عشق تغلفه القسوة..بقلم منار مازن

Part 10

-----البارت العاشر------

كل ما شعرت به هو القهر ولكن صبرا أعدك ان اريك مكر حواء عن قريب

فتحت عينيها بتثاقل لتجد الفراش فارغ تنفست بارتياح متجهه إلى الحمام الملحق بالغرفة لتريح جسدها بالمياه الدافئة

انتهت متوجهه إلى غرفة الملابس لتفعل ما نوت على فعله بعد ليلة أمس؛دقائق وكانت انتهت نزلت إلى الأسفل متوجهه إلى الخارج لتقابلها تولين

تحدثت باستغراب:ايه منزلك بدري ي تالي انتي عروسه جديدة

اجابتها بسخرية:عروسة وجديدة خلى حد غيرك يقول الكلام ده ما انتي عارفه اللي فيها وبعدين مش هيفرق معايا عروسه من غيره وأمريكا مش زي مصر وقبل ده كله ماحدش يعرف بجوازي انا والحقير ده

تجاهلت سخريتها:معاكي حق طب انتي رايحه فين

اجابتها ببرود احتل قسمات وجهها:رايحه انزل البيبي

صرخت بذهول:اييييييييه انتي واعيه للي بتقوليه الدكاترة كلهم قالو ان البيبي لو نزل انتي هتفقدي حياتك

اجابتها بجمود:أيوه واعيه وبعدين حياتي مش فارقه سواء عيشت او موتت

صرخت فيها:لا ي تالين فارقه وجودك مهم فى حياة كل شخص فى القصر ده

تحدثت بجنون تهز رأسها بهستيريا:الطفل ده لازم ينزل الحمل مش هيكمل ده نتيجة غلطه ومش مكتوب له يعيش..أيوه انا هنزله مش هسيبه يعيش ويفكرني

تحدثت محاولة اثنائها عن هذه الفكرة:اين يكن الجنين ده جه ازاي بس ده روح حرام تقتليه سواء البيبي فضل او نزل ده مش هيساعدك إنك تنسي

نظرت إليها بضياع وتشتت:لازم ينزل مينفعش يعيش مينفعش حتي لو بموتي

امسكتها من كتفيها تهزها بعنف:فوقي ي تالين فوقي نزول البيبي مش هيساعدك ده هتعيشي بذنبه طول عمرك اتحملي وارجعي قوية ربيه وعرفيه مين هي تالين العاصي انتي مش ضعيفه سااااامعه مش ضعيييييييفه

افاقت تالين من حالة الضياع التي تلبستها للحظات نظرت إليها بحزم:معاكي حق هربيه بس الأول افوق لنفسي واتابع شغلي

هزت رأسها برضي تام تضمها داخل أحضانها

افاقت كلتاهما علي تصفيق فهد:شابوه والله تصدقي الدمعه هتفر من عيني بقا عايزة تشتغلي تؤتؤ اخص عليا هو انا مقولتلكيش ان معنديش حريم بتشتغل

نظرت اليه بازدراء:هعمل اللي انا عيزاه ومش هتمنعني واه هشتغل واكمل شغلي

اقترب منها رافعا يده ينوي صفعها إلا أنها امسكتها بيدها قبل ان تصل لوجهها:هو ماما معلمتكش إنك تحترم جنس حوا ولا ايه اخص عليكي ي عمتي بس مش مشكلة انا هعرفك

نظر إليها بذهول تتحداه وتمسك يده بقوة لم يعدها ماذا تكون تلك الانثي خليط بين الضعف والقوة ولكنها لا تلبث فى دور الضعيفه كثيرا
🌸🌸🌸🌸🌸🌸🌸🌸
شهر آخر مر تغيرت طريقة تالين معه لم تعد تلك الفتاه التي تنكمش على نفسها خوفا من بطشه أصبحت تقف أمامه وتتحداه لا ينكر أنها أصبحت تشغل تفكيره اعجبته شخصيتها وهو فى الحقيقه أصبح يجتنب تواجده معها بنفس المكان تثير داخله مشاعر هو خائف منها بشدة لا يريد تكرار هذه التجربه من جديد شرد بذهنه قبل عدة سنوات تحديدا قبل
*عشر سنوات*
كان يحضر لرسالة الدكتوراة الخاصه به عندما اصطدمت به عن طريق الخطأ

