عشر

بلا سند

#بقلمي
نايا البصرة

مُتعبة أنا
مني، من الناس، من الحظ، من النصيب
من الحزن، من هذه الروح التي ماعادات
لها القدرة على شيء من نبضي الذي لا يريد
أن يتوقف من الخذلان ، من المجامله ،
من الصبر ، من القسوة بقلوبهم ، من
الماضي ، من الغد الذي ليس له ملامح ،
من الانتظار ، من الاختناق

سارة

فتحت الباب وبيبي اجت وياي كتله تفضل كال

شرطي:- جايبلج تبليغ تحضرين للمحكمه

اخذت الورقه وظليت اباوع بيه وقريت مكتوب مطلكني غيابي عند السيد ومطلوب حضوري للمحكمه لتصديق الطلاق

ظليت صافنه على الورقه واني اقرا الخبر ومصدومه من لي سواه شنو سويت شنو لي بدر مني حتى هيج يطلكني

الشرطي من شافني هيج صافنه ومانطيت اي رد فعل ظل يباوع عليه وكلي

الشرطي:- خويه عرفتي هذا شنو هذا تبليغ علمود الطلاق

من حجه هيج الشرطي مارديت عليه ظليت بس صافنه على الورقه مااحس لا دموعي نزلن على الورقه واكول بكلبي اشلون هيج يسوي وياي واني تحملت كل هل الفترة وعايفته ومنتظره يتندم ويرجع واكول يجوز الله يهديه ويرجع نوب يطلكني

انتبهت من صفنتي وشرطي منتظرني وقعت الورقه وانطاني ورقه وراح

دخلت البيت وظليت ابجي وبيبي تواسي بيه تحملت كلشي بس كون ميطلكني وتالي طلكت مافكر لا بابنه ولا باحد اليش ظليت طول الليل ابجي واندب بحظي

جلسه بعد اسبوع ولازم احضر بالمحكمه صار اسبوع حضرت المحكمه رحت اني وبيبي واخذت ابني وياي شايلته على ايدي صار عمره سنه وثلاثه اشهر
دخلت المحكمه وشفت اخوه قاسم وابن عمه وهو ماموجود
ظليت كاعده وابني بحضني وبيبي يمي كاعده ظلو يصيحون بالاسماء لحد ما صاحو اسمي

ودخلت واني شايله ابني وبيبي ظلت كاعده بره

من دخلت القاعه شافني القاضي شايله ابني كلي

القاضي:- منو جاي وياج
رديت عليه وكتله
سارة:- بيبي
القاضي:- خلي الطفل عدة

طلعت وانطيت وابني البيبي ورجعت دخلت القاعه جان القاضي واني والمحاميين ويانه
من دخلت القاعه سألني القاضي وكلي

القاضي:- انتي طاهرة
سارة:- اي
القاضي:- خلي ايدج على القرآن

من كالي هيج القاضي هو المحاميين لي وياه وكفو اجيت اني وخليت يدي على القرآن
رجع القاضي كلي

القاضي:- كولي أقسم باالله العلي العظيم اني اقول الحق
خليت يدي وكلت مثل مكلي القاضي من قسمت وخلصت ظل يسألني القاضي واني اجاوبه