القدر يجمعنا رغم كل شيء

part 1(البدايه )

تعريف بسيط ساره فتاه ذات ملامح بسيطه بشره بيضاء صافيه وعيون بنيه تمتاز بادبها وحياءها وحجابها ودائما ترتدي ملابس واسعه وانيقه وهي فتاه في 20من عمرها في 3جامعه كليه هندسه
أما مريم صديقه ساره في الجامعه وفي نفس الشعبه صديقتها منذ الطفوله مريم فتاه ذات بشره بيضاء وعيون عسليه لكن ملابسها ليست مثل ساره فهي ترتدي ملابس ضيقه بعض الأحيان نضرا لأن والداها لا يهتمان

تبدء قصتنا في كليه الهندسه حيث بطلتنا الجميله التي
انتهت للتو من السكشن
ساره:ايه ده انا زهقت
مريم :ايه يا ساره فيه ايه
ساره :سكشنات وقرف انا ايه خلاني ادخل هندسه بس يا ربي انا كنت عايزه طب
مريم :يبنتي احمدي ربنا وبعدين احلي حاجه اننا سوي
ساره :ما ده اللي مصبرني
مريم بمرح وهي توكز ساره في كتفها :بس الدكتور النهارده ايه مرفعش عينو من عليكي وكل شويه فاهمه يا ساره اعيد يا ساره كأن مفيش غير ساره
ساره بغضب:والله ده انا ماخدتش بالي خالص اصلا مكنتش ببص عليه وانتي بقي عينيكي راشقه فيه مش قولنا يبنتي حرام ربنا قال (وقل المؤمنات يغضضن من ابصارهن).
مريم وهي تضحك :خلاص خلاص مش هبص علي ولاد تاني
وفي هذه اللحظه مر ولدان فقالت مريم :الله بصي الوله  الامور ده
ساره بتنهيده :مفيش فايده فيكي خالص
مريم وهي تنظر لملابسها :طيب ملحظتيش حاجه
ساره بفرحه:الله ايه ده انتي طولتي هدومك شطوره يا مريومه طيب بالمناسبه دي انا لازم اعزمك علي حاجه حلوه
مريم :لا يستي انا لازم اروح انا خلاص همووت من التعب وعايزه انام
ساره :طيب خلاص يلا سلام
وبالفعل رحلت ساره ومريم كلا الي منزلها
      __________________
في هذه الأثناء
مجهول 1:يعني ايه رفض يتجوزها
مجهول 2:والله يباشارفض خالص وقال لو اخر يوم في حياته مهيتجوزها
مجهول 1:لا بقي كدا كثير دي ثالث واحده اجبهاله الشهر ده
مجهول 2:طيب يا باشا انت عايز تجوزو ليه
مجهول 1:مهو مصمم يتجوز البت اللي معاه دي وانا استحاله اوافق
مجهول 2:طيب هنعمل ايه يا باشا
مجهول 1 بغضب:انا جبت اخري معاه والله اول واحده هشفها لكون مجوزهالو ولو كانت ايه ولو رفض لكون حارمو من الميراث وارفدوا من الشغل وكان الرجل يقف أمام سيارته ويتحدث في الهاتف وكان بجواره مريم وساره
وهنا استمع الرجل لساره ومريم وعجبه حديث ساره ونصحها لمريم وقرر الرجل اللحاق بها وتزويجها لذالك الشخص مهما كان الثمن
       ___________________
في منزل ساره
دلفت ساره للمنزل
ساره :ماما ماما انا جعانه
مروه مامه ساره ست طيبه كدا :ايه يا ساره متقولي السلام عليكم الاول دخله جعانه جعانه ايه كانو بيجروكو في الكليه
ساره :اكثر يماما ده التفكير اصعب بكثير من الشغل البدني وبيجوع أكثر انتي متعرفيش ولا ايه
مروه:طيب خلاص قربت اخلص الأكل روحي غيري هدومك كدا علي مبباكي يجي من الشغل واخوكي من المدرسه
ساره بغضب :يلهووووووي
مروه بخضه:فيه ايه
ساره : هواحنا لسه هنستناهم انا هموووت من الجوع
مروه وهي تجري وراء ساره بالمعلقه :طيب والله لتضربي يا ساره الله يخربيتك خضتيني
ساره وهي تجري وتضحك خلاص ي رورو قلبك ابيض
ودخلت غرفتها
عاد اخو ساره حمزه ما المدرسه هو شاب في الصف الثالث الثانوي يبلغ من العمر 17 شاب وسيم ومرح يحب الضحك
وعاد والد ساره الاستاذ محمود الي البيت الاستاذ محمود هو مدرس رياضيات رجل مجتهد ويحب عمله
تجمعت الاسره علي سفره الطعام يترأسها استاذ محمود
ساره :اخيرا بناكل ده انا فقدت الامل في أننا ناكل
حمزه:بطلي دوشه يا بت انتي
ساره بغضب :بت اما تبتك بانا يتقلي بت انا اكبر منك احترم نفسك.... شفت يبابا
استاذ محمود:خلاص بطلو دوشه انتو لسه عيال صغيره
وصمتو واكملو طعامهم.
            ____________________
في مكان آخر اخر شارع ساره كان يقف هناك رجل يبدو في الخمسين من عمره يبدو عليه الهيئه والثراء يرتدي بدله سوداء حوله مجموعه من حرسه يسألون عن الفتاه التي رآها رايسهم
حارس :احنا يباشا عرفنا كل حاجه عن البنت دي دي اسمها ساره محمود عمران بباها مدرس رياضيات وممتها ست بيت عندها اخين اخ كبير اسمه احمد مسافر بره شغال مهندس والاخ التاني في ثالثه ثانوي اسمه حمزه كل اللي سالناهم يباشا بيشهدولهم بالاخلاق والأدب .
مجهول 1:تمام اوي
       ___________________
في منزل ساره
وجدت ساره جرس الباب يرن وكانت قد انتهت من صلات المغرب وترتدي اسدالها فذهبت لتفتح وجدت رجلا فخفضت بصرها فورا
حارس مجهول 1:استاذ محمود هنا
ساره :اه موجود ثواني
ونادت ساره علي والدها
حضر استاذ محمود ودعا الواقفين علي الباب للدخول
حارس مجهول 1: استاذ محمود رايسنا عايز يتكلم معاك شويه
استاذ محمود :ماشي اتفضلوا نتكلم جوه
دلفو الي الصالون
استاذ محمود بعد أن راي وجه مجهول 1 قال بصدمه وفم مفتوح وعينان متسعتان :مستحيييييل عمر الكيلاني في بيتي ده صاحب اكبر شركات هنا وفي فرنسا وانجلترا كمان مستحيييل
عمر الكيلاني :مش مستحيل ولا حاجه بص بقي من غير لف و لا دوران انا جاي اطلب ايد بنتك لابني
محمود بعد أن زالت صدمته قليلا :ازاي يعني مش فاهم
عمر الكيلاني :ايه اللي ازاي هما بيطلبو ايد البنات ازاي مزي الناس
محمود :بس يبشمهندس انا اه يشرفني انك تكون في بيتي بس انت راجل كبير وليك أعداء اكثر من الحلفاء وانا مش هخاطر ببنتي وغير كدا مضمنش ان ابنك يصون بنتي ويحفظها احنا ديما نسمع ان عيال الأغنياء  مدلعين وشرب وبنات وبيستخدموا الفلوس غلط
عمر الكيلاني وهو يقف:الواضح انك فهمت غلط انا مش باخد رايك انا هجوز بنتك لابني عنك أو غظب عنك وردك يوصلني بكره بالموافقه والا قسما عظما لتكون انتي وعلتك ورا الشمس
وقام برمي كرت يحتوي علي رقم هاتفه امام محمود
محمود بغضب:مش هيحصل ومش هوافق علي اللي انت بتقولوا وعمرك ما هتسمع مني موافقه وقام محمود بتمزيق الكارت
رحل عمر الكيلاني وخلفه حراسه
أما محمود فقد توتر كثير فعمر ليس بالشخص السهل ابدا
بعدها دلف كل من مروه وحمزه وساره الي الصالون
ساره :فيه ايه يا بابا صوتكوا كان عالي
محمود ويبدو عليه الإرهاق والتفكير:مفيش يا ساره ده شويه كلام عن مشاكل في الشغل اصل فيه خناقه بين مدرسين وعايزين اصلحهم
ساره بعدم تصديق :امممممم مشاكل شغل  طيب انا داخله انام تصبحوا علي خير
حمزه :وانا كمان داخل انام انا هموت الدروس مبهدلاني وانا يا قلب امي ليه صغير علي البهدله
مروه :خلاص يحبيب امك ادخل نام
وبالفعل ذهب كل من ساره وحمزه للنوم بينما بقي محمود ومروه
مروه :ها يمحمود فيه ايه شكلك مش مظبوط
محمودبتوتر:ايه يمروه مقلنا مشاكل في الشغل
مروه :مشاكل ايه يمحمود متضحكش عليا هي المشاكل مش هتستني للصبح فيه ايه قولي يمحمود
محمود باستسلام:في عريس متقدم لساره
مروه باستغراب :طيب وايه المشكله
محمود :اص اصل
مروه :متقول يمحمود فيه ايه 
محمود وهو يمسع وجهه بعنف :اصل المتقدم ابن عمر الكيلاني
مروه بشهقه :اييه ابن مين عمرر الكيلاني
محمود :ايوه ابن عمر الكيلاني
مروه بقلق :طيب ايه عمر الكيلاني راجل غني اه ومشهور اه بس انا مش هسيب بنتي لبنه احنا حلمنا يبقي واحد بسيط مش مشكله بس يبقي ملتزم لكن ابن عمر الكيلاني اعرف منين انو ملتزم وهيصنها ويحفظها
محمود :مانا رفضت علشان كدا بس ....بس هو هددني
مروه بقلق :طيب هنعمل ايه يمحمود احنامش قدو بس انا مش هسيب بنتي ليهم وشرعت في البكاء
قام محمود بحتضانها :خلاص اهدي ميقدرش يعمل حاجه ومش هنسيبه يا ذيها
       _________________________
في مكان آخر في فله كبيره جدا أشبه بالقصر
عمر الكيلاني :ها عرفتوا توصلو لحاجه
احد حراسه :اه يباشا وصلنا أن ليهم عمه عايشه مع جوزها وهيه دي الوحيده اللي هنا في القاهره تقريبا بقيت عائلتهم من اسماعيليه
عمر الكيلاني وهو ينفث سيجاره :طيب ابداو في شغلكوا
الحارس :حاضر يباشا
          ______________________
في صباح يوم جديد
ارتدت ساره ملابس مكونه من فستان زهري فيه فصوص لولي بيضاء وطرحه بيضاء وخرجت للجامعه
أما مريم فرتدت بنطال جنز ازرق وعليه تيشرت فشيا يصل لاعلي الركبه بقليل وطرحه زرقا
وصلو وانهو محاضراتهم وخرجو
مريم بقلق :في ايه يساره شكلك مش مضبوطه
ساره بتوتر :مش عارفه يمريم اصل بابا جاله امبارح ناس شكلهم غريب بدل وكأنهم ناس مهمه اوي فأنا خايفه اوي علي بابا
مريم :مسالتيهوش في ايه
ساره :سالتو بس هو بيتهرب
مريم :خلاص روحي شوفي في ايه يلا سلام
ساره:سلام
         _____________________
بعد مده
وصلت ساره للمنزل وهي عاقده العزم علي سوال والدتها ماذا يجري
ولكن صدمت حين دخلت البيت
ساره :السلام عل.........هو فيه ايه انتو مالكوا كدا
وجدت ساره البيت مقلوب ابيها يضع يده علي وجهه وامها تبكي بصمت بينما حمزه يقف مسندا ظهره علي الحائط مخمض العينين وزوج عمتها في حاله يرثا لها بينما يحمل ابن عمتها الذي يبلغ من العمر 3اعوام وهو يبكي بشده
ساره بصراخ :فيه ايه محد يرد
ثم صمتت بعد أن وجدت هاتف والها يرن
محمود :الو
عمر الكيلاني :اييه عجبتك المفاجاه مش كدا
محمود بصوت عالي وغضب :هو انت
عمر الكيلاني :متوطي صوتك احسن لك العبه في ايدي مش فيدك
محمود بعدان هدا قليلا :رجع اختي احسنلك
عمر الكيلاني :مش قبل ما توافق علي الجواز
محمود :لابقي هو عافيه مترجع اختي احسنلك
قام عمر بالاشاره الي أحد الحراس فقام بشد عمتها هدير من شعرها بقوه فصرخت
عمر الكيلاني :ها سمعت
محمود باستسلام:خلاص عايزين ايه
عمر الكيلاني توافق علي الجواز واختك هتكون جنبك وإلا هتكون جنبي هنا وكل يوم هاخد واحد من العيله يشرفني هنا ومش بعيد الدور والجاي علي عروستنا الاموره
محمود بنفاد صبر :طيب خلاص تعال باليل واحنا هنتفق
عمر الكيلاني ببرود وهو ينفث السيجاره :برضوا مفهمتش حاجه
محمود :يعني خلاص تعالي بالليل وحنا هنحدد معاد الشبكه وكتب الكتاب والفرح
عمر الكيلاني بابتسامه انتصار :ايوه كدا انا بحب اللي بيسمعوا الكلام اختك تعالو خدوها من شارع .....