صرخت فيه بغضب:أنت ي اعمي مش تفتح وانت ماشي كاتك القرف عشان طويل شويتين هيمشي يخبط فى خلق الله

انزل بصره لتلك اللعبة فهي حقا تشبهه الدمي بقامتها تلك اجابها بذهول:انتي بتكلميني انا

تحدثت بغيظ:وكمان غبي انت شايف فيه غيرك هنا

تحدث بغيظ:احترمي نفسك ي شبر ونص انتي وبعدين انتي اللي قصيرة اعملك ايه يعني وهي دي أخلاق واحده فى أمريكا

سبته بغضب:أنت مال اهلك انت أخلاق زفت عايشه فى أمريكا ولا غيره وبعدين تعالي هنا أنت هتتريق على خلقة ربنا

تحدث بغضب:بت انتي لمي نفسك انتي عماله تشتمي من الصبح

ابتلعت ريقها بخوف بعدما اسودت عيناه بغضب اسود
*عودة للوقت الحالى*
آفاق من شروده على دخول عاصم

تحدث عاصم بعد سكوت دام لعدة دقائق:سيبتك شهرين ومتكلمتش قولى ايه اللي خلاك تعمل كده مع بنت خالك بقا

أجابه ببرود:وهتفرق يعني لو عرفت

اغتاظ من بروده:اه ي فهد هتفرق على الأقل اعرف عملت كده ليه مع البنت الغلبانه دي

اعتدل فى جلسته يتحدث ببرود:اتحدتني وقلت ادبها فقولت اربيها اصل ماحدش يغلط فى فهد المالكي ويفلت من غير عقاب

صرخ فيه بغضب:يا أخي ايه برودك ده انت عارف انت عملت ايه انت دمرتها وفوق ده كله دي بنت خالك

لازال على وضعه وبروده:مكنتش أعرف غير لما خالك شافها وبعدين انت عارف مبحبش حد يطول لسانه ويتحداني
بالطبع يكذب فهو كان يشك عندما أخبره خاله بمواصفتها ولكنه تجاهل هذا واكمل ما كان يفعله

صرخ فيه بحده:أنت اللي حصل لسه مأثر عليك ي شيخ روح اتعالج بدل ما انت قربت تتجنن كده لسه عايشه ودافن نفسك فى الماضي والوحيدة اللي بتعاني معاك اللي دخلتها حياتك من غير اي ذنب روح اتعالج حتي عشان ابنك اللي جاي

هب من مقعده بغضب لاكما اياه:عاااااااااااصم متتجاوزش حدودك

تحدث بحزن على حاله:حاضر ي صاحبي يارب تفوق قبل فوات الأوان
🌸🌸🌸🌸🌸🌸🌸🌸
فى المساء فى الجناح الخاص بفهد دلف ليجد زوجته تستعد للخروج

سألها بجمود:والأستاذة رايحه فين الساعة 2الفجر

اجابته باستفزاز:ملكش فيه

زمجر بغضب:عدي ليلتك ي تالين وانطقي

اجابته ببرود:عندي عمليه على الحدود

مش هتروحي كانت تلك إجابته بكل بساطه

تحدثت وهي تنظر إليه بتحدي:هعمل اللي انا عيزاه ومش هتقدر تمنعني

زئر بغضب وهو يصفعها:واضح إنك اتدلعتي اووووي بس أوعدك إني هعيد تربيتك من اول وجديد

تحدثت بصدمه:أنت بتمد إيدك عليا
هي حقا كانت صدمة لها فهو طوال الشهر يتجنبها لم يرفع يده عليها

نظر إليها بغضب واستخفاف:اه واعمل أكتر من كده كمان ولا نسيتي إحنا اتجوزنا ازاي

يتبع
مستنية آرائكم وتوقعاتكم
بفكركم مواعيدنا من الأسبوع ده بأمر الله هترجع زي ما كانت البارتات اللي جايه قمر لا تقلقوا😹👀

#عشق_تغلفه_القسوة
#بقلم_منار_مازن