#لستِ_وحيدة

البارت الثالث

#لستِ_وحيدة || سارة مزهر

البارت الثالث

______________________

منين بدينا؟

واي طريق مشينا؟ وين وكفنا بهذا الطريق

رغم كل الظروف العشناها ورغم كل الظلم التعرضنا اله ورغم كل الذنوب الارتكبناها بحق نفسنا قبل الكل.. رغم كل لحظة ضعف وقوة مرت بينا كسرتنا و وكفتنا على حيلنا..

بعدنا لليوم نقاوم بشراسة حتى نوصل.. رغبة بالحياة لو اشباع للفضول مانعرف بس نؤمن أن احنا لازم نكمل.

-تقى-

انفتح باب الغرفة ودخل فراس على السريع لبست دشداشتي نزلتها على رجليه وهو يباوع عليه ويضحك.. كتله بخوف: فراس اطلع

فراس: لا تخافين... ترا مثل كل مرة

اتقرب مني وهو يضحك ويباوع عليه من فوك ليجوه..

تقى: ابد لا تتقرب اعيط باعلى صوتي ولله

اتجاهل كلامي واتقرب أكثر صار يمي كلش حصرني على الكنتور.. ردت بس اتحرك وهسه بس اريد احجي..

تقى: ما..............

حط ايده على حلكي وايده الثانيه على خصري وسحبني بكل قوته.. حاولت هوايه بس اوخر ايده من بطني مكدرت.. سحبني لحد ما صعدني على الدرج لغرفة مخزن براميل المي.. حول ايده من خصري لايدي اليمنى لزمني قوي وشمرني بالكاع..