محمود بعد ان تهاوي علي الكرسي :ماشي جاين اهو
ساره بعدم فهم انا مش فاهمه حاجه ايه اللي بيحصل شبكه مين وكتب كتاب مين وايه اللي بيحصل وعمتوا مالها
محمود :هتفهمي كل حاجه بس بعد لما نرجع واتجه هو وزوج عمتها وابن عمتها الي المكان الذي فيه عمتها هدير واحضروها واوصلهم محمود الي منزلهم ثم عاد إلي بيته
ساره بعد أن دخل محمود :هايبابا قولي فيه ايه ماما وحمزه مش راضيين يتكلموا
محمود بارهاق ظاهر عليه :ساره انتي جايلك عريس وانا موافق عليه
ساره باستغراب :طيب وايه علاقه ده بأن عمتو هدير اتخطفت
اضر محمود أن يخبرنا بكل شي
بعد أن انتها محمود من كلامه تهاوت ساره علي الكرسي
ساره والدموع تتجمع بعينيها :يبابا انا مش عايزه اتجوز وانت وعدتني اني مش هتجوز الا لما اخلص جامعه واشتغل وكمان انا اللي اقرر اللي هتجوز ويبقي ليا حق الاختيار ويبقي ملتزم ومؤدب انا مش موافقه
محمود بحزن علي ابنته :انا اسف مفيش في أديا حاجه اعملهاودخل الي غرفته كما فعلت ساره وحمزه بينما دلفت مروه الي غرفه محمود
مروه :ايه يمحمود يعني خلاص هتتجوزو
محمود بأسي :انا مش عارف اعمل حاجه وزي ما شفتي خطف هدير وهي رايحه الشغل ممكن في اي لحظه يخطف ساره وسعتها هنوافق برضوا بس هيبقي منظرنا اوحش واوحش
مروه :انا هموت واعرف شافها فين وشمعنا هيه
محمود :والله معرف بس النصيب بقي...... مروه بالله عليكي ادخلي اطمني عليها شكلها مموته نفسها عياط
مروه :حاضر

دخلت مروه غرفه ساره وجددتها لاتزال بملابسها وتنام علي السرير وتبكي بشده
مروه بحنان وهي تحرك يدها علي ظهر ساره ببطئ وتجلس بجوارها :خلاص يساره متعمليش في نفسك كدا
ساره ببكاي وصوت شبه مسموع من كثر شهقاتها :انا مش ...عايزه..اتجوز
مروه بحنان :مش يمكن يطلع كويس ومحترم ويصونك ثم اضافت بمرح وبعدين اهو حالتهم حلوه هيعيشوكي في هنا وسعد غيرنا هنا
ساره بعد أن نظرت لوالدتها وارتمت في حضنها : لا يماما متقوليش كدا انا بحبكوا وانتو عمركوا معيشتوني وحش انا حابه عشتي معاكوا ومش عايزه اسبكوا
فكرت والدتها قليلا ثم قالت :في حاجه غريبه يساره انتي بطعيتي اوي وكانك كنتي مستنيه حد تاني يتقدملك صح
نظرت ساره لوالدتها باستغراب
فقالت والدتها :اه انتي شكلك كدا اوعي تكوني لسه بتفكري في يوسف
نظرت إليها ساره ثم قالت :..........

_____________________
ها ايه رايكوا في البارت الاول
ساره هتعمل ايه مع عريس الغفلة ده
ويترامين يوسف
استنوا  البارت الجاي ومتنسوش فلو وكومنت حلو منكوا 😘
يلا مستنياكوا في البارت الجاي⁦♥️⁩