#لستِ_وحيدة

البارت السادس

لستِ_وحيدة

مرة قبل مايموت بابا سمعته يحجي ويه اختي كللها..

الله ميأذي حتى الظالم.. شلون تعتبريه يأذيج !!

الله ميأذي احد, الله ينطي الصبر النا بأكثر لحظات متألمين بيها

الله يرحمنا من ما عدنا احد يرحمنا

الله يحبنا دائماً..

الله يسمعنا من تضيك الدنيا بينا..

الله يحمينا من نعرض حياتنا للخطر..

الله موجود بكل وقت علمودنا..

***

وبهذا الامر بيه هسه اني بس الله موجود ويايه.

-تقى-

كعدت الصبح رأسي صاير طبل ودايخه كلش.. معصم ايدي اليمنى صاير بيه زراك من كد ما جرني البارحة هذا الموصاحي..

كمت من الجرباية وباوعت على نفسي عيوني كلها سواد بسبب المكياج نزعت الرموش والعدسات باقيات من البارحة وشعري المكفش شديته.. نزعت القفطان ولبست الدشداشة الجنت لابستها حاولت اغسل وجهي بس الكلاص اليمي خلصان..

اريد اغسل وجهي اصحصح وجوعانة كلش كلشي مماكلة من البارحة..

كعدت على الجرباية واني احس الدنيا تفتر بيه باوعت على الساعة ب9..