بلا سند
#بقلمي
نايا البصرة
ندى:-
حياتي مد وجزر ويه مصطفى ايام زين وياي وايام ينكلب عليه
بسبب امه واخواته ولي زيد طين بله ابو مصطفى صاف ويه زوجته عليه
كم مرة ازعل واروح البيت بيبي اني وجهالي واظل ايام لا يسأل عليه ولا على جهال
وظل اختي سارة محتارة بينه وبمصرفنه....
واني لا عندي احد يدز عليهم ويكلهم ليش هيج ويه بتنه بس بيبي لنه وبيبي مرة جبيرة وكل يوم واكعه وسارة محتارة بيها
اظل لحد ماابن عمتي يدز عليه واكعد وياه واسلوف له على عيالي واشلون يعاملوني
وهو مايصدك بيه نوب يرجعني بيدة واني الممنونه بهاذا تصرفه ظلو يعيالي وزوجي مايتهمولي وزادت معاملتهم لي اسوء
حتى خواته من يجن يغلطن عليه ويدعن عليه ومرة جنت كاعدة بغرفتي وهنا امهن كاعدات بصاله ويسولفن ويضحكن
واني كاعده اجه ابني وبيدة موبايل عمته ومفتوح على الوتساب الرسائل
اخذته من ابني وظليت اكلب بالرسائل واشوف كميه الغلط والدعاوي لي عليه
بسرعه سكرنت المحادثات ورسلتهن الفوني ومسحت سكرينات من فونه ورجعت الموبايل الابني
انقهرت وظليت احس روحي اختنكت وبجيت اليش شنو لي سويته حتى هيج حاقدات عليه اشو كايمه بصلوات بيهم وحتى لا كش بوجهن وقايمه بواجبهن
اجه مصطفى بليل وراويته المحادثات ظل صاف وماحجه ولا كلمه
اخذ الموبايل وطلع وراح الامه جانت كاعدة بالصاله هي وحمواتي
اخذ الموبايل كعد يم امه وظل يحجي وياه وكله
مصطفى:- يمه اليش هيج خواتي يغلطن ويدعن على ندى ميصير هيج مقصرة بشي هي كوليلي واني اصرف
عمتي من كله مصطفى هيج نطت عيونه وظلت تخوزر بيه وتصرخ وتحجي عليه
ام مصطفى:- اشوكت حاجيات عليه هي مرتك اتألف على خواتك وانت تاخذ بحجيه
من حجت هيج مصطفى طلع الموبايل وخله المحادثات كباله وكله
مصطفى:- اني ماألف على خواتي يمه اني شفت بعيني
ظلت عمتي تغلط وتصيح وتخزر بيه وتحجي عليه اشلون ماخذه الموبايل وشايفه الراسائل وبناته يمه ساكتات وبس يخزرن بيه
اني ماحجيت ولا فتحت حلكي بكلمه ومصطفى من شاف امه ظلت تصيح وتحجي سكت وكله
مصطفى:- هذا هو يمه سدو الموضوع بعد لا احد يفتحه واني امسح المحادثات اها اهه جدامج
مسح مصطفى المحادثات وخله وكام رحت وراء الغرفه
اجيت احجي سبقني وكال
مصطفى:- ولا كلمه وسدي الموضوع بعد لا تعيدينه وتجسرين على شغلات غيرج وتدورين مشاكل اني لويصير بأمي شي ربح بيج
أنت تقرأ
بلا سند
Romanceأن تعيش وحيداً اي ان تعيش مع عائله بلا اب وان تكون محاطاً بأصدقاء كثر ولكن بلا قلب قلبك راحل إلى الفناء تناديه لا يصغي إليك لا يرد وإعداد الناس من حولك اللامتناهيه ما فائدتهم ؟ هل يسدون النقص ؟ لا والف لا! لا يسد هذا النقص ألا ابي وما بعد ابي ج...